[بندر نواف]

نواوير

يا روض عشبٍ زاهي ٍبالنواوير
هيّضت قلب المهتوي للأغاني

وسيّلت دمع العين في تالي عصير
وذكّرتني باللي غلاه احتواني

راع العيون الناعسات المفاتير
والله ما أنسى يوم جيته وجاني

يومه قبالي يمسح الدمع ويشير
صوب المغيب وقال: إسمع تراني

اخاف من بُكره لو يصير ما يصير
إن غبت عنك غصب تنسى حناني

وأرخى هدب عينه وهلن محادير
وتمتم.. نهيت القلب عنك وعصاني

عنك عصاني القلب حشمة وتقدير
وكل درى بالوضع قاصي وداني

حاول يداري دمعته صاحبي مير
اخنقته العبرة وصد وبكاني

وده يعبر ما لقى أي تعبير
ونفس الشعور اللي إعتراه إعتراني

قلت: أنت صاحي، قال: حكم المقادير
دونك وقف حظي وعاثر زماني

حاولت أجامل قلت: يمكن لنا خير
وبالصوت صاح.. الخير توه جفاني

حدي بشوفه يوم شقق أزارير
ثوبه، وأنا العبرات هزت كياني

مالك عن المقسوم لو إنك تطير
مالك عن المقسوم يالمودماني

بندر بن نواف الرشيدي

للإطلاع على النص :

http://www.alqabas-kw.com/Article.aspx?id=618525&date=02072010

الموضوع الأصلي: جريدة القبس :: الادب الشعبى :: نواوير :: 02/07/2010 | | الكاتب: بندر نواف | | المصدر: شبكة بني عبس

[مسندالعويمري]

مرحبا أخي بندر بن نواف

شعر راقي ..


صح السانك


على هذه الابيات الجميلة

[كاتب الرشيدي]

شاعرنا العذب بندر

قصيدة جزلة ولاهوغريب عليك


صح لسانك

[صويلح الصالح]

قصيده جزله شاعرنا مرحبن مليون صح السانك

[فضي البراك]

بندر نواف ..

أهلاً سيدي وأستاذي ..

شكرا على هذه الهدية الرائعة .. الجميلة ..

بندر ..

كم أحب فيك شعرك .. أدبك .. تواضعك .. خلقك الرفيع ..

سطرت لنا رائعة باذخة الجمال ..

أعجز عن الحديث عن هذه الرائعة ..

ولكنني أجيد التصفيق لها بحرارة ..

بندر ..

كلما تذكرت خطر لي بيت :

وأن كريم الأصل كالغصن كلما=تحمل أثماراً تمايل وأنحنى

[سعدعايض]

صح لسان الشاعرقصيده جزله

[العبسي الغامض]

لاهنتَ وليست غريبه هالقصايد من الدره الفريده

شكرا لكَ

[بندر نواف]

اقتباس من مشاركة مسندالعويمري مرحبا أخي بندر بن نواف شعر راقي .. صح السانك على هذه الابيات الجميلة

صح بدنك أخوي
مسند العويمري
أشكرك على هذا الإطراء
وإن كنت لاأستحقه
تحياتي لشخصك الكريم