[عيسى العرعري]

الطـــرف الأول

الشخصيات

( تركي - بندر - ابو تركي - ام تركي- ساره- والوجه الجديد ( موظف الهيئة))

تركي ( بصوت غير مسموع) :الـــو .. بندر

بندر : هلااااااا .. هلااااااااا .. تركي ,,, ياخي وينك ؟؟؟ لك يوم ونص ماشفناك .. امي ماغير تنشد عنك

تركي : اسمع .. وياويلك لو يطلع الكلام .. انا بهيئة العليا .. جب اثباتك وتعال اكفلني ..

بندر: وش عنددددددددددك بالهيئئئئئئئة ؟؟

تركي : قصر حسسسسسك ووجع .. وش عندي يعني؟؟ .. سمعت ان عندهم تخفيضات حلوة وقلت اشوفها .. تعال اخلص وبس ..ولا حد يدري

بندر : طيب طيب... يالله عشان يمديني اجيك.. طراااااااااااااخ .. الله يعينا على اخواننا الكبار ومشاكلهم

بندر : يمممممممممممممممه .. يايمممممممممه

ام تركي : وش عندك يالهيس ؟؟؟

بندر : عطيني جواز سقري ..

ام تركي : وش تبي في جواز سفرك؟؟؟

بندر : انا مضيع بطاقتي وابي أروح اكفل تركي من الهيئة .. يؤ يؤ .. شكلي جبت العيد

ام تركي : وششششش فيه اخووووك تكفله

بندر : مدري صراحه .. تلقينه صادم سيارة الهيئة وسحبوه معهم << يسمع بالتصريف

ام تركي : اكيد مخنبق مع وحده من هالبنيات اللي اشغلنه عن دراسته ..حسبي الله ونعم الوكيل فيهم ..خذ ياوليدي اخلص وجب اخوك

موظف الهيئة : تفضل يا أخي لقد تم اطلاق سراحك أسأل الله لك الهداية <<< منيب قايل لكم الوجه الجديد

تركي : الله يسلمك يابو قتيبة .. صدق الناس ماخذين فكره غلط عنكم.. بس لو ماهي ههالكفوف اللي اكلتها قدام هالبنت

بندر : انت للحين بهالمحارش ..تحمد ربك واطلع ... زين اللي ماخلوك تحفظ عشرين جزء .. اخلص

( يدخل تركي البيت وتستقبله امه استقبال حار )

ام تركي : هلا والله بوليدي طالع من الشر .. حسبي الله على اللي كانت السبب وغررت فيك هاللي ماتستحي

تركي : انا داخل الغرفه الحين تعبان وابي ارتاح

أم تركي : انتظر ابوك لين يجي .. انا قلت له على اللي صار ..

تركي : هاللي يسمعك يقول جاي من غاونتانامو تبلغينه .. الموضوع بسيط ليش هالهالة الاعلامية يامريم نور

( يدخل تركي الغرفه ويستلقي على فراشه الوثير)

( تسمع طرقات خفيفه على الباب)

تركي : أدخل

ابو تركي : سلامات ياوليدي .. وش صاير؟؟

تركي

: هلا ابوي .. لا ماصار الا كل خير.. اكيد بلغوك عن اللي صار

ابو تركي : ايه ياوليدي بلغوني .. وانت الله يهديك احد يطلع خويته يوم خميس وبعد العشا و من سوق صحارى ؟؟!!

تركي : يابوي وش اسوي .. هي اصرت علي وتقول ظروفها حلوة

ابو تركي : كان اخترت وقت غير هالوقت .. كان اخترت نهائي الكأس .. كلن مشغول بهالكورة

تركي : انشالله يابوي المرات الجايه افكر بهالموضوع

ابو تركي : عاد انتبه ياوليدي المرات الجايه .. هالمره ربي سلم .. لا اوصيك عاد

على الطـــرف الآخــــر

( العائـــلة على طاولة الطعام وتغيب ساره عن الغداء )

بندر : يممممه وينها سوير ماتجي تتغدا؟؟
تركي : اي والله صدق وينها ماشوفها لي كم يوم
أم تركي : ياوليدي اختكم مسويه ريجيم.. وتقول انها ماتتغدا
ابو تركي

: وش هالخرابيط ريجيم وماريجيم .. نادي عليها خليها تجي

تركي : لا يابوي انا اللي باروح اجيبها .. انا ماني بمرتاح للوضع

( يفتح تركي باب غرفة سوير بقوة ويدخل عليها بسرعه)

تركي : وش هاللي حطيتيه تحت الفراششششش؟؟؟
ساره: هـــــــاه !! هذي الالة الحاسسبة ياتركي
تركي

: الة حاســـبة ؟؟؟ وريني طيب هالالة ؟؟

( يسحب تركي الجوال من تحت الفراش)

تركي : ماشالله تبارك الله .. جوال جديد ورقم جديد .. ياعيني ياليلي ..

ساره : تركي الله يخليك لاتفهمني غلط خلني اشرح لك .. آآآآآآآآآآآآآآي آآآآآآآآآآآآآآآي

( وينهال تركي بااللكمات الغير مبرحة على ملامح ساره الشبه أنثوية )

ابو تركي : وششششششششش فيكم وش صاير؟؟ تررررركي وش فيك على اختك

تركي ( وهو شاد شعر ساره) : ششششششفت بنتك وش سسسسسوت .. تبي تنزل روسنا قدام الله وخلقه طول عمرنا .. بنتك طلعت تغاززززززززل ..

ابو تركي : ألبي .. ألبي .. وشششششش تقول ؟؟ قلبي قلبي .. :sm5:

بندر : ابوي افك لك الكرافيته؟؟

تركي : لا ياللي ماتستحين .. بتموتين ابوي من فعلتك .. طراااااااااااااخ طرااااااااااخ

ام تركي : ياوليدي لاتضربها كذا هذي اختك .. شوي شوي عليهااااااااا .. خلك على شعرها بسسس .. لاتضربها على وجهها

تركي : انا باذبحهااااااااااا اليوم يعني باذبحها

انتهت القصة باللتالي :

- تشوهات جسدية عنيفه بجسد ووجه ساره
- شلل نصفي بابو تركي
- سكته قلبيه يام تركي ( تناول شاهي الضحى بغرفة الأنعاش )
- وضع تركي بالسجن بعد تدخل الهيئات الانسانية بالموضوع
- خلو السياره لبندر وممارسة هوايته التفحيطية

المراد من القصة :

هل فعلا .. يتم العدل بين الابن والابنة في مجتمعنا .. في حالة ارتكاب الاخطاء؟؟؟؟

لماذا يكون الخطأ الانثوي .. فائق البشاعة في أعيننا .. وخطأ الذكر .. زلة لسان .. حتى لو كان الخطأ يدوي

بانتــظار تعليقاتكم وارائكم

الموضوع الأصلي: الخطــــــــــا .. والخطـــــأ الآخـــــــــــر | | الكاتب: عيسى العرعري | | المصدر: شبكة بني عبس

[صلاح المهيمزي]

هل فعلا .. يتم العدل بين الابن والابنة في مجتمعنا .. في حالة ارتكاب الاخطاء؟؟؟؟

الناس يختلفون فيهم من يفضل الولد على البنت ومنهم من يفضل البنت على الولد

بعض الناس لو بنته تسوي المستحيل مايشوف عيبها والعكس صحيح



لماذا يكون الخطأ الانثوي .. فائق البشاعة في أعيننا .. وخطأ الذكر .. زلة لسان .. حتى لو كان الخطأ يدوي

....................

ماعندي رد على هذا السؤال>>لاني اختلف معك فخطى البنت اليدوي نادر يكون ملفت للانتباهـ



تحياتي لك ودمت بود

[عيسى العرعري]

اقتباس من مشاركة اسير الشوق هل فعلا .. يتم العدل بين الابن والابنة في مجتمعنا .. في حالة ارتكاب الاخطاء؟؟؟؟ الناس يختلفون فيهم من يفضل الولد على البنت ومنهم من يفضل البنت على الولد بعض الناس لو بنته تسوي المستحيل مايشوف عيبها والعكس صحيح لماذا يكون الخطأ الانثوي .. فائق البشاعة في أعيننا .. وخطأ الذكر .. زلة لسان .. حتى لو كان الخطأ يدوي .................... ماعندي رد على هذا السؤال>>لاني اختلف معك فخطى البنت اليدوي نادر يكون ملفت للانتباهـ تحياتي لك ودمت بود

هذا الاعتقاد الخاطيء الذي يهدف له الموضوع

وهو حقيقةان نتعامل مع الانثى والذكر على اساس صنفي

المفروض ان يكون التعامل على اساس بشري

فالخطأ يحصل من الجنسين


والعقاب يجب ان يكون بالمثل على هذا الاساس




والتقاليد والعادات هي التي حكمت نوعية هذه الطينه التي خلقنا منها ؟؟؟

طينة زجاجية ام حجريه ؟؟

اجد صعوبة في استيعاب العقل لمثل هذه الاحكام الجائرة







خلينا نقيس نفس الحالة على الفتاة

هل المعاملة ستكون بالمثل ؟؟

حتى لو تعرض الشاب للتوبيخ العنيف

سترجح كفة الرجل في مجتمعي ومجتمعك


///مشكور اخوي على مرورك ///نورت الصفحه
تقبل تحياتي