مرحبا ترحيبة ن بالرجال الحاضريـن=من هجوس الشاعر الي رفيع ن مستواه
من تقدم ينتبه من يسار ومـن يميـن=لا يحسب اللعب يمشي بكيفـه وبهـواه

البقا بك يالمرحب وحنـا شايفيـن=شاعرن مبداك طيّب وذوقك ماعلاه
ابشر ابعزك ولاتقول كل قاسي يلين=دامني قدام دربك فلا ترجـع وراه

البدايه طيبـه واللعـن ابليـس اللعيـن=شاعر ن مايبدع القـاف ماحنـا نبـاه
انت واحد قام يمشي في درب المسرعين=ولو قسنا سرعته ما تعدى سلحفاه

لاتلف الدرب واتضيّع اللي باليدين=القناعه كنز لاتفلس اقنع بالغنـاه
يالحبيب العلم بيّن مابين العارفين=ماانت عالم ذره ولاتوصف بالحياه

دام انا عبسي رشيدي وقومي غانمين=ماعليه خلاف دام الصقر عالي سماه
ابك حنا للعلـوم الجزيلـه صانعيـن=يوم بعض الناس علمه يحرج بالصفاه

مانقول اقصور فيهم وحنا خابريـن=الرجل ماعابه الا ترى ترك الصلاه
البشر فيهم قليل اللي مثلي ناجحين=ولابعض الناس ممشاه دايم ابعمـاه

انت هرجك حلو حالي وعنه صايميـن=كم واحد يدعي بالهدايه امـن الطغـاه
لو تـزود السالفـه ياحبيبـي حبتيـن=كان تكتب حرف مجهول وجهه من قفاه

كل منا له عقل مير فرق العاقليـن=هرجنا به ثقل ولاانت تسبق للقطاه
لو تطالع بالسما ماتشوف الفرقدين=هذا حدك مد شوفك وعقلك به فضاه

اخذها مني وزيه تراهـا كلمتيـن=كل واحد حاقد ن في جهنم منتهاه
بعد شفت الدمعه الي وراها دمعتين=قلت يازين الشعر يوم غناه الرعاه