[ابو بيان]

احمد البويدي

ياالمحيط الهادي الله يسعدلـي مسـاك=ياسلامـي والمعـارك لهـا فرسانهـا
يامحيط الشعر ابدخلك وبغا ا خض ماك=والمحيطات اعرف لولهـا ومرجانهـا

المحيط الهادي

مرحبا ياللي جناحك ما رفرف في سماك=والطيـور تشيلهـا بالسمـا جنحانهـا
هب ياهذا الولد ماعليـه مـن الهـلاك=وين بعض الناس ماتفطـن لورعانهـا

احمد البويدي

ليلة الجمعه لقيتك ويا محلـى لقـاك=ليلة جابتك ملعـون ابـو شيطانهـا
قبل تاصل جمرة الحج لا ترمي حصاك=أدخل الكعبه وحاول تطوف اركانهـا

المحيط الهادي

[use=ex num="0,black""]

ليلة الجمعة ترانا نبي نلعن ثـواك=صرت مثل اللقمه اللي تحت نيبانها
يالبويدي لاتعجل وتسرع في خطاك=كل شاه معلقه في طرف كرعانهـا

احمد البويدي

إن كسبتوا شي قلنا لعله مـن فـداك=وان كسبتوا كسب عليا مابين اخوانها
لا تلعن لا يضيق الفضاء تو ي معاك=كم رجال في جماها يمـوت السانهـا

المحيط الهادي

الشكل مألوف ..والثوب لبسه مازهاك=والله التسري ذلولك تجـر أرسانهـا
الذخيرة في حزامي وعيني من وراك=والمعارك يطنخ الرأس فـي ميدانهـا

احمد البويدي

قبل لا تكبر طموحاتك اعرف مستواك=ان حضرنا ياالمحيط انت صير اوزانها
الذخيره معك ترمي لو ن محدٍ رمـاك=مثل ما قال المثل بنـدق اونيشانهـا

المححيط الهادي

ان قعدت وزانها غن يامحلا غناك=والله ان الشون ينزل مابين آذانها
تخلي الموقع وتشرد ليا جينا نباك=صرت مثل احزاب لبنان في لبنانها

احمد البويدي

بعد هذا البيت بين مع الطرقة مداك=بينت بك نقطة الضعف ياسلطانها
تالي ابياتك ماصارت تشابه مبتداك=جفت امياه المحيطات عن حيتانها

المحيط الهادي

أشهد أن اللي مورطك ذا الحينه نسـاك=طيح في نار تعنيـت لـي مـن شانهـا
صارت أبياتي نجم وأنت ضلع في وطاك=كـل محـول عليهـاهـدم ضلعانـهـا

احمد البويدي

أنشد اهل العلم ويعلمونك وش خفـاك=راجع الصفحات وتعرف وش عنوانها
انت شاعر نجم ومن النجم ربي عطاك=ول ياالتعبيـر بعـض الأوادم خانهـا

المحيط الهادي

لايزيد الهرج يلصق لسانك في جماك=السفينـه فالبحـر قادهـا ربانـهـا
النجوم الله خلقهـا رجـوم لزمـلاك=المجانين آخر الليـل طـار جنانهـا

احمد البويدي

ماحسبت احساب هذا ولا وخيه هذاك=لو تجمع زمرة القوم مـع جيرانهـا
انت هادي ليه تزعل علي الله يهداك=آخر الليل السوالف رجـح ميزانهـا

المحيط الهادي

ترغي شويه وتبرك وترجع عن هواك=يابعير الشله اللي حـرق قرصانهـا
وأنت توك مبتدي يالبويدي وش دهاك=العرب صاحيـن وتشوفكـم بعيانهـا

احمد البويدي

أدري انك ذيب والذيب مايشبه عواك=احتزم والنـار ماسكـرت بيبانهـا
والله اني همك اوغمك وداك ودواك=لين زرق دموع عينك تصل لوجانها

المحيط الهادي

أدري أنك طير ياطير حلق قي فضاك=والطيور أكثار بشكا لهـل والوانهـا
والله أني سم كبدك يا مطنوخ وعماك=لين تطع روحك اللي طلـع دخانهـا

احمد البويدي

كل ماروعك في بيت ابا اسمي عـلاك=والبيوت الضايعـه ضايـعٍ برهانهـا
كل ما تضعف بيوتك بقول الموت جاك=والجنازه من عصر كفنـت بكفانهـا

المحيط الهادي

أبعد الاهداف وش فيك قلي وش بلاك=انت صاحب دله..ومنقفل صيوانهـا

وتقبلو تحياتي ابو بيان

الموضوع الأصلي: احمد البويدي والمحيط الهادي | | الكاتب: ابو بيان | | المصدر: شبكة بني عبس

[المحيط الهادي]

شكرا لك أبو بيان على التنسيق الجميل

صدقني أنت الجندي المجهول في هذا
المنتدى..

[سعد بن عادي]

تنسيق ولا اروع

لشاعرين كبيرين

شكرا لك

[عبدالعزيز الخياري]

انت شاعر نجم ومن النجم ربي عطاك
ول ياالتعبيـر بعـض الأوادم خانهـا

انت هادي ليه تزعل علي الله يهداك
آخر الليل السوالف رجـح ميزانهـا


هههههههه محاوره جميله شكرا على التنسيق

[بتاال]

الله الله الله الله

ياااااااااااااااسلاااااااااااام

هذي المحاورات الحيه

وصح لسانك يابن بويدي مليووووووووووون

وصح لسانك يالمحيط


ولاهنت يابو بيان

[المحيط الهادي]

اقتباس من مشاركة عبدالعزيز الخياري انت شاعر نجم ومن النجم ربي عطاك ول ياالتعبيـر بعـض الأوادم خانهـا انت هادي ليه تزعل علي الله يهداك آخر الليل السوالف رجـح ميزانهـا هههههههه محاوره جميله شكرا على التنسيق

الأخ عبد العزيز .. أنظر للأبيات بعين الشاعر الفاحصة

النجوم الله خلقها رجوم لزملاك=المجنن باخر الليل طار جنانها
وأنت توك مبتدي .. يالبودي وش دهاك ؟؟=العرب صاحين وتشوفكم بعيانها

[ابو بيان]

اشكركم على المرور وتقبلو تحياتي