[النمر1012]

داج الظلآم أنزاح،والنور له ضوح

نور الصباح مضيح . . والليل زايح

مالي هوى بمزاح،والقلب ملدوح

فكري من التلميح . . غادٍٍ شلايح

كني على لفاح،غصنٍٍ بلحلوح

قاعة حزوم وشيح . . وأرضه كلايح

يامشغل المرتاح،بسك من النوح

ورقٍٍ على التطويح . . ماهي شحايح

يامن طربك انياح،كدرت مجروح

طربٍٍ وهو تفويح . . جوفه جدايح

صفقت راح براح،لحت النحر لوح

لوحةٍٍ يتيمٍٍ ليح . . دمعة سبايح

يالقلب وطرك راح،ماظن له قروح

اليوم بالتشبيح . . مالك صلايح

يوم الدروب سماح،والدرب مفتوح

بديت في تفصيح . . قولٍٍ صحايح

أخذت لي مشواح،باسرار وفروح

ركب الغرام مشيح . . هجنه طفايح

لي بالهوى ميلاح،والهم مكسوح

وموقعٍٍ تصحيح . . حب الملايح

قلبي كما الملواح،بيدين طاروح

من كثر التلويح . . رزقه توايح

السد ماينباح ،من غير ساموح

واللي زرّى بفريح . . خله يصايح

يلومني من كاح،شين اللغى كوح

خبلٍٍ عطى تسنيح . . جاك امتدايح

تسلّي الأ رواح،زاح الكدر زوح

حبٍٍ بلا تبريح . . ما به بجايح

لو الهوى ذبّاح،له ميل ورجوح

ولاحدٍٍ يعيش مريح . . والعمر رايح

واليوم لي مصفاح ،عن ورد وسروح

الجهل هو تلقيح . . غرس القبايح

يوم الموقر لاح . . أنا وين ابروح

بديت بالتصليح . . والله يبايح

كيف الحول ياصاح . . في عذلة الروح

شف لي هدف ياشيح . . ذرب النصايح

ماكتب بالألواح . . ماهوب ممسوح

اليوم هو توضيح . . عطب الجرايح

من عاش بالأفراح . . لابد من نوح

ساسٍٍ بلا تسليح . . خطر اللوايح

والعقل هو مفتاح . . بيبان مصلوح

وينزحك تنزيح . . عن كل سايح

عن ربعة السفاح . . يالقلب منصوح

لاتتبعه وتطيح . . ما به ربايح

مثلك ليا من طاح . . خلاه مسدوح

أترك ردي الكيح . . زين السنايح

زبن الرفيق شناح . . بالطيب له نوح

من ورد عين السيح . . عاف الضحايح

نفسه على الأمداح . . قد شاحها شوح

ذكره مع أهل الفيح . . وأهل البرايح

خله وراك سناح . . عن كل كاثوح

ينجّحك تنجيح . . رجل المدايح

كانّه بكرب شباح . . للضد ذرنوح

صميدعٍٍ زحزيح . . عطب الجوايح

ليا عدّي المياح . . في جانب الصوح

كان الروّي تشنيح . . للدلو مايح

الموضوع الأصلي: قصيده المرشد البذال | | الكاتب: النمر1012 | | المصدر: شبكة بني عبس

[برق الوسم]

مشكور ع النقل
لاهنت يالنمر
ورحم الله مرشد البذال واسكنه فسيح جناته
واسمح لي بنقلها بالمكان المناسب
تقبل مروري

[ذبحني غروركـ]

صح لسااانك واعتلى شااانك

[النمر1012]

يشرفني مروركم الرااااااااائع

[أبوثابت العبسي]

روعه الشاعر/ مرشد البذال مدرسه شعريه اشكرك على نقل هذه القصيدة الرائعه

تحياتي

[أمـــير بـكلمتي]

يسلمووووووووووووووووووووووووووووووو

[النمر1012]

مشكورين علي المرور

[*رشيديه*]

يعطيك العااااااافيه
تقبل مروري