قبيلة بني رشيد

قبيلة بني رشيد (http://ban3abs.com/aa/index.php)
-   منتدى الشـــعــــر (http://ban3abs.com/aa/forumdisplay.php?f=57)
-   -   قصيده المرشد البذال (http://ban3abs.com/aa/showthread.php?t=66214)

النمر1012 05-09-2009 01:51 PM

قصيده المرشد البذال
 
داج الظلآم أنزاح،والنور له ضوح
نور الصباح مضيح . . والليل زايح
مالي هوى بمزاح،والقلب ملدوح
فكري من التلميح . . غادٍٍ شلايح
كني على لفاح،غصنٍٍ بلحلوح
قاعة حزوم وشيح . . وأرضه كلايح
يامشغل المرتاح،بسك من النوح
ورقٍٍ على التطويح . . ماهي شحايح
يامن طربك انياح،كدرت مجروح
طربٍٍ وهو تفويح . . جوفه جدايح
صفقت راح براح،لحت النحر لوح
لوحةٍٍ يتيمٍٍ ليح . . دمعة سبايح
يالقلب وطرك راح،ماظن له قروح
اليوم بالتشبيح . . مالك صلايح
يوم الدروب سماح،والدرب مفتوح
بديت في تفصيح . . قولٍٍ صحايح
أخذت لي مشواح،باسرار وفروح
ركب الغرام مشيح . . هجنه طفايح
لي بالهوى ميلاح،والهم مكسوح
وموقعٍٍ تصحيح . . حب الملايح
قلبي كما الملواح،بيدين طاروح
من كثر التلويح . . رزقه توايح
السد ماينباح ،من غير ساموح
واللي زرّى بفريح . . خله يصايح
يلومني من كاح،شين اللغى كوح
خبلٍٍ عطى تسنيح . . جاك امتدايح
تسلّي الأ رواح،زاح الكدر زوح
حبٍٍ بلا تبريح . . ما به بجايح
لو الهوى ذبّاح،له ميل ورجوح
ولاحدٍٍ يعيش مريح . . والعمر رايح
واليوم لي مصفاح ،عن ورد وسروح
الجهل هو تلقيح . . غرس القبايح
يوم الموقر لاح . . أنا وين ابروح
بديت بالتصليح . . والله يبايح
كيف الحول ياصاح . . في عذلة الروح
شف لي هدف ياشيح . . ذرب النصايح
ماكتب بالألواح . . ماهوب ممسوح
اليوم هو توضيح . . عطب الجرايح
من عاش بالأفراح . . لابد من نوح
ساسٍٍ بلا تسليح . . خطر اللوايح
والعقل هو مفتاح . . بيبان مصلوح
وينزحك تنزيح . . عن كل سايح
عن ربعة السفاح . . يالقلب منصوح
لاتتبعه وتطيح . . ما به ربايح
مثلك ليا من طاح . . خلاه مسدوح
أترك ردي الكيح . . زين السنايح
زبن الرفيق شناح . . بالطيب له نوح
من ورد عين السيح . . عاف الضحايح
نفسه على الأمداح . . قد شاحها شوح
ذكره مع أهل الفيح . . وأهل البرايح
خله وراك سناح . . عن كل كاثوح
ينجّحك تنجيح . . رجل المدايح
كانّه بكرب شباح . . للضد ذرنوح
صميدعٍٍ زحزيح . . عطب الجوايح
ليا عدّي المياح . . في جانب الصوح
كان الروّي تشنيح . . للدلو مايح

برق الوسم 05-09-2009 11:44 PM

مشكور ع النقل
لاهنت يالنمر
ورحم الله مرشد البذال واسكنه فسيح جناته
واسمح لي بنقلها بالمكان المناسب
تقبل مروري

ذبحني غروركـ 05-09-2009 11:48 PM

صح لسااانك واعتلى شااانك

النمر1012 06-09-2009 01:19 AM

يشرفني مروركم الرااااااااائع

أبوثابت العبسي 06-09-2009 03:05 AM

روعه الشاعر/ مرشد البذال مدرسه شعريه اشكرك على نقل هذه القصيدة الرائعه

تحياتي

أمـــير بـكلمتي 07-09-2009 01:44 AM

يسلمووووووووووووووووووووووووووووووو

النمر1012 12-09-2009 05:32 PM

مشكورين علي المرور

*رشيديه* 12-09-2009 06:05 PM

يعطيك العااااااافيه
تقبل مروري


الساعة الآن +4: 07:50 PM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص