[اخوصلــــفه]

السلام عليكم ورحمة الله وبركاته:

ابيات اتمنى ان تنال الاعجاب الى .........:

قال الذي قوله سوات العباريد=اما يصيد الذيب والا الغزاله
ياقوم ياللي تنضمون الاناشيد=تو الرشا ماركب فوق المحاله
لاحت لي الزله وبعض المقاصيد=يوم القمر بدر وريض هلاله
انا احسب ان القوم ربع واجاويد=لكن بانت لي موار النذاله
كل السبايب مخلفين المواعيد=اللي على المرقاب عقد حباله
توي دريت ان النوايا على حيد=يااهل العدل بالله وين العداله
ناس تدور مدح بين القواصيد=مدح على غير الحقيقه جهاله
والخصم لامنه عطاه المناشيد=ضيع جوابه ياعرب من سواله
وده يسوي مثل عنتر وابوزيد=والناس تدري عن خوافي حواله
يسل سيفه مع سيوف مجاريد=يالين جاه السيل سايل وشاله
ليته قعد من ضمن ناس قواعيد=من شان مايدرى عن اللي بباله
دايم على المرقاب وده يجي سيد=حتى تقول القوم راعي جزاله
فارس شجاع وضمن ناس صناديد=والعيب بين فيه قبل الخماله
لاتحسبون الشعر قول وتراديد=وقاف ملحن يالا لاله يالا له
الشعر ميزان وله ساس جويد=ماهوب شربة كيف والا بياله
ياهية ياللي شلت زين البواريد=لاتقنص الضلع المهيف وجاله
الصيد موجود وفي جرهد البيد=لوكان تلقى لك عوض في بداله
مدام بعض الناس راحوا حواسيد=راع الحسد كبه ومالك وماله
دامه زرع في وسط قلبه لك الكيد=يجيه يوم يخبره عن عماله
والرجل مايقرب دروب المناقيد=مايقرب المنقود كود الحثاله
وان عاش راسي يالرجال المقاريد=ان لعقل كل هرش بعقاله
واني لضد القوم ضد الاضاديد=في ساعة كل يثبت مقاله

اخو صلـــــــفه

الموضوع الأصلي: قال الذي قوله سوات العباريد//// اما يصيد الذيب والا الغزاله | | الكاتب: اخوصلــــفه | | المصدر: شبكة بني عبس

[(ابوعواض)]

يامسري الشعار يالمبدع


عزله جزله من راس جزل



مالها الا رجالها يالعمده سر الا الامام

الله يوفقك ~~~~

[(ابوعواض)]

والله انب اشك ان معك جنيه ههههههههههههههههه

[كاتب الرشيدي]

اخوي مسري


صح لسانك ياخو صلفه



صدقت لاهنت

[مروان الرشيدي]

مبدع ياخو صلفه


صح ألسااانك ملايين
:
:
:
تحياتي

[اخوصلــــفه]

اقتباس من مشاركة (ابوعواض) يامسري الشعار يالمبدع عزله جزله من راس جزل مالها الا رجالها يالعمده سر الا الامام الله يوفقك ~~~~

ابوعواض مشكور ياللغالي على المرور والتعليق ولاهنت

[اخوصلــــفه]

اقتباس من مشاركة كــــاتــــب اخوي مسري صح لسانك ياخو صلفه صدقت لاهنت

كاتب صح بدنك ولاهنت على المرور ياللغالي

[اخوصلــــفه]

اقتباس من مشاركة مروان الرشيدي مبدع ياخو صلفه صح ألسااانك ملايين : : : تحياتي

صح بدنك يامروان الرشيدي ومرورك شرف لي طال عمرك