[ذيبان الرشيدي]

السلام عليكمم ورحمة الله وبركاته

أخوتي الكرام
أسعد الله أوقاتكم بالخير واليمن والمسرات


أقدم لكم
هذ الأبيات
التي
لم تكتمل بعد

وأغلبها أو جُلها
كانت
وليدة لمواقفٍ
قد مرت علي

أطرحُها
ها هُنا
للتوثيق والتواصل
ويعلم
الله وحده
أنها
قليلٍ من كثير


لا أحب الأطالة كعادتي
اليكم ماكتبت

ياقلب ياللي .. داسك الهم والغم = ياقلب لاتشكي زمانٍ مضالك
كفكف دموعك وأرفع الرأس وأعلم = ماكل وجهٍ لاضحكلك صفالك
مبطي تجرعت المرأره مع السم = وأخفيت همٍ بالحنايا بدالك

ماعادلك .. شفٍ ولاعادلي شف = يعني انتفارق .. والنوايا مطيه
رَوّح وخف الرجل .. ياصاحبي خف = لاصرت بأعياني .. مُجَرد خّطيه

ياقلب .. لاتجزع من هروج مقرود = نذل{ن} يدور بالخفا زلة{ن} لي
ماجيت أدور .. عنده النقص والزود = من قبل عرفه .. عارفنه محلي

الا ياصاح .. مع ليـل المـفـارق= عطاك القلب .. هالجمله المفيـده
إذا ما الليل .. أرخالك سدولـه= فلا تعجب .. من الظُلمه الشديده
وغرهد واصطفق .. لاحل وقتٍ= يشوش الذيب .. عن لحم الطريده

بهذلبي افراقه .. وعفته وصديت= واللي سواتي .. لاتقاصى تعفف
عز الله اني .. مارجيته وحنيت= ساعة نظرته .. بالملاقا تأفـف

ياصاحبٍ ... منك الحنايا معاطيش= متى تجيني.. وارتوي من حلو مـاك
عقبك تراني .. مثل طيراً بلا ريـش=مليت أسامر ... واتوجد لفرقـاك
وشوله الهجران .. قلي على ويـش= جاوب كلام .. الي من الوجد ناداك
مدري غصب .. والا لعانه وتطنيش = والا على غير الهوى .. طاب ممشاك

ناسٍ تعيش .. الوقت رهبه وتشكيك = وناسٍ تشوف .. الهم يطـرد وراهـا
وناسٍ تشوف الدرب .. شده وتفكيك= وناسٍ تذم .. أصحابهـا و اقصراهـا
وناسٍ ترجى .. جنـةٍ بين أياديك= ياواحـدن .. قـادر تعـلا سماهـا

ياليل .. غنيتك همـومٍ وضيقـات= وغنيت أنا بجرحٍ .. من الوقت ذاوي
لايأخذك بالهرج .. حيره وشكـات= مال الجروح .. الا الطبيب المداوي
واللي على شانه .. قطعت العلاقات= خله على .. حبل الجفا والرجـاوي
مالك ومال .. مقابله والطويـلات = أكفخ كما كفخ .. الفريد النداوي
من لا بغا شوفك .. فقله سلاامـات= ماني على قربك .. شفوقاً شفـاوي

ياصاحبي .. مالك عذر .. وأن تعذرت= يوم أن وجهي بالتجاهـل .. صفعتـه
غيري على نَظمه .. وهرجه تبحـرت= وهرجي تناقصته {هنا} .. ما طبعته
لاشك أنا من غدر وقتي .. تصبـرت= واسبلت انا الغتره.. وراسـي رفعتـه
مير البلا .. يومك على القلب حدرت= وادنيت هرجي .. عقب منته وضعتـه
مدري علينـا يالسنافـي .. تكبـرت= والا غدرك الفكـر ... يـومٍ سمعتـه

أنتظرتك .. والليالي تودي ماتجيب = وأنتخيت الحظ .. والحظ مابه مرجله
ياوسيع العرف .. وأن كان بِك شكٍ وريب = أترك القلب المُعنا .. علامك تشغله

الشقا والسقم والضيق .. والجرح العطيب= والليـال السـود .. والملعنـه وامثالهـا
والقهر والشيب والغم .. والدرب الصعيب= كلها من عقب فرقاك .. أنا بشتالهـا

ليالٍ قد مضت وأضنت .. حبيبٍ بالنظر كذاب= حبيبٍ .. باعني واقفى .. وعينه تنظـر لعينـي
على طرق الحدا لبت .. طواريقي وسقت عتاب= وبدَيت الهجوس اللي .. على الطرقـا تودينـي
عرفت أن الجفا نكبه .. عرفت أن الهوى غلاب= عرفت أن الزمن .. قفـل دواليبـه وناسينـي
عرفت الخل جافاني .. وفارقني بدون حسـاب= وماتت قصةٍ عاشت .. وتمت وأنتهـت فينـي

الا ياذا العذاب .. اللي تباطيتـه وشـب النـار= عليك القلب كم غنى .. وسجـل لـك تماثيلـه
الا ياهم ذاك الصاح .. توه مـا أنتهـى المشـوار= مادام القلـب .. قـد قنّـد تواصيفـه وتحليلـه
تمرد حلمك الوردي .. على قلبٍ نظـم صبـار= وساق حروف شعراً .. مانطقها شاعـر بـجيلـه
ضفاف الحزن .. وان مدت على شاطيك والمخضار= فلا تجزع على وقـتٍ .. تقافـى وانعفـس ليلـه
وشيل الهم عن عينك .. وجيب من الألم تذكـار= وقهقه واضحك بشوفت .. مراسيلـه ومنديلـه

دمتم
بحفظه وستره

الموضوع الأصلي: مدري غصب والا لعانه وتطنيش ... والا على غير الهوى طاب ممشاك{بَعضُاً مِن بَعض} | | الكاتب: ذيبان الرشيدي | | المصدر: شبكة بني عبس

[البعيد الهادي]

صح اللساااااااانك وتعلا شااانك ياااذيباااان
دائم تتحفنا بالمفردات العذبه
وتختاااار الجزل . لكن من اين تصدر هذه المفرداات الجزله . نعم . انهاتصدر من الشااعر المتألق
الجزل ذيباااااااان العبسي الذي نثر لنا اروع واجمل القصااائد منذ بداية شعره
واخيراً لله درك
وتقبل فائق الاحترم والتقدير

[برق الوسم]

شاعرنا واستاذنا ذيبااان
صح لسااااانك ....
قصايد في قمة الرووعه والجمال ...
استمتعت بالقراءه اكثر من مره ...
لاتحرمنا ... من جديدك ...
وتقبل خالص الود والتقدير ....

[أمـــير بـكلمتي]

ذيبان دايم مبدع الله لا يحرمنا منك

صح لسانك على الابيات الجميله

[محمد الراشد]

ماخليت شي ماشاء الله عليك

صح لسانك ياشاعرنا

[المشعل]

مبدع ياذيبان كاعادتك

اطربتنا واستمتعنا بالابيااااااااااااات الرااائعه

صح الساااااااانك ولاهنت

شاعر جزل ومبدع مافيك حيله ماشاء الله

نتمنى لك التوفيق

واصل ابداعك وتألقك ولاتحرمنا من جديدك


تحيااتي لك

[بنت أبوهــا]

قصيدة روعه

صح لسانك

[رواية]

أبيات جدا جميله تدل على شاعرية صاحبها

أدامك الله بيننا وأدام لنا شعرك

أعجبتني كثيرا الابيات في التوقيع

يقولون دائما أن الشاعر لاتدوم همومه لأنه يطفؤها بالشعر فهل هذا صحيح؟

تقبل مروري المتواضع