[سعد الشقل]

شاعر طرطنقي

مرحبا ترحيبة ن بالرجال الحاضريـن=من هجوس الشاعر الي رفيع ن مستواه
من تقدم ينتبه من يسار ومـن يميـن=لا يحسب اللعب يمشي بكيفـه وبهـواه

علي الهيفي

البقا بك يالمرحب وحنـا شايفيـن=شاعرن مبداك طيّب وذوقك ماعلاه
ابشر ابعزك ولاتقول كل قاسي يلين=دامني قدام دربك فلا ترجـع وراه

شاعر طرطنقي

البدايه طيبـه واللعـن ابليـس اللعيـن=شاعر ن مايبدع القـاف ماحنـا نبـاه
انت واحد قام يمشي في درب المسرعين=ولو قسنا سرعته ما تعدى سلحفاه

علي الهيفي

لاتلف الدرب واتضيّع اللي باليدين=القناعه كنز لاتفلس اقنع بالغنـاه
يالحبيب العلم بيّن مابين العارفين=ماانت عالم ذره ولاتوصف بالحياه

شاعر طرطنقي

دام انا عبسي رشيدي وقومي غانمين=ماعليه خلاف دام الصقر عالي سماه
ابك حنا للعلـوم الجزيلـه صانعيـن=يوم بعض الناس علمه يحرج بالصفاه

علي الهيفي

مانقول اقصور فيهم وحنا خابريـن=الرجل ماعابه الا ترى ترك الصلاه
البشر فيهم قليل اللي مثلي ناجحين=ولابعض الناس ممشاه دايم ابعمـاه

شاعر طرطنقي

انت هرجك حلو حالي وعنه صايميـن=كم واحد يدعي بالهدايه امـن الطغـاه
لو تـزود السالفـه ياحبيبـي حبتيـن=كان تكتب حرف مجهول وجهه من قفاه

علي الهيفي

كل منا له عقل مير فرق العاقليـن=هرجنا به ثقل ولاانت تسبق للقطاه
لو تطالع بالسما ماتشوف الفرقدين=هذا حدك مد شوفك وعقلك به فضاه

شاعر طرطنقي

اخذها مني وزيه تراهـا كلمتيـن=كل واحد حاقد ن في جهنم منتهاه
بعد شفت الدمعه الي وراها دمعتين=قلت يازين الشعر يوم غناه الرعاه

الموضوع الأصلي: شاعر طرطنقي × علي الهيفي | | الكاتب: سعد الشقل | | المصدر: شبكة بني عبس

[ابو براك الرياض]

الله يعطيك العافية

[علي الهيفي]

سعد الشقل بيض الله وجهك على التنسيق الجميل والترتيب الرائع تقبل تحياتي لك

[شآعر طرطنقي]

سعد الشقل بيض الله وجهك على التنسيق الجميل والترتيب الرائع تقبل تحياتي لك