[الذيب]

السلام عليكم ورحمة الله وبركاته..
اخواني الكرام في شبكة بني عبس منتديات قبائل بني رشيد يسرني
أن أقدم لكم تنسيق للمحاورة التي جرت بين الشاعرين ناصر الشويلعي والمحيط الاطلسي.

ناصر الشويلعي

ياراعي الفاطر اللي ماعليها وسوم=ومن اول ٍ وسمها يلمع على خدها
اليوم ضاعت مع عتيبه وسمو البقوم=اتضير بكل ديره لارحم جدها

المحيط الاطلسي

الفاطر أرفع رسنها عن يدين الرخوم=واقطع يمن السروق ان شفته ايمدها
عسى يبرد على كبدك رشاش الغيوم=واقول جيب العلوم لربعك ودها

ناصر الشويلعي

الفاطر من اول ٍ تذب روس الحزوم=واليوم جمر الغضى فوقه وطت يدها
ربعي حمتكم نهار ٍ فيه فرك الخشوم=واليوم عينك عليها وش بك تلدها

المحيط الاطلسي

ياصاحبي لايغرك ظل سودالرجوم=والله لو اقول كلمه فيك ماتردها
خلتني اروح عنك ولاانقضالي لزوم=مازلت اعاني وبعض الناس وش ودها

ناصر الشويلعي

مايهمني من يحط العنبر بكيس ثوم=والكلمه الساقطه لاصحابها نردها
رحلت عنا وقسمك من خيار القسوم=وبكره باصابع يديك عيونك تسدها

المحيط الاطلسي

مافيه واحد من الزله والاخطاء معصوم=لكن نفسك ياناصر هدها هدها
مالي حسايف وانا صفي عيال(ن) قروم=يوم ان بعض العرب ماينقرب حدها

ناصر الشويلعي

نفسي عزيزه ولي حيل وقوي العزوم=يوم ٍ بعض الرجال تبيح بسدها
صفك بوقت السعه والا نهار اللزوم=تضيع الديره اللي وارد ٍعدها

المحيط الاطلسي

متى القيامه على ناصر والاجهر تقوم=نرتاح من هالاوادم مزحها وجدها
الله يعينك على كثر العنا والهموم=من عالم(ن) شرّقت ومشرّق(ن) غدها

وسلامتكم..

الموضوع الأصلي: تنسيق محاورة ناصر الشويلعي والمحيط الاطلسي .. | | الكاتب: الذيب | | المصدر: شبكة بني عبس

[ابو براك الرياض]

محاورة رائعه

[الاجهر]

محاورة رائعة جدا

[شآعر طرطنقي]

صح اللسان الشاعرين

محاورة قمه