[سعد الشقل]

شاعر طرطنقي

أشوف اليماني قام ايجرب المواويـل=ولا أدري مع الاجواد وش هو مصيره
علشان قوم الطيب واهـل المعاميـل=تصبر على بلـواك والصبـر خيـره

العمده

نيابه عن اللي يذعر اللبـن بالهيـل=صديقي لونه ماهو ضمن العشيـره
ترى الضيف يحشم يالرجال المشاكيل=وحنا هـل المـده ونخـوه وجيـره

شاعر طرطنقي

سمعنا علوم ن كبر حجـم البراميـل=تشيل السلاح ونوب تنسـى الزخيـره
أبنشدك وش فرق الجدي عنك يا سهيل=أنا اقول عمله وحده فـي كـل ديـره

العمده

مشاريه ماتزعـل رجـال ٍ حلاحيـل=طلب حاجتن ماهـي عليكـم كبيـره
بني عبس تعطي ياطلبت صمك الخيل=ماهي طلبتن توزن بحبـة شعيـره

شاعر طرطنقي

تجيب القدوع ولا تجيب الفناجيـل=أناديك ناصـر ولا أناديـك غيـره
بني عبس تعطي ولا ترد الرجاجيل=عطيناه فوق حقه ولاهي كثيـره .؟

العمده

لياجيت نبغا نجيب زين المعاميل=ونسقيك بنن مايوصف بغيـره
عطيتوه شين ماوراه المحاصيل=وخنقتوه حتى عاف كل البريره

شاعر طرطنقي

تعرف العلوم وجاهل ن بالتفاصيل=ولكن شف لك واحد ن وستشيره
تشيطر على غيري بخدعه وتمثيل=يصدق فلان ولا يصـدق مديـره

الموضوع الأصلي: العمده × شاعر طرطنقي | | الكاتب: سعد الشقل | | المصدر: شبكة بني عبس

[ناصر خنيفر]

سعد الشقل مشكور وبيض الله وجهك على التنسيق

[نافع دميات الدريبي]

سعد الشقل مشكووووور وجزاك الله الف خير

[شآعر طرطنقي]

مشكككككككور على المجهود الجبااار يالشقل

[فهد المويسه]

مشكور على تنسيق هذا الطاروق الرائع

وصح لسان الشعراء

والله يعطيك العافيه

وتقبل سلامي

[رياح الشرق]

صح لسانهم وبيض الله وجهك على النقل