[مبارك السوارج]

قال الرشيدي مبارك في تماثيله=امثال طاروقها ما مال ميزانه

عن طرقها اللي تخير ما بها ميله=حسب المعرفه معان الشعر مليانه

غابت نجوم السما واقفى دجى ليله=والعين من حر ماب القلب سهرانه

يا صاح هات الدفاتر وازرق النيله= خل القلم يكتب الاشعار واحزانه

دنياك يا بن ابن ادم ما بهـا حيله= لو ساعفت لك على ما قيل خوانه

احدن تضده واحد بالغيب تلويله= ما يدري الا كد اونس حر نيبانه

كم من شجاعن بهـأ قلة محاصيله= من ضيمها ما يساوي فلس والانه

لو هو صميدع رفيعاتن منازيله = اليا لوت له قصر شبره وذرعانه

هذا جزاها اليا قفت مراحيله= والا اليا اقبل رحلها زان نيشانه

اليا مشت لك وحظك شب قنديله= هاجمت ابو زيد في سيفه على حصانه

وكلن فرش لك على ما قيل منديله= غديت محشوم عند فلان وافلانه

هرجك اليا مر كل الناس تصغيله = لو السوالف من التاكيد عريانه

يلقى من الناس عكافن يضاهيله= ماهوب لله مضاهته على شانه

يضحك بوجهك وينصب لك محابيله = مكار يلعب على الحبلين بلسانه

هذا وشرواه قلبي ما يصافيله= ارس ما يارده بالقيض عطشانه

انصه هل الطيبه واترك حثافيله= صلبين الاريا هل المعروف واحسانه

الشاعر : مبارك بن رشيد السوارج ..

الموضوع الأصلي: ديناك يا بن ابن آدم .. مبارك رشيد السوارج | | الكاتب: مبارك السوارج | | المصدر: شبكة بني عبس

[الشبيح 404]

يعطيك العافيه يا شاعرنا الكبير مبارك السوارج على الهذه القصيده الجزله شاعر كبير وتبقى كبير

[النقيشى]

الاخ مبارك قصيدة جزله من شاعر كبير ومتمكن له خبرة واسعه فى نظم القصيد
الف شكر لك

[مبارك الشويلع]

مبارك السوارج

صح لسانك

مدد بلا عدد

على هذه الرائع ــه

ننتظر جديدكم الجزل المفيــد..؛

[نواف بن مفضي]

غابت نجوم السما واقفى دجـى ليلـه = والعين من حر ماب القلـب سهرانـه
ياسلااااااااااام

يضحك بوجهك وينصب لك محابيلـه = مكار يلعـب علـى الحبليـن بلسانـه

صح الله السانك يامبارك جزله من راس جزل تحياتي لك تقبل مروري

[بنت أهل العطفة$]

صح لسانك

قصيدة حكمة لاهنت

[مبارك السوارج]

لا هنـتـوٍٍ على المرور ولا هنت يا بن مفضي على متابعتك لـي ..

[سلمان]

غابت نجوم السما واقفى دجـى ليلـه والعين من حر ماب القلـب سهرانـه

صح لسااااانك واعتلى شانك