السلام عليكم ورحمة الله وبركاته..
اخواني الكرام في شبكة بني عبس منتديات قبائل بني رشيد يسرني
أن أقدم لكم تنسيق للمحاورة التي جرت بين الشاعرين ناصر الشويلعي والمحيط الاطلسي.

ناصر الشويلعي

ياراعي الفاطر اللي ماعليها وسوم=ومن اول ٍ وسمها يلمع على خدها
اليوم ضاعت مع عتيبه وسمو البقوم=اتضير بكل ديره لارحم جدها

الفاطر أرفع رسنها عن يدين الرخوم=واقطع يمن السروق ان شفته ايمدها
عسى يبرد على كبدك رشاش الغيوم=واقول جيب العلوم لربعك ودها

الفاطر من اول ٍ تذب روس الحزوم=واليوم جمر الغضى فوقه وطت يدها
ربعي حمتكم نهار ٍ فيه فرك الخشوم=واليوم عينك عليها وش بك تلدها

ياصاحبي لايغرك ظل سودالرجوم=والله لو اقول كلمه فيك ماتردها
خلتني اروح عنك ولاانقضالي لزوم=مازلت اعاني وبعض الناس وش ودها

مايهمني من يحط العنبر بكيس ثوم=والكلمه الساقطه لاصحابها نردها
رحلت عنا وقسمك من خيار القسوم=وبكره باصابع يديك عيونك تسدها

مافيه واحد من الزله والاخطاء معصوم=لكن نفسك ياناصر هدها هدها
مالي حسايف وانا صفي عيال(ن) قروم=يوم ان بعض العرب ماينقرب حدها

نفسي عزيزه ولي حيل وقوي العزوم=يوم ٍ بعض الرجال تبيح بسدها
صفك بوقت السعه والا نهار اللزوم=تضيع الديره اللي وارد ٍعدها

متى القيامه على ناصر والاجهر تقوم=نرتاح من هالاوادم مزحها وجدها
الله يعينك على كثر العنا والهموم=من عالم(ن) شرّقت ومشرّق(ن) غدها