[سعد الشقل]

احمد البويدي

نسلـم للجميـع وكنهـم يوحـون مـا يـردون=سـلام الله وانـا مـرار وانـتـم لا تـردونـه
أشوف الناس لا حضر الجحش ما تقل فيها عيون=وسلامي للجحش وأدري الجحش يفهم بمضمونه

الجحش

سلامك وصل ياحمد وانت ماتدري عن المكنـون=وانا مادري لو ادري وش ورا الطاري ووش دونه
ليامنـك دريـت بكارثـه كـل العـرب يـدرون=هلابك مرحبابـك والعلـم معـروف مـن لونـه

احمد البويدي

أنا أشوف العرب متحيزه كيف أشرح المضمون=وعلى هالوضع حال المنتدى وشلون وشلونـه
لاتلعبها كذا يا صاحبي تـو العـرب بالهـون=تركد لين تصل البيت وتشـوف أول أركونـه

الجحش

تراء علم الحيـاء والطيبيـن يبيـن مهما يكـون=ولا تقـدر تـرد اللـي يشـوف الجـم بعيونـه
توصيني ميانه وانت لـو تمـون اقـول تمـون=وانا والعمده اول من بنا بيتٍ تشوفونه

احمد البويدي

عساكم من على القمة لسدر المنتهى تصلون=عساكم تكسبون أكثر من اللي دوم ترجونـه
ترى بيتك على وجهين لونه وصل موزون=عسا فيك أبركه والعمدة الله يحسن ضنونـه

الجحش

لو يصيب الدّعا دوّرتم ذيابـه ولا تلقـون=ولا ضاع الخروف اللي خذاه السبع بقرونه
سمعنا للجرب حكّه ونسمع للمشكـه كـون=ضربنا لك مثل معروف بسلوبه وبفنونـه

احمد البويدي

دعينا لك بخير وسالفتكـم حبلهـا مدفـون=عرفت أن الوضيحي والمها ما تفرق أقرونه
لاتتعب صاحبك عرفه يدله ما خذته أظنـون=عساك أتشوف غير الدرب هذا درب تمشونه

الجحش

مدام انك على الدين _ الحنيف اسمع عسى ماتهون=عرفتـم شـئ لكـن شـئ واجــد ماتعرفـونـه
انا ابانشدك عـن عـذرا تزوجهـا ولـد مجنـون=وجابـت منـه خمسـه ميـر ابوهـم مايريدونـه

احمد البويدي

لقيت الناس في راسين في روض الجحش يمشون=وليا منه طواهـا القيـض عـد البـدو يردونـه
لا تلعبها كذا يـا صاحبـي مـا تنلعـب هلـون=يضيقنـي غنـاوي لا تعشـاء خبـز صمـونـه

الجحش

ياليت اخصامنا دايم على هالشاكله ياتـون=نبي نرتاح من جور الزمن مانطلب العونـه
على قدك عطيتك يأحمد إمن التين والزيتون=بلاش من العنى وايامنا ماهـي بمضمونـه

الموضوع الأصلي: الجحش × احمد البويدي | | الكاتب: سعد الشقل | | المصدر: شبكة بني عبس

[أحمد عبيد الهنيدي]

الله لا يهينك يا الشقل على التنسيق

تحياتي لك

[فهد المويسه]

مشكور على تنسيق هذا الطاروق الرائع

وصح لسان الشعراء

والله يعطيك العافيه

وتقبل سلامي

[رياح الشرق]

صح لسانهم وبيض الله وجهك على النقل