[العالم الفلكي]

بسم الله الرحمن الرحيم

السلام عليكم ورحمة الله وبركاته

هذه المحاورة بين الشاعر الحر النداوي والشاعر الاشقر


الحر النداوي

ياطير شلوى قابلك حر(ن) نداوي واستلم=وأخذ العلوم اللي ردي الحيل مايفطن لها
أنا صلاة الصبح سديت اللزوم اللي لزم=وأنته سوات الشجره اللي مايظلك ظلها

الاشقر

الحر الاشقر جاك يالطير النداوي وانتظم=يوم ان بعض الناس ساعه واحده وفركلها
سمعت لي علم وخبر انك مع بندر خصم=لكن راع الاوله كد قال وش نعملها

الحر النداوي

حنـا حـرار المنتـدى والبـوم فـي ظـل السلـم=اصحى معلي ساعه وادير الطايره واتلها
أنـا سفيـر لحـزب بنـدر فالسمـا فخـر ولــم=ربي خلقني علىه لبعض الكبود وغلها

الاشقر

يا صاحبي البني عـز ولا يشابـه للهدم=الطيبه أتعب عليها والرديه خلها
الجرح كانه صابكم يبطي ويذبحك الالـم=يالله عسى في صفحة التاريخ نقرا اسجلها

الحر النداوي

أنا معي سيفن حديد وحـده أبتـر ماانثلـم=واطلع مطاليع الحرار اللي حسينن دلها
الجرح دفيته مع البابـور فاأمـواج الظلـم=وانته جروحك في ضميرك من لعينك من لها

الاشقر

كم واحد ن قبلك يعض اصبعه من ضيم وندم=شاور كبار القوم يا رجال ثم ارسلها
حنا نقول الله يوفقكـم ويصيـر الكـم علـم=ودرب المراجل درب من جد وجهد ياصلها

الحر النداوي

حنـا لقينـا قـوم فـي راس الهـدى عـمـي وبـكـم=أثر الكفيف أمامهم والابكمي يذن لها
حنـا لقينـهـا غـفـال وبـكـرت(ن) فيـهـا وســم=واقفت تلاح البيد واتغني غواني خلها

الاشقر

أكبر جروح المجتمع تنتج من اخطوط القلم=حسبي على كتابها وملعون من ينقلها
الشعر تال الوقت صاير مثل مكتب للخـدم=انته من أصحاب المكاتب ولا متبعلها

الحر النداوي

وأكبر جروح المجتمع أني على حبرك ختم=أرسلتها رديتها خاتم لها خاتم لها
صف الشواعير وصحيبك ساقهم سوق الغنم=جعل المزون الناشيه يم القبور اتعلها

الاشقر

ما كل من طب البحر يطلع يسمونه هرم=بعض الاوادم مالها غير البيوت احسلها
اثريك تابع والعرب مشتك في ساق وقدم=هذا كلامٍ من لسانك والدموع اتهلها

الموضوع الأصلي: الحر النداوي + الاشقر | | الكاتب: العالم الفلكي | | المصدر: شبكة بني عبس

[الحر النداوي]

أشكرك جزيل الشكر يالعالم الفلكي على التنسيق مشرف مبدع صراحه

تحياتي لك أيها المشرف الرائع

[شاعر الوطن]

الله الله يالحر النداوي ويالاشقر

محاوره طيبه جدا صح اللسانكم

[الحر النداوي]

اقتباس من مشاركة شاعر الوطن الله الله يالحر النداوي ويالاشقر محاوره طيبه جدا صح اللسانكم

صح بدنك يالقناص مرورك شرف طال عمرك

[الشبح]

صح اللسانكم مافيكم حليه

[الحر النداوي]

اقتباس من مشاركة الشبح صح اللسانكم مافيكم حليه

صح بدنك يالشبح لاتكون حبيب العازمي هههههههههههه

مرورك مشرف

[العالم الفلكي]

اقتباس من مشاركة الحر النداوي أشكرك جزيل الشكر يالعالم الفلكي على التنسيق مشرف مبدع صراحه تحياتي لك أيها المشرف الرائع

العفو وانت لك جزيل الشكر على المرور والتعليق يالشاعر الرائع

[العالم الفلكي]

مشكورين على المرور