[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه محاوره بين الشاعر الجدي والشاعر الموج


الجدي

ياسلامي عليكم والسوالف كثيره=مار به علم واحد ماش به علم ثاني
مهرةً تالي الايام جتنا مغيره=مهرةً مابها قيد وهجار وعناني

الموج

مرحبا عد ماتصبح وتمسي بديره=وانت ياالجدي قابلني بشهر رمضاني
وضع الانسان محرج باالليال الاخيره=مير حث الركابوعمر الانسان فاني

الجدي

البقا ياعميلي كل عينن بصيره=وان لقيتك بعيد الفطر جتك التهاني
جاهلن مادرى ان اليد ماهي قصيره=مير دون اليدين الحلق هو والساني

الموج

العيون الصغيره والعيون الكبيره=كلبوها تسوات في هذاه الزماني
خل راع الجهل جتك الوجيه السفيره=ناس تقراء البيان وتحتفظ باالبياني

الجدي

الزمن صار في صف العيون الصغيره=والعيون الكبيره شانها صار ثاني
والوجيه السفيره عندها غصب غيره=ولايجيب القراح الا ظهور السواني

الموج

من بجنبه جناح وريش يدرك مطيره=وابرق الريش ماله في سنانا مكاني
سرها سرها مسرى السباع الخطيره=وترك اللي من سباع الغداري يعاني

الجدي

من بجنبه جناح وريش جود بسيره=والذيابه ذيابه والحصاني حصاني
ماتعيش السباع الا في ارضً وعيره=وتقنص البدو وتذك الشياه السماني

الموج

من رجع للورى قدام يكمل مسيره=يمسك العشر بيمينه وتصبح ثماني
انت ياجار عندك حسن سيره وجيره=لاكن الجدي نوره بان وسهيل باني

الجدي

من رجع للورى ياالموج يلقى مصيره=مات من غار عله او بحد السناني
والمعاني تراها عندكم هي وفيره=مار موجك جزر من يوم شاف المواني

الموضوع الأصلي: الجدي + الموج | | الكاتب: العالم الفلكي | | المصدر: شبكة بني عبس

[الغريب*]

مشكوووووور على التنسيق يامشرفنا العالم الفلكي

[بندر بن صبح]

الله لايهينك ياالعالم الفلكي على التنسيق

ولك بياض الوجه


والشكر الجزيل

[فلاح الرشيدي]

بيض الله وجهك ومشكور يالغالي
لك ودي وتقديري

[صميدع راس]

صح لسان الجدي وصح لسان الموج

محاورة رائعه

ومشكور على التنسيق ياالعالم الفلكي

[سرحان]

محاوره طيبه مشكور على التنسيق ياالعالم الفلكي

[مصقال]

محاوره جيده وصح السانك يالجدي وصح السانك يالموج
والله يبيض وجه من نسقها
انشهد انها تنحسب لحسابه

[مصقال]

صح السانك بالجدي وصح السانك يالموج
والله يبيض وجه من نسقها
انشهد انها تنحسب لحسابه