أشوف اليماني قام ايجرب المواويـل=ولا أدري مع الاجواد وش هو مصيره
علشان قوم الطيب واهـل المعاميـل=تصبر على بلـواك والصبـر خيـره

نيابه عن اللي يذعر اللبـن بالهيـل=صديقي لونه ماهو ضمن العشيـره
ترى الضيف يحشم يالرجال المشاكيل=وحنا هـل المـده ونخـوه وجيـره

سمعنا علوم ن كبر حجـم البراميـل=تشيل السلاح ونوب تنسـى الزخيـره
أبنشدك وش فرق الجدي عنك يا سهيل=أنا اقول عمله وحده فـي كـل ديـره

مشاريه ماتزعـل رجـال ٍ حلاحيـل=طلب حاجتن ماهـي عليكـم كبيـره
بني عبس تعطي ياطلبت صمك الخيل=ماهي طلبتن توزن بحبـة شعيـره

تجيب القدوع ولا تجيب الفناجيـل=أناديك ناصـر ولا أناديـك غيـره
بني عبس تعطي ولا ترد الرجاجيل=عطيناه فوق حقه ولاهي كثيـره .؟

لياجيت نبغا نجيب زين المعاميل=ونسقيك بنن مايوصف بغيـره
عطيتوه شين ماوراه المحاصيل=وخنقتوه حتى عاف كل البريره

تعرف العلوم وجاهل ن بالتفاصيل=ولكن شف لك واحد ن وستشيره
تشيطر على غيري بخدعه وتمثيل=يصدق فلان ولا يصـدق مديـره

صح لسانهم وبيض الله وجهك على النقل