قبيلة بني رشيد - الخطــــــــــا .. والخطـــــأ الآخـــــــــــر

الطـــرف الأول

الشخصيات

( تركي - بندر - ابو تركي - ام تركي- ساره- والوجه الجديد ( موظف الهيئة))

http://vb.eqla3.com/images/smilies/biggrin.gif

تركي ( بصوت غير مسموع) :الـــو .. بندر

بندر : هلااااااا .. هلااااااااا .. تركي ,,, ياخي وينك ؟؟؟ لك يوم ونص ماشفناك .. امي ماغير تنشد عنك

تركي : اسمع .. وياويلك لو يطلع الكلام .. انا بهيئة العليا .. جب اثباتك وتعال اكفلني ..

بندر: وش عنددددددددددك بالهيئئئئئئئة ؟؟

تركي : قصر حسسسسسك ووجع .. وش عندي يعني؟؟ .. سمعت ان عندهم تخفيضات حلوة وقلت اشوفها .. تعال اخلص وبس ..ولا حد يدري

بندر : طيب طيب... يالله عشان يمديني اجيك.. طراااااااااااااخ .. الله يعينا على اخواننا الكبار ومشاكلهم

http://vb.eqla3.com/images/smilies/biggrin.gif

بندر : يمممممممممممممممه .. يايمممممممممه

ام تركي : وش عندك يالهيس ؟؟؟

بندر : عطيني جواز سقري ..

ام تركي : وش تبي في جواز سفرك؟؟؟

بندر : انا مضيع بطاقتي وابي أروح اكفل تركي من الهيئة .. يؤ يؤ .. شكلي جبت العيد

ام تركي : وششششش فيه اخووووك تكفله

بندر : مدري صراحه .. تلقينه صادم سيارة الهيئة وسحبوه معهم << يسمع بالتصريف

http://vb.eqla3.com/images/smilies/biggrin.gif

ام تركي : اكيد مخنبق مع وحده من هالبنيات اللي اشغلنه عن دراسته ..حسبي الله ونعم الوكيل فيهم ..خذ ياوليدي اخلص وجب اخوك

موظف الهيئة : تفضل يا أخي لقد تم اطلاق سراحك أسأل الله لك الهداية <<< منيب قايل لكم الوجه الجديد

http://vb.eqla3.com/images/smilies/biggrin.gif

تركي : الله يسلمك يابو قتيبة .. صدق الناس ماخذين فكره غلط عنكم.. بس لو ماهي ههالكفوف اللي اكلتها قدام هالبنت

بندر : انت للحين بهالمحارش ..تحمد ربك واطلع ... زين اللي ماخلوك تحفظ عشرين جزء .. اخلص

( يدخل تركي البيت وتستقبله امه استقبال حار )

ام تركي : هلا والله بوليدي طالع من الشر .. حسبي الله على اللي كانت السبب وغررت فيك هاللي ماتستحي

تركي : انا داخل الغرفه الحين تعبان وابي ارتاح

أم تركي : انتظر ابوك لين يجي .. انا قلت له على اللي صار ..

تركي : هاللي يسمعك يقول جاي من غاونتانامو تبلغينه .. الموضوع بسيط ليش هالهالة الاعلامية يامريم نور

( يدخل تركي الغرفه ويستلقي على فراشه الوثير)

( تسمع طرقات خفيفه على الباب)

تركي : أدخل

ابو تركي : سلامات ياوليدي .. وش صاير؟؟

تركي

: هلا ابوي .. لا ماصار الا كل خير.. اكيد بلغوك عن اللي صار

ابو تركي : ايه ياوليدي بلغوني .. وانت الله يهديك احد يطلع خويته يوم خميس وبعد العشا و من سوق صحارى ؟؟!!

تركي : يابوي وش اسوي .. هي اصرت علي وتقول ظروفها حلوة

ابو تركي : كان اخترت وقت غير هالوقت .. كان اخترت نهائي الكأس .. كلن مشغول بهالكورة

تركي : انشالله يابوي المرات الجايه افكر بهالموضوع

ابو تركي : عاد انتبه ياوليدي المرات الجايه .. هالمره ربي سلم .. لا اوصيك عاد

http://vb.eqla3.com/images/smilies/S_45.gif

على الطـــرف الآخــــر

( العائـــلة على طاولة الطعام وتغيب ساره عن الغداء )

بندر : يممممه وينها سوير ماتجي تتغدا؟؟
تركي : اي والله صدق وينها ماشوفها لي كم يوم
أم تركي : ياوليدي اختكم مسويه ريجيم.. وتقول انها ماتتغدا
ابو تركي

: وش هالخرابيط ريجيم وماريجيم .. نادي عليها خليها تجي

تركي : لا يابوي انا اللي باروح اجيبها .. انا ماني بمرتاح للوضع

http://vb.eqla3.com/images/smilies/eek.gif

( يفتح تركي باب غرفة سوير بقوة ويدخل عليها بسرعه)

تركي : وش هاللي حطيتيه تحت الفراششششش؟؟؟
ساره: هـــــــاه !! هذي الالة الحاسسبة ياتركي
تركي

: الة حاســـبة ؟؟؟ وريني طيب هالالة ؟؟

( يسحب تركي الجوال من تحت الفراش)

تركي : ماشالله تبارك الله .. جوال جديد ورقم جديد .. ياعيني ياليلي ..

http://vb.eqla3.com/images/smilies/007.gif

ساره : تركي الله يخليك لاتفهمني غلط خلني اشرح لك .. آآآآآآآآآآآآآآي آآآآآآآآآآآآآآآي

( وينهال تركي بااللكمات الغير مبرحة على ملامح ساره الشبه أنثوية )

http://vb.eqla3.com/images/smilies/eek.gif

ابو تركي : وششششششششش فيكم وش صاير؟؟ تررررركي وش فيك على اختك

تركي ( وهو شاد شعر ساره) : ششششششفت بنتك وش سسسسسوت .. تبي تنزل روسنا قدام الله وخلقه طول عمرنا .. بنتك طلعت تغاززززززززل ..

ابو تركي : ألبي .. ألبي .. وشششششش تقول ؟؟ قلبي قلبي .. :sm5:

بندر : ابوي افك لك الكرافيته؟؟

http://vb.eqla3.com/images/smilies/biggrin.gif

تركي : لا ياللي ماتستحين .. بتموتين ابوي من فعلتك .. طراااااااااااااخ طرااااااااااخ

ام تركي : ياوليدي لاتضربها كذا هذي اختك .. شوي شوي عليهااااااااا .. خلك على شعرها بسسس .. لاتضربها على وجهها

تركي : انا باذبحهااااااااااا اليوم يعني باذبحها

انتهت القصة باللتالي :

- تشوهات جسدية عنيفه بجسد ووجه ساره
- شلل نصفي بابو تركي
- سكته قلبيه يام تركي ( تناول شاهي الضحى بغرفة الأنعاش )
- وضع تركي بالسجن بعد تدخل الهيئات الانسانية بالموضوع
- خلو السياره لبندر وممارسة هوايته التفحيطية

المراد من القصة :

هل فعلا .. يتم العدل بين الابن والابنة في مجتمعنا .. في حالة ارتكاب الاخطاء؟؟؟؟

http://vb.eqla3.com/images/smilies/139.gif

لماذا يكون الخطأ الانثوي .. فائق البشاعة في أعيننا .. وخطأ الذكر .. زلة لسان .. حتى لو كان الخطأ يدوي

http://vb.eqla3.com/images/smilies/139.gif

بانتــظار تعليقاتكم وارائكم

http://vb.eqla3.com/images/smilies/rose.gif