[صقر بني رشيد]

كان الشاعر ممدوح بن عبد الله المرزوقي البقمي


ماراً من أحد ممرات السجن ,, وفي ذلك الممر كانت ريم وأمها داخلين لزيارة سجينهم والشاعر سمع صوت الأطفال وشافهم فتذكر أبنائه فدمعت عينيه ؟؟؟


فرأته ( ريم ) فقالت ريم لأمها :


( يمّه الرجال يبكي !! ،، فقالت أمها زاجرة : ريم !!! )



سمعها الشاعر ممدوح البقمي ،، وكتب هذه القصيدهــ المعبرهــ






أبكي وعيني تسهر الليل يـا ريـم

مدري بلاها الشوق والا الظليمـه

يا ريم دمع العين مدري على الريم

والا على قلبـن تواكـل صميمـه

تقول لاطمني علـى نونهـا سيـم

أبكي وعندي لأزرق الدمع قيمـه

ويمكن يكون الدمع للعيـن تكريـم

ويمكن يكون إلها عذاب وحريمـه

والله يا لولا دمعتـن كنهـا الديـم

راحت ضلوعي من عذابي حطيمه

ودام البكا يا ريم ما فيـه تحريـم

يا عنك والله لأرخص الدمع شيمه

وابكي على حالي من الوجد وآهيم

لين الزمن يخلـف عليّـه نسيمـه

أبكي حياتن صافيه ما بهـا غيـم

وين المحبـة والقلـوب السليمـه

أبكي قهر وابكي من الغبن والضيم

وابكي من طعونن بقلبـي قديمـه

غدر الزمن خلّى بوجهي مراسيـم

وما يذبح الرجال مثـل الهزيمـه

بعض المصايب شرها ياكل الهيـم

وشلون بكبود الرجـال الكريمـه

وبعض المصايب يخلفن المفاهيـم

تبغى على ما قيل صبر وعزيمـه

مظلوم بالدنيـا وغيـري مظاليـم

من عرض ناسن لبسوهم جريمـه

ما عاد أبي من سود الأيام تعليـم

عقب العذاب اللي كلاني جحيمـه

ولو تصفي الدنيا علـيّ الملازيـم

ما عاد أدور من وراهـا غنيمـه




{مما راق لي }

الموضوع الأصلي: السجين البقمي وريم | | الكاتب: صقر بني رشيد | | المصدر: شبكة بني عبس

[غــ زمانك ــرك]

قصيييييييده معبررررررره صح السانك ولسان قايلها

[صقربني عبس]

الله لايجيب الظالم اللي يظلم المسلمين
صح السانك ولاهنت