|
نسيت حبك والايام الغراميه
ياهني من ذاق حلو النوم ياهنيه=في ساعةٍ مرتكي على كوعي أخط ذكراي فوق جناح قمريه=وأقول طيري مطيرٍ ماله رجوعي ياكيف سوت صواديف الدهر فيه=خلتني أوادعك وأنا أمسح دموعي وأنا ضعوني عن أضعونك نحاويه=لاتفكر أنك هوى بالي ومطموعي نسيت حبك والايام الغراميه=نسيت شيٍ مضا والراس مرفوعي لاشك حاجه بروحي لاشعوريه=تعطيك عن ماضي العشاق موضوعي ماتدري أنك تركت الحال مبريه=عامين وأنا معك وألاوع اللوعي واليوم لاوالله ألا جات عكسيه=وأنهد مشروعك ولا طاح مشروعي أنت الذي خنت ميثاق الهواويه=لاتلومني يوم معك أختلفت طبوعي رح للذي غرك بغتره وطاقيه=تراك في هقوتك ضايع ومدفوعي ولاأنته بلاقي معه رحمه وماويه=ياحسرتك يوم ترجع لي مخدوعي معاد للعذر يالخاين قبوليه=أخترت دربك وأنا مختاره بطوعي ولاعاد فيها غرام ولا محنيه=دنياك هاذي مصايب سود وفجوعي أما بقو العزايم نارنا حيه=ولا على ماتريده باأعلن خضوعي ياجابر أطرب رفيقك بالهجينيه=ترى التناهيت خطرٍ تفجر ضلوعي أربع ليالٍ مضت عيني سماويه=أراقب الصبح وأراقب له طلوعي أطرح علي الحلول الدبلوماسيه=والحبل من بيننا مثني ومربوعي أما أستمعت لعواريف الافنديه=ولا لغير العوارف ماأرخي سموعي |
ياكيف سوت صواديف الدهـر فيـه* خلتني أوادعك وأنا أمسح دموعـي هويدي بن صبح صح اللسانك وعلى شانك قصيده جميله وانا نسخت منها هذا البيت وعزالله اني حفظته لاتحرمنا من جديدك يـــ هوووويدي ونحن سعداء بحضورك . |
صح لسانك يابن هويدي قصيده رائعه بروعة حضورك
اتمنى لك التوفيق |
هويدي بن صبح
هنا الابداع الشعري صح الله السانك ملايين ابيات جزله من راس جزل |
صح لسآنك
سجلني من متآبعينك |
الله الله صح لسانك ياهويدي بن صبح أبداع أبداع كالعاده تقبل مروري |
إقتباس:
عيد الداموك صح بدنك طال عمرك وأنا والله أسعد بمرورك وتواجدي مع رجال مثلك وشرواك هذا أكبر شرف لي تحياتي وتقديري لك |
إقتباس:
أحمد صح بدنك ويعلم الله أنك شرفتني بمرورك طال عمرك لك التحيه والتقدير |
| الساعة الآن +4: 04:33 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
