[مبارك السوارج]

السلام عليكم ورحمة اللـه وبركاته هذي قصيده اجتماعيه اقدمها لكم واتمنى ان تحوز على رضاكم

مبارك بدا في نظم زينات الامثال=امثال من راسه وفكره عدلها
طرايفٍ تجلى صدى القلب والبال=تبعد عن النفس الحزينه زعلها
ناح الحمام وجاب له صوت موال=طربان ما يشكي بلاوي عللها
واللي حمامه جعل واديك ما سال=ذكرتي المفجوع زمة جهلها
وقت الرخا يوم السعاده والامال=وعصورنا اللي ما ندور بدلها
يوم القدم يمشي على الارض ما مال=والروح ما يطري عليها زملها
وقت الشباب وحب زينات الاقذال=نجل العيون اللي كثيرٍ خجلها
بيضٍ عفافٍ ما مشن درب الارذال=جواهرٍٍ تسكن بداخل فللها
اليا شافهن راع الهوى جاه غربال=يرمن بسهوم المنايا وأجلها
في حبهن ما نستمع كل عذال=حب الشرف ما محبة دجلها
ايام ما فيها من الهم ولوال=يا حلو صفتنا ويا حلو اهلها
اهل الكرم والجود ذربين الافعال=عز الرفيق اليا شكى من ميلها
فيهم ثلاث اخصال والحق ينقال=دين وشجاعه والكرم في سبلها
اللي مجالسهم بها بن وادلال=وسوالفٍ موزونةٍ عن زللهـا
وساع الصدور مطوعة كل عيال=مثل الجبال الراسيات بسهلها
اليا جاك واحدهم بليهي وشيال=وحمول غيره فوق متنه حملها
يقدرون الرجل ما هو على المال=اليا صار طيب لو لبوسه سملها
واليوم وقتٍ فيه ما زالو رجال=وقت التقدم والتطور شملها
وتطوره سببله الوان واشكال=الله يسترها ويحسن عملها
والروس روس ولا تساوى بالاذيال=عند الرجال اللي تحلل شكلها

وسلامتكم اخوكم / مبارك السوارج

الموضوع الأصلي: ايام ما فيها من الهم ولوال ( مبارك السوارج ) | | الكاتب: مبارك السوارج | | المصدر: شبكة بني عبس

[سهم عبس]

البيت الاخير رائع يامبارك
صح لسانك

[ابوصالح لرشيدي]

صح السانك القصيده اكثر من رئعه
من اول بيت الى اخر بيت ,,,
ومشكووووووووووووووووووررررررر
اتمناء لك اتوفيق المستمررررر.....

[محمد بن فـايد]

واللي حمامه جعل واديك ما سـالذكرتـي المفجـوع زمـة جهلهـا

صح السانك يامبارك السوارج ولاهنت

جزله من راسن جزل قصيده وحبكة شاعر

والله يعطيك طولة العمر ويمدك بالصحه والعافيه احنا وياك وكل عبدن مسلم

[نوماس5]

’،
’،
’، صح لسأأأأأأأأأأأأأأأنك بيض الله وجهك

[مبارك السوارج]

صحت أبدانكم جميع .. ولاهنتوا على المرور ..

[عبس404]

صح لسانك يا بورشيد

وقصيده جزله ورائعه وتحمل معاني كثيره

في انتظار جديدك وخصوصن الشعر الغزلي

وشكرا

[عيسى محمد]

مبارك السوارج

صح الله السانك ملايين
قصيده تحمل المعاني الجزله