[عبدالهادي بن صبح]

ياهني من ذاق حلو النوم ياهنيه=في ساعةٍ مرتكي على كوعي
أخط ذكراي فوق جناح قمريه=وأقول طيري مطيرٍ ماله رجوعي
ياكيف سوت صواديف الدهر فيه=خلتني أوادعك وأنا أمسح دموعي
وأنا ضعوني عن أضعونك نحاويه=لاتفكر أنك هوى بالي ومطموعي
نسيت حبك والايام الغراميه=نسيت شيٍ مضا والراس مرفوعي
لاشك حاجه بروحي لاشعوريه=تعطيك عن ماضي العشاق موضوعي
ماتدري أنك تركت الحال مبريه=عامين وأنا معك وألاوع اللوعي
واليوم لاوالله ألا جات عكسيه=وأنهد مشروعك ولا طاح مشروعي
أنت الذي خنت ميثاق الهواويه=لاتلومني يوم معك أختلفت طبوعي
رح للذي غرك بغتره وطاقيه=تراك في هقوتك ضايع ومدفوعي
ولاأنته بلاقي معه رحمه وماويه=ياحسرتك يوم ترجع لي مخدوعي
معاد للعذر يالخاين قبوليه=أخترت دربك وأنا مختاره بطوعي
ولاعاد فيها غرام ولا محنيه=دنياك هاذي مصايب سود وفجوعي
أما بقو العزايم نارنا حيه=ولا على ماتريده باأعلن خضوعي
ياجابر أطرب رفيقك بالهجينيه=ترى التناهيت خطرٍ تفجر ضلوعي
أربع ليالٍ مضت عيني سماويه=أراقب الصبح وأراقب له طلوعي
أطرح علي الحلول الدبلوماسيه=والحبل من بيننا مثني ومربوعي
أما أستمعت لعواريف الافنديه=ولا لغير العوارف ماأرخي سموعي

الموضوع الأصلي: نسيت حبك والايام الغراميه | | الكاتب: عبدالهادي بن صبح | | المصدر: شبكة بني عبس

[عيد الداموك]

ياكيف سوت صواديف الدهـر فيـه* خلتني أوادعك وأنا أمسح دموعـي

هويدي بن صبح صح اللسانك وعلى شانك
قصيده جميله وانا نسخت منها هذا البيت
وعزالله اني حفظته لاتحرمنا من جديدك
يـــ هوووويدي ونحن سعداء بحضورك .

[احمد سبيتان]

صح لسانك يابن هويدي قصيده رائعه بروعة حضورك


اتمنى لك التوفيق

[عيسى محمد]

هويدي بن صبح

هنا الابداع الشعري
صح الله السانك ملايين
ابيات جزله من راس جزل

[مرآهيش]

صح لسآنك

سجلني من متآبعينك

[الحر النداوي]

الله الله
صح لسانك ياهويدي بن صبح
أبداع أبداع كالعاده

تقبل مروري

[عبدالهادي بن صبح]

اقتباس من مشاركة عيد الداموك ياكيف سوت صواديف الدهـر فيـه* خلتني أوادعك وأنا أمسح دموعـي هويدي بن صبح صح اللسانك وعلى شانك قصيده جميله وانا نسخت منها هذا البيت وعزالله اني حفظته لاتحرمنا من جديدك يـــ هوووويدي ونحن سعداء بحضورك .

عيد الداموك صح بدنك طال عمرك
وأنا والله أسعد بمرورك
وتواجدي مع رجال مثلك وشرواك هذا أكبر شرف لي
تحياتي وتقديري لك

[عبدالهادي بن صبح]

اقتباس من مشاركة احمدسبيتان صح لسانك يابن هويدي قصيده رائعه بروعة حضورك اتمنى لك التوفيق

أحمد صح بدنك ويعلم الله أنك شرفتني بمرورك طال عمرك

لك التحيه والتقدير