قال الذي قوله سوات العباريد=اما يصيد الذيب والا الغزاله
ياقوم ياللي تنضمون الاناشيد=تو الرشا ماركب فوق المحاله
لاحت لي الزله وبعض المقاصيد=يوم القمر بدر وريض هلاله
انا احسب ان القوم ربع واجاويد=لكن بانت لي موار النذاله
كل السبايب مخلفين المواعيد=اللي على المرقاب عقد حباله
توي دريت ان النوايا على حيد=يااهل العدل بالله وين العداله
ناس تدور مدح بين القواصيد=مدح على غير الحقيقه جهاله
والخصم لامنه عطاه المناشيد=ضيع جوابه ياعرب من سواله
وده يسوي مثل عنتر وابوزيد=والناس تدري عن خوافي حواله
يسل سيفه مع سيوف مجاريد=يالين جاه السيل سايل وشاله
ليته قعد من ضمن ناس قواعيد=من شان مايدرى عن اللي بباله
دايم على المرقاب وده يجي سيد=حتى تقول القوم راعي جزاله
فارس شجاع وضمن ناس صناديد=والعيب بين فيه قبل الخماله
لاتحسبون الشعر قول وتراديد=وقاف ملحن يالا لاله يالا له
الشعر ميزان وله ساس جويد=ماهوب شربة كيف والا بياله
ياهية ياللي شلت زين البواريد=لاتقنص الضلع المهيف وجاله
الصيد موجود وفي جرهد البيد=لوكان تلقى لك عوض في بداله
مدام بعض الناس راحوا حواسيد=راع الحسد كبه ومالك وماله
دامه زرع في وسط قلبه لك الكيد=يجيه يوم يخبره عن عماله
والرجل مايقرب دروب المناقيد=مايقرب المنقود كود الحثاله
وان عاش راسي يالرجال المقاريد=ان لعقل كل هرش بعقاله
واني لضد القوم ضد الاضاديد=في ساعة كل يثبت مقاله

اقتباس من مشاركة (ابوعواض) (المشاركة 1302489) يامسري الشعار يالمبدع عزله جزله من راس جزل مالها الا رجالها يالعمده سر الا الامام الله يوفقك ~~~~

ابوعواض مشكور ياللغالي على المرور والتعليق ولاهنت

اقتباس من مشاركة كــــاتــــب (المشاركة 1302589) اخوي مسري صح لسانك ياخو صلفه صدقت لاهنت

اقتباس من مشاركة مروان الرشيدي (المشاركة 1303071) مبدع ياخو صلفه صح ألسااانك ملايين : : : تحياتي