|
الجدي + الموج
بسم الله الرحمن الرحيم
السلام عليكم ورحمة الله وبركاته هذه محاوره بين الشاعر الجدي والشاعر الموج الجدي ياسلامي عليكم والسوالف كثيره=مار به علم واحد ماش به علم ثاني مهرةً تالي الايام جتنا مغيره=مهرةً مابها قيد وهجار وعناني الموج مرحبا عد ماتصبح وتمسي بديره=وانت ياالجدي قابلني بشهر رمضاني وضع الانسان محرج باالليال الاخيره=مير حث الركابوعمر الانسان فاني الجدي البقا ياعميلي كل عينن بصيره=وان لقيتك بعيد الفطر جتك التهاني جاهلن مادرى ان اليد ماهي قصيره=مير دون اليدين الحلق هو والساني الموج العيون الصغيره والعيون الكبيره=كلبوها تسوات في هذاه الزماني خل راع الجهل جتك الوجيه السفيره=ناس تقراء البيان وتحتفظ باالبياني الجدي الزمن صار في صف العيون الصغيره=والعيون الكبيره شانها صار ثاني والوجيه السفيره عندها غصب غيره=ولايجيب القراح الا ظهور السواني الموج من بجنبه جناح وريش يدرك مطيره=وابرق الريش ماله في سنانا مكاني سرها سرها مسرى السباع الخطيره=وترك اللي من سباع الغداري يعاني الجدي من بجنبه جناح وريش جود بسيره=والذيابه ذيابه والحصاني حصاني ماتعيش السباع الا في ارضً وعيره=وتقنص البدو وتذك الشياه السماني الموج من رجع للورى قدام يكمل مسيره=يمسك العشر بيمينه وتصبح ثماني انت ياجار عندك حسن سيره وجيره=لاكن الجدي نوره بان وسهيل باني الجدي من رجع للورى ياالموج يلقى مصيره=مات من غار عله او بحد السناني والمعاني تراها عندكم هي وفيره=مار موجك جزر من يوم شاف المواني |
مشكوووووور على التنسيق يامشرفنا العالم الفلكي
|
الله لايهينك ياالعالم الفلكي على التنسيق
ولك بياض الوجه والشكر الجزيل |
بيض الله وجهك ومشكور يالغالي
لك ودي وتقديري |
صح لسان الجدي وصح لسان الموج
محاورة رائعه ومشكور على التنسيق ياالعالم الفلكي |
محاوره طيبه مشكور على التنسيق ياالعالم الفلكي
|
محاوره جيده وصح السانك يالجدي وصح السانك يالموج
والله يبيض وجه من نسقها انشهد انها تنحسب لحسابه |
صح السانك بالجدي وصح السانك يالموج
والله يبيض وجه من نسقها انشهد انها تنحسب لحسابه |
| الساعة الآن +4: 01:16 AM. |
Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
