[سعدعايض]

بسم الله الرحمن الرحيم

إخواني أعضاء وزوار شبكة بني عبس قلعة المجد والتاريخ

السلام عليكم ورحمة الله وبركاته

هذه القصيدة القيتها في حفل قبيلة جهينة في تاريخ 28/12/1432هـ

في محافظة جده على شرف الشيخ طلال ابن غنيم الجهني

لوفد من قبيلة بني رشيد عبس وبعض من شيوخ عتيبة الهــيلا

وحضر من بني رشيد الشيخ بدر أبن هد يبان المهيمزي

والشيخ القعيد القعبوبي والشيخ عبد الرحمن أبن صامل الرويضي

وشيوخ من العوامرة فاضي معزي أبن حليس

وعوض ابن طلب العويمري وسلمان عياضه

ومن العجاونه الرجل المعروف في جمع الشمل والتعارف على القبائل

حمد رشيد ابن تركي ابن عجوين وأخيه حمدي رشيد والشاعر سالم محمد

والشيخ عبد الله عوض وحضر الأستاذ فهد بن حويز الزبني وعبد الرحمن

محمد الشويلعي وحصل على الجائزة الشاعر المعروف مهل الرويضي

الذي أهدا له الشاعر صالح المروان بكرة صيلة من اصايل جهينه
وحضر وفد من قبيلة عتيبة

(راوية الحجاز ) الشاعر المعروف العقيد متقاعد سعد عبد العزيز الذيابي العتيبي

وشاعر لمحاوره محمد بن طمحي وعدد كبير من أبناء قبيلة بني رشيد

وقد القيت قصائد منبرية بهذه المناسبة

ترفع الرأس وهي عن قبيلة بني رشيد وكان الاستقبال أكثر من رائع

ونشكر قبيلة جهينة على حسن الكرم والضيافة

الموضوع الأصلي: قصيدة إهداء إلى قبيلة جهينة . | | الكاتب: سعدعايض | | المصدر: شبكة بني عبس

[سعدعايض]

سلام ياالجهنان ياأصحاب الرسول*يـــاأهـــل الكرم والـجود والكــف الـــــندي
والله لــــو نقول ونزيــــد ونــــــقول* ما نـــــقول غير الصـدق فيــكم وأنشدي
أنــتم جهينة يــــوم دقات الطـــبول * ضـــد المـــعاد بــالنـــهار الأســـــــودي
وأنتـم زحازيح الرجال من الزحول*ما ينـــحجب نـــــجم سهـــيل ولا الجدي
وأنتــم هل الطالات ماضين الفعول*نــــعم الرجال و لا ذ كــــر فـــيكم ردي
وأنتــــم مطلقت السجون من القفول*أبــــن غـــنـــيم اللـــي بفـــعله نــشهـدي
يا شــــهد له التاريخ من فعل وقول*وكــل جهـــني بـــفعل شـــيخه يــقــتدي
نيــابة عــن ربـعي كـــبار العــقول* أقــــــــدم الســــلام عنهم وأبــــــــتـدى
وأقول ياليل الــفرح ليـتك تـــطول *بضـــيافة الجــهنا ن هـــذا مقــــصــدي
وأنـــا من رجالٍ لهم ساسٍ وصـول*عـــبس العريقة والرشـــيدي مســــندي
أهــل الـــكرم والطيب عـنامايـزول*ولازال من قبلي ولا يــــزول بعــــدي
لطــامة العـائل قــبل يصل الـذلـول*عــــدونا مـــا يهـــتني بالــــمرقـــــدي
وصديقنا يشرب مـن الصافي زلــول*يســـعد بلـــقـــيا نا وحـــنا نســـعدي
رجالنا ما هــو علــى جــاره عيــول*لـــوغاب عـــنا يـوم عنه ننــشـــــدي
وخويــنا مايـــلحقه ضـــيم ومــيـول*فــــي كل يـــوم خـــوته تتـــجـــددي
هذه عــوايــدنا ولا عنــها نــــــحول*ومن مال عن عادات ربعه يبـــعـدي
ما ينقص حقوق الرجال إلا الجـهول*والنعم في كل القبــــائل مجحـــدي
وصلوا على شفيعنا يـــــوم الذهــول*على الرسول اللي بهـدية نــهتــدي

[ابو عايض]

وأنـــا من رجالٍ لهم ساسٍ وصـول*عـــبس العريقة والرشـــيدي مســــندي أ[size="6"]هــل الـــكرم والطيب عـنامايـزول*ولازال من قبلي ولا يــــزول بعــــدي

[/size]

بيض الله وجهك وصح السانك وهذي القصيدة جزله وشرفت فيها


قبيلة عبسسسسس



وقبيلة وجهينه تستاهل المدح


وتقبل مروووووووووووووووووري

[سعدعايض]

صح بدنك ياابوعايض مررررورك
تـــــاج على راسي
لاعدمناوجودك وماقدمت لقبيلتي
إلا الواجب تحياتي لك

[الموج الازرق]

سلام ياالجهنان ياأصحاب الرسول*يـــاأهـــل الكرم والـجود والكــف الـــــندي




صح السانك وجزله من راس جزل ولكن اصحاب الرسول ؟؟؟؟؟؟؟؟؟؟؟؟؟؟؟؟؟؟

[احمد منيف]

صح الله لسـانك اخوي

،، قصيدة طيبه ،،

وكل شي طيب يستاهل المدح

[سعدعايض]

اقتباس من مشاركة الموج الازرق سلام ياالجهنان ياأصحاب الرسول*يـــاأهـــل الكرم والـجود والكــف الـــــندي صح السانك وجزله من راس جزل ولكن اصحاب الرسول ؟؟؟؟؟؟؟؟؟؟؟؟؟؟؟؟؟؟

صح بدنك ولاهنت على المرور.
نعم جهينه من أصحاب الرسول صلى الله عليه وسلم وروو عنه الكثير من الأحاديث .

[ابوصالح لرشيدي]

صح الله لسـانك اخوي

،، قصيدة طيبه ،،

وكل شي طيب يستاهل المدح...