|
خيارات الموضوع | ابحث بهذا الموضوع |
قصيده من عيون الشعر الشعبي ومن طراز نادر .. للشاعر الكبير صالح ضويحي العنزي قصيده تكتب بماء الذهب وتتكلم عن عادات ابناء قبائل الجزيره العربيه من ابناء الباديه وكيف تغير ببعضهم الزمان فغير عاداته وتقاليده ووتتحدث عن المتغيرات التي طرأت على سكان الجزيره العربيه من ابناء الباديه .. الحقيقه قصيده تقشعر منها الأبدان .. عديـت راس مشلـوحٍ يجـذب الشـوف= نـاب الحجـاء روح المشقّـى فتنـهـا رجـمٍ بـدا فتـان فـي مرقبـه نـوف= أم الوحـش بحمـاه تبـنـي وكنـهـا عمـرّدٍ يزمـى عـلـى رأس قفـقـوف= يكشـف طـوارف شامهـا مـع يمنهـا معلولي ٍمـن نحـت الأريـاح منحـوف= فـي راس عيطـا مكهـفـاتٍ ركنـهـا يكشـف غطاليـس ومغـارات وكهـوف= ويبـدي عليـك المختفـي مـن وطنهـا رجـمٍ بمرقابـه راع الصنـف مكلـوف= مرقـاب مـن روحـه تزايـد شجنـهـا جلست بظلالـه عقـب ساعـة وقـوف= يامـا غـروب الشمـس قـرّب زمنهـا أديـر بأفكـاري مواقيـف وأصـنـوف= وعـوايـدٍ سـيـل التـطـور دفنـهـا زاحت كما زاح الطخاء ريـح عاصـوف= أقفـت بهـا جـرد السنيـن ونحنـهـا عوايـدٍ هجـر النيـا لافـهـا لــوف= عصـر التقـدم سيـف غـدره طعنهـا أقفـى عليـهـا دون رحـمـه ولا روف= وأحفـاد أهلـهـا حاملـيـنٍ كفنـهـا بس الآثار ورمس نقـشٍ علـى حيـوف= لأجـيـال دورات الليـالـي محـنـهـا جريت من صـدري تناهيـت وحسـوف= ونـشـدت دورات المقـاديـر عنـهـا وين الزحول اللي بهـم يدحـم الخـوف= اللـي نهـار الكـون تحمـي ضعنـهـا سباع الرجال اللي لها الصعب معسـوف= ليا أرزم وغى الهيجـاء وثـوّر دخنهـا ما أعدهم فـي هالفيافـي خـذو طـوف= ولا أعـد مضهـود الرفـاقـه زبنـهـا من دونهـم حالـت غياهيـب والجـوف= واللـي خلـف ريـف الهجافـا دشنهـا وين الجهام اللي علـى العـد مرصـوف= يشمـل قفـور المرتفـع مـع طمنـهـا يرعى هَيَتْ مـا صفّقـه كـل مزهـوف= وقـومٍٍ تنـوش حمـاه تِقْطـع وتِنْـهـا وين البيوت اللي لهـا القـدر محـروف= عـن المسيّـر مـا تقَـطّـب عننـهـا برفافهـا كيـف الرجاجيـل محـيـوف= ومـن ضَدّتـه سـود الليالـي زبنـهـا بيـوتٍ تبَّنـى للمسايـيـر وضـيـوف= وان طبهـا الخايـف حياتـه ضمنـهـا ميسورهـا يغنـي معاويـز وضـعـوف= كمٍ مـن ضريـرٍ جالـه العـون منهـا اسلـوم عنهـا جيلنـا يعلـن عـزوف= داع الحـضـارة والتـقـدم رهـنـهـا دارت رحى شهب ٍ شلاهيـب وعجـوف= بيعـت بهـا الشيمـة رخيـصٍ ثمنهـا أدوار وأســرار ومقـاديـر وحـتـوف= سيـرة حيـاة الحـي هــذي سننـهـا تظهر علينا أشكـال وأنـواع وصنـوف= تخيـف اللبيـب اللـي بعقلـه وزنهـا تفرقـت شوفـات وأهـداف وشـفـوف= والكـره خيّـم بالنـفـوس وشحنـهـا وحّل الظلام وصاب شمس الضحى كسوف= وعقيَّلهـا خـافـت بـوايـق خونـهـا قـل التواصـل وإِنمحـى كـل معـروف= وأيامـنـا كـثـرة بــلاوي شطنـهـا وعَفن الرجال أصبح شجـاعِ وعيـروف= سبـع اللغـات المستحيـلـة رطنـهـا وصارت على الطيَّب مهاميـز ووشـوف= وعليـه عَفـن السـاس يامـر وينهـا وراي المرة ماخـوذ ورجالهـا وقـوف= تقودهـم قــود العسـيـف برسنـهـا الحر غـاب وعـاث بالجـول أبالعـوف= وأسودهـا بكهـوف حيـفـا خزنـهـا ذل الجسـور وصاطـي الكـف مكتـوف= وأهـل السلـوم الوقـت غيّـر لحنهـا ياحيف مـا هـذا لنـا مهـد ووصـوف= حياتـنـا نقـطـع بتـايـت منـنـهـا أحفـاد مـن ترثـت مقاديـم وسلـوف= نتبـع غيـانـا والنـفـوس بوهنـهـا تـردت الهقـوات والحـيـل متـلـوف= نـاسٍ تــرواد بالرذيـلـة ألسنـهـا تم الجـواب ومنهـج الهـرج مكشـوف= مـن عـارف لـه غايـةٍ مـا لكنـهـا
|
صح السان شاعرها ولا هنت ع النقل ياسلمان
|
|
قصيده في غاية الروعه
صح الله ألسان قايلها ومشكور على النقل يابن عمار وارحب يابن عمار نورت المنتدى بوجودك
|
|
|
|
يتصفح الموضوع حالياً : 1 (0 عضو و 1 ضيف) | |
|
|
مواضيع مشابهة | ||||
الموضوع | الكاتب | القسم | الردود | آخر مشاركة |
قصيدة إهداء للشيخ سعود ثاري المهيمزي الرشيدي | ناصر الشويلعي | منتدى الشـــعــــر | 9 | 31-05-2014 01:45 AM |
قصيدة إهداء إلى قبيلة العجارمة | ناصر الشويلعي | منتدى الشـــعــــر | 3 | 15-09-2013 07:55 AM |
قصيدة إهداء إلى قبيلة جهينة . | سعدعايض | منتدى الشـــعــــر | 8 | 07-12-2011 12:32 AM |
قصيدة إهداء الى............. | رفادي | منتدى الشـــعــــر | 2 | 17-10-2011 03:06 PM |
قصيدة تعبر عن هجرة بنى رشيد للسودان للشاعر العمدة حمدان قنوي | محمود الرشيدى | منتدى الشـــعــــر | 11 | 26-04-2010 01:33 AM |