[سعد الشقل]

السلام عليكم


انقل لكم محاوره جرت بين الشاعرين

سالم معزي (سيف عبس ) × حمود البقمي



حمود البقمي

تعال يا سالم بسلمك الاوراق
واكتب عليك من المواثيق ميثاق
تطلع عليك الشمس وانت على ساق

والنار تالع لين تاكل حطبها

ياسالم الناس بالناس=في نحد ولا تهامه
في ماقف ن يرفع الراس=كل ن يعصب العمامه

سيف عبس

مدام معك اوراق انا ويش ابيبك
ياحمود خل اوراقكم وسط جيبك
لانت صحيب لي ولاني صحيبك

والنار تالع لين تاكل حطبها

ياحمود الايام مقياس=تبقى ليوم القيامه
ياحمود مافيه مجلاس=كلن يجود حزامه

حمود البقمي

ان كان سالم ما يحمل الامانه
يرجع على الكرسي ويجلس مكانه
حتى خوانه ما يصدق خوانه

والنار تالع لين تاكل حطبها

سالم دخل فيه وسواس=يالربع مدري علامه
وان كان دقيت الاجراس=ابشر بحرب الرغامه

سيف عبس

حنا بسوق العرف بعنا شرينا
ياحمود بالله لا تغشمر علينا
انقوم نجلس مالكم شغل فينا

والنار تالع لين تاكل حطبها

ياحمود لاباس لاباس=لا طير مثل الحمامه
الموت كتام الانفاس=لاوصل مامن سلامه

حمود البقمي

اثرك معك خمس وعشرين نيه
واحيان تسوي من كلمة قضيه
لو قلت كيف الحال تزعل عليه

والنار تالع لين تاكل حطبها

ماتلحقك قحص الافراس=انحشت سبق النعامه
ترا الرجا يغلب الياس=والعرف غير الغشامه

الموضوع الأصلي: سيف عبس × حمود البقمي | | الكاتب: سعد الشقل | | المصدر: شبكة بني عبس

[سعد الفلاح]

صح أللسان الشاعر حمود البقمي وشاعر سيف عبس سالم معزي وتسلم يمينك على النقل اخوي سعد ولاهنت

[الجحش]

سيف عبس دائمأ مبدع وليس بغريب عليه الابداع وهوا الشاعر الخلوق وصاحب المعنى الجزل
اخوي سعدالشقل مشكووور على النقل الرائع والجميل
تقبل تحياتي
الشاعر الجحش

[سعد الشقل]

سعد الفلاح

اسعدني مرورك يالزميل

الجحش

كلامك على العين والراس يالجحش


شاكر لكم مروركم الكريم

[عبد الرحمن خضير]

سيف عبس وحمود البقلي من الشعار المعروفين على الساحه الشعريه ولاهي غريبه عليهم الابداع ومشكور
سعد الشقل على النقل الرائع وتقبل تحيا ت اخوك ابو متعب

[سعد الشقل]

حياك يابو متعب

وشاكر لك مرورك الكريم ..//

[عادل بن هون]

ونعم فيك وبسيف عبس وبالبقمي

[سعد الشقل]

ما عليك زود يابن هوون

شاكر لك مرورك الكريم