خلاص مات الحب فيني والالهام=هان الغلا وعشرتك هانت عليَه

لا ترتجي من عاشقك شوق وهيام=طلعت من صبري وشرهة يديَه

على مدى فرقاك سجيت الاقدام=اعتقتها والنفس منَك بريَه

أكبر من الكلمة على نزف الاقلام=واكرم من كفوف السخا للعطيّه

واصدق من الدمعة على خد الايتام=واوفا من اخلاص الخوي أل خويَه

هذاك حبي ياسبب موت الاحلام=يوم الوصايا تحتضنها وصيّه

ولا انت لاهي في جروحي من العام=تجرح وتلحقني خطاها خطيَه

تذكرني في ضيقك وتنساني ايام=وتحط كل ماضقت حرَتك فيَه

يوم المشاعر جت على جالك حيام=وردتها لعدود حوض المنيَه

خليتني بين الحقيقة والاوهام=وانا على النيَه ونيتك نيَه

لعبت دورك صح..في زيف الافلام=مثلت لي قصَة هوى العامريَه

عزفت لك من صادق احساسي انغام=وغنيت لك اخاف اصير الضحيَه

وصرت وشفني منقسم سبعة اقسام=مثل الشضايا لا قفتها شضيَه

لكن على كل حال..قدام..قدام=مصير حي الوقت يصدف بـ حيَه

صحيح ما جابتك لي بيض الاحلام=لكن تجيبك سود الايام ليَه

اقتباس من مشاركة آهذريبــك (المشاركة 2568229) قصيدة مثاليه بما تحمل هذه الكلمة من معنى صح لسان خالد الهطلاني وسلمت يدي فضي البراك !

اقتباس من مشاركة ناصر الرشيدي (المشاركة 2568250) صح لسان شاعرها مبطين عن اختيارك يابو فيصل وذائقتك فايف ستار

اقتباس من مشاركة دمعه (المشاركة 2568263) صح السان شاعرها وسلمت يمناك على نقل