[فضي البراك]

خلاص مات الحب فيني والالهام=هان الغلا وعشرتك هانت عليَه

لا ترتجي من عاشقك شوق وهيام=طلعت من صبري وشرهة يديَه

على مدى فرقاك سجيت الاقدام=اعتقتها والنفس منَك بريَه

أكبر من الكلمة على نزف الاقلام=واكرم من كفوف السخا للعطيّه

واصدق من الدمعة على خد الايتام=واوفا من اخلاص الخوي أل خويَه

هذاك حبي ياسبب موت الاحلام=يوم الوصايا تحتضنها وصيّه

ولا انت لاهي في جروحي من العام=تجرح وتلحقني خطاها خطيَه

تذكرني في ضيقك وتنساني ايام=وتحط كل ماضقت حرَتك فيَه

يوم المشاعر جت على جالك حيام=وردتها لعدود حوض المنيَه

خليتني بين الحقيقة والاوهام=وانا على النيَه ونيتك نيَه

لعبت دورك صح..في زيف الافلام=مثلت لي قصَة هوى العامريَه

عزفت لك من صادق احساسي انغام=وغنيت لك اخاف اصير الضحيَه

وصرت وشفني منقسم سبعة اقسام=مثل الشضايا لا قفتها شضيَه

لكن على كل حال..قدام..قدام=مصير حي الوقت يصدف بـ حيَه

صحيح ما جابتك لي بيض الاحلام=لكن تجيبك سود الايام ليَه

الشاعر المبدع/ خالد الهطلاني

الموضوع الأصلي: صحيح ما جابتك لي بيض الاحلام/لكن تجيبك سود الايام ليَه | | الكاتب: فضي البراك | | المصدر: شبكة بني عبس

[آهــذريــبــك]

قصيدة مثاليه بما تحمل هذه الكلمة من معنى

صح لسان خالد الهطلاني

وسلمت يدي فضي البراك !

[ناصر الرشيدي]

صح لسان شاعرها

مبطين عن اختيارك يابو فيصل

وذائقتك فايف ستار

[سحايب]

صح السان شاعرها
وسلمت يمناك
على نقل

[فضي البراك]

اقتباس من مشاركة آهذريبــك قصيدة مثاليه بما تحمل هذه الكلمة من معنى صح لسان خالد الهطلاني وسلمت يدي فضي البراك !

أهذريبكـ

مرورك شرف ياكحيلان

[فضي البراك]

اقتباس من مشاركة ناصر الرشيدي صح لسان شاعرها مبطين عن اختيارك يابو فيصل وذائقتك فايف ستار

أبو سيف ،،

البياض الأنقى والرهان والأبقى ،،

مليون ورده لك

[فضي البراك]

اقتباس من مشاركة دمعه صح السان شاعرها وسلمت يمناك على نقل

سلمتي ع المرور

[بنساك]

شكرا فضي

ابيــــات في قمة الروعه
صح للسان شاعره
وسلمت انامل ناقلها