[أبونواف]

السلام عليكم ورحمة الله وبركاته

يالله ان تمسيهم بالخير

اليوم سالفتنا عن قصيده كثير مانسمعه في المجالس وكثير مانرددها ولعل بعض ابياتها صرت على مايقولون بيت قصيد وصارت امثال دارجه بين الناس

واليوم القصيده لشاعرة من شاعرات العرب والى كتبت قصايده على مايقال بماء الذهب وهي من قرية عين قنور احد قرى القصيم تقع بين القصيم والدوادمي وقد توفيت في قريتها المذكورة في عام 1355 هـ
الشاعرة نورة الحوشان وللاسف كثير من قصايدها ضاع والبعض نسب الى غيرها بسبب طول الفتره وتعدد الرويات وانه كان بعد في هاك الوقت قليل من شعر النساء الى يطلع

ويقولون سبب القصيده انه صار خلاف بينه وبين رجلها وتطور الخلاف مما ادى الى الطلاق والانفصال النهائي عن بعضهم ويقولون انه عقب الطلاق جاه خطاطيب واجد وهي ترفض . وفي مرة من المرات كانت تمشى هي وعيالها ومر من عند مزرعة لاابوهم وراحو العيال يركضون بيسلمون على ابوهم وهي وقفت تحتريهم في طرف المزرعه وقامت عاد تذكر الايام ووشلون صاروا .
وقالت : هالقصيده الى صورة فيها هالحاله وهي تعتبر من اجمل القصايد العاطفيه

ياعين هلـي صافـي الدمـع هليه == واليا انتهى صافيه هاتي سريبه
ياعين شوفي زرع خلك وراعيه == شوفي معاويده وشوفي قليبه
من اول دايــم لـــرأيــه نمالـيه == والـيـوم جـيتهم علينا صـعيبة
وإن مرني بالدرب ماقدر احاكيه == امصيبة ياكبرها ياعرب من مصيبة
اللي يبينا عيٌت الـنفـس تـبغيه == واللـي نـبــي عـيـا البخت لايجيبه

الموضوع الأصلي: ::::: ياعين هلي صافي الدمع هليه | | الكاتب: أبونواف | | المصدر: شبكة بني عبس

[المحيش]

صح لسان الشاعرة

والله يعطيك العافية علي النقل الرائع

[رشيدي وكلي فخر]

تسلم اخوي

والله يرحم اموات المسلمين

قصيده مشهوره

[صاطي الرشيدي]

رحم الله الشاعرة ورحم الله ابو عدي وفعلن قصيدة جميلة وتسلم يابو نواف على النقل ودائم مميز وتقبل تحيات جنرال العرب

[الاجهر]

شكراً لك اخي الكريم
نورة الحوشان من قبيلة الرشايدة
بارك الله فيك

[أبونواف]

اقتباس من مشاركة المحيش صح لسان الشاعرة والله يعطيك العافية علي النقل الرائع

مشكوووووووووووور لاهنت

[أبونواف]

اقتباس من مشاركة رشيدي وكلي فخر تسلم اخوي والله يرحم اموات المسلمين قصيده مشهوره

مشكوووووووووووور لاهنت

[أبونواف]

اقتباس من مشاركة صاطي الرشيدي رحم الله الشاعرة ورحم الله ابو عدي وفعلن قصيدة جميلة وتسلم يابو نواف على النقل ودائم مميز وتقبل تحيات جنرال العرب

مشكوووووووووووور لاهنت