[مبارك السوارج]

هذا قصيده اهداء لكــــــــــم

يالله ياللي تنشي غر الامزاني = ياللي خلقت أدم ابونـا امن الطيني

يا الواحد الفرد يا اللي ما معك ثاني = ادعوك بأسماك يا ربي تشافيني

والطف بحالي تراي اليوم مرضـاني = قـام المرض يا مدير الكون يطويني

تسع اسنواتً وانا يا ربي اعاني = وصار المرض معه يا ربي معاويني

يا ناس اثر كل شي يرد نقصاني = نسرح ونمرح وسـلمى فاله شيني

حب الغنادير خليـته وخلاني = ما ابيه وهو كذلك ما هو باغيني

لو عرضت قدم وجهي خرس الاعياني = صديت من غير حقران (ن) عن الزيني

عقب اربعين السـنه ماني بطرباني = علمي براحات نفسي بثلاثيني

المقصد اني بعمري صرت بلشاني = ورجلي صار (ن) ثلاث (ن) واهن ثنتيني


الـشاعر : مبـارك بن رشيد الـسوارج . . .


وسلامتكم

الموضوع الأصلي: يالله يا اللي تنشـي غر الامزاني ( مبارك السوارج ) | | الكاتب: مبارك السوارج | | المصدر: شبكة بني عبس

[كاتب الرشيدي]

صح اللسنك

الله يشافيك من ماتعاني

واحتسب الآجر
وندعو لك الله بالشفاء العاجل

بارك الله فيك

[الشاعر المجهول]

صح لسانك
قلبك خضر

[مبارك السوارج]

لا هنتو على المرور وبيـض الله وجيـهكم

[ذيب الوسعه]

صح لسانك
ويعطيك العافيه
ع القصيده الرايعه

[أثير الشوق]

احييك على هذه الابيات الرائعه
شكرا لك وصح لسانك

[مبارك السوارج]

لا هنتو .. على المرور ..

[العايضي2009]

تسلم على القصيدة الرائعة