قبيلة بني رشيد - ::::: ياعين هلي صافي الدمع هليه

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - ::::: ياعين هلي صافي الدمع هليه (http://ban3abs.com/aa/showthread.php?t=16656)

::::: ياعين هلي صافي الدمع هليه

السلام عليكم ورحمة الله وبركاته

يالله ان تمسيهم بالخير

اليوم سالفتنا عن قصيده كثير مانسمعه في المجالس وكثير مانرددها ولعل بعض ابياتها صرت على مايقولون بيت قصيد وصارت امثال دارجه بين الناس

واليوم القصيده لشاعرة من شاعرات العرب والى كتبت قصايده على مايقال بماء الذهب وهي من قرية عين قنور احد قرى القصيم تقع بين القصيم والدوادمي وقد توفيت في قريتها المذكورة في عام 1355 هـ
الشاعرة نورة الحوشان وللاسف كثير من قصايدها ضاع والبعض نسب الى غيرها بسبب طول الفتره وتعدد الرويات وانه كان بعد في هاك الوقت قليل من شعر النساء الى يطلع

ويقولون سبب القصيده انه صار خلاف بينه وبين رجلها وتطور الخلاف مما ادى الى الطلاق والانفصال النهائي عن بعضهم ويقولون انه عقب الطلاق جاه خطاطيب واجد وهي ترفض . وفي مرة من المرات كانت تمشى هي وعيالها ومر من عند مزرعة لاابوهم وراحو العيال يركضون بيسلمون على ابوهم وهي وقفت تحتريهم في طرف المزرعه وقامت عاد تذكر الايام ووشلون صاروا .
وقالت : هالقصيده الى صورة فيها هالحاله وهي تعتبر من اجمل القصايد العاطفيه

ياعين هلـي صافـي الدمـع هليه == واليا انتهى صافيه هاتي سريبه
ياعين شوفي زرع خلك وراعيه == شوفي معاويده وشوفي قليبه
من اول دايــم لـــرأيــه نمالـيه == والـيـوم جـيتهم علينا صـعيبة
وإن مرني بالدرب ماقدر احاكيه == امصيبة ياكبرها ياعرب من مصيبة
اللي يبينا عيٌت الـنفـس تـبغيه == واللـي نـبــي عـيـا البخت لايجيبه