[جميل مساعد]

اليكم جديدي عسى أن يحوز على رضاكم ... النص بدون مقدمات :

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
رقيت رجم الغلا والشعر وحروفـه=سجيت به ساعة الضيقه على معنـا
سلام ياللي عليـه النفـس ملهوفـه=والخاطـر اللـي يفرقنـا يجمعنـا
بيني وبينه يحول الوقت وظروفـه=والساعه اللي على شوفتـك تنفعنـا
ذعذع عليه الهوى وأبعد عن الشوفه=وأرخى عليه الهجر وأصبح مقاطعنا
يليتني مامدحت لغيـري اوصوفـه=يليتنـي ساكـت ولاقلـت مطمعنـا
واللي فرقنا تراها نـاس معروفـه=عذالنـا والغـلا ماعـاد يسمعـنـا
من بعدها فارقـت يدينـي اكفوفـه=ماعـاد فيهـا كـلام ولا تراجعنـا
حظي كذا والحظوظ اليوم مكسوفـه=حظي كذا والكرامـه عنـه تمنعنـا
من أول أوصفًّك واقـول غريوفـه=والظاهر أنا علـى شوفـك تولعنـا
واليوم ياهاجري لعبتـك مكشوفـه=لعبه وزودٍ علـى الغـرات تقنعنـا
والمعذره عجزت أفكاري عن طيوفه=حاولت أقـرًّب منـه لكـن تدفعنـا
أمـور وأمـور والخيـال بسيوفـه=لاقلت هانت سمعنا صوت مدفعنـا
مافيه داعي نمـر البيـت ونحوفـه=مادام نفسي عـن الـذلات ترفعنـا
حتى الرسايل من الجوال محذوفـه=حذفتهـا مانبـي ذكـراك تتبعـنـا
ودعت رجم الغلا والشعر وحروفه=والهاجـس اللـي يعذبنـا يودعنـا

[/poem]

شعر : جميل مساعد الرشيدي

الموضوع الأصلي: اللعبه المكشوفه ... جديدي اليكم | | الكاتب: جميل مساعد | | المصدر: شبكة بني عبس

[كاتب الرشيدي]

ياكم أنت جميل ياجميل

عذوبة الكلمات وسلاسه المعنى

ورقي الهدف

صح اللسانك

استمتعنا بروائعك العذبه

لاعدمناك

[ابو ياسر]

جميل مساعد

شكرا لك على هذه الجزلة
وعلى هذه الرحلة الممتعه في سماء الابداع

دمت لنا جميل ياجميل

[فهيد الشويلعي]

جميل مساعد

شكرا لك على هذه الجزلة
وعلى هذه الرحلة الممتعه في سماء الابداع

دمت لنا جميل ياجميل

[برق الوسم]

قصيده رااائعه ..
صح الله لسانك .. مبدع .. لاهنت..
تحياتي لك ...

[جميل مساعد]

شكرااا برق الوسم وشكراا كاتب وشكرااا فهيد وشكرااا ابوياسر..

[مرآهيش]

حسبي الله على العواذل بس

قصيدة رآئعة كروعة جميل بن مسآعد

صح لسآنك

[عبدالله العايد]

جميل ابيات بقمه الروعه صح لسانك