[ابوعالي الرشيدي]

يا الله يا اللـي نبتهـل لـك ونخشـاك =يــا خـالـق الدنـيـا ورافــع سـمـاهـا
يا واحـدٍ مـا هـي بتحصـى عطايـاك =الخلـق كــل الخـلـق مـحـدٍ حصـاهـا
الجود من جودك وعطفك وحسنـاك =يـا مستجيـب الداعـيـه فــي دعـاهـا
أنـت الكريـم اللـي نخـافـك ونــدراك =لــو لاك نفـسـي مــا تحـقـق منـاهـا
أنـك تثبتـنـي عـلـى غـايـة ارضــاك =عـبـدك ولا غـيـرك حيـاتـي ولاهـــا
سجـدت لـك يــا دايــرٍ كــل الأفــلاك =يــا غـايـة الشـكـوى ويــا منتهـاهـا
لــولاك يــا رب السـمـاوات لـــولاك =مـا تقبـل التوبـه عـلـى مــن نـواهـا
يـا العبـد مالـك غيـر ربّـك ومــولاك =كــل البـشـر تفـنـى ويمـحـى ذراهــا
اهْـو الـذي صـوّرك سـوّاك وأنشـاك =إعجـاز مـا وصـل البشـر مستـواهـا
لا تشمـت العالـم وتنـسـى خطـايـاك =احكم هوى نفسـك وحاسـب خطاهـا
حاسب ضميرك قبل لا تدفـع خطـاك =كـم مـن قـدم قلـب المشـقـى حفـاهـا
علـيـك بالإحـسـان والــرب يحـمـاك =مـن قــدم الحسـنـات يلـقـى جـزاهـا
شيطـان نفـسـك لا يـغـرّك ويـغـواك =قبلـك غــوى نــاسٍ وكــدّر صفـاهـا
من زمرة الطاغوت حـذراك حـذراك =لا تبتـلـي بـجـروح يصـعـب دواهــا
وإلى مشيت اعرف دروبك وممشاك =احرص على نفسـك وخالـف هواهـا
أمّــارةٍ بالـسـوء مــا هــي بتـنـهـاك =اقبـض عليهـا لـيـن يجـلـى صـداهـا
اقـطــع نـوايـاهـا بـديـنـك وتـقــواك =هـلّــل وعـنــد الله سـريــعٍ شـفـاهــا
والعيـن لا تنـظـر بـهـا مــن تـعـدّاك =المحصـنـه لــو تلتـفـت لــك وراهــا
اصبـر علـى همّـك وغـمّـك وبـلـواك =عـــف وتـعـفـف لا يـغــرّك حــلاهــا
واترك حرام القوت مـا هـو بيمـلاك =كــل البـطـون الجايـعـه مــا مـلاهــا
رشفة حلال اتسد جوعك ومضمـاك =تسـوى مشـاريـب الـحـرام وغثـاهـا
النـار فـي جوفـك وتصـلـى حنـايـاك =نــار الجحـيـم تـزيـد لـلــي وطـاهــا
واحـفـظ لسـانـك لا يـجـرك ويـبـلاك =اخــذ الثميـنـه لــو غـلـى مشتـراهـا
الهـرج ميـزانـك ويكـشـف خفـايـاك =كـلـمــة تـعـيـبـك لا تـبـيّــن نـبـاهــا
صون الكلام وصون نفسك ومبـداك =للنـفـس حشـمـة لا تفـصّـم عـراهــا
اصمت مدامك عـارفٍ سيـر مجـراك =لا تـنـقـل الـنّـمـة وتـبـحـث خـفـاهـا
يــزول قــدرك عـنـد أقــرب دنـايـاك =لـو هـو ولـد عـمّـك حيـاتـك جفـاهـا
واحلـم تـراه الحـلـم يـرفـع مـزايـاك =هــو سـيّـد الأخــلاق هــو مبـتـداهـا
وصّى به المبعـوث مـا هـو بيخفـاك =شفـعـيـنـا يــــوم الـمــلاقــاة طـــــهاها
خـل الجهـل لا تجعـل الغيـظ ياطـاك =تـرى الجهـل سـم القلـوب وعمـاهـا
وإلى ابتليـت ارفـع إلـى الله شكـواك =لا بـدّهــا الأيـــام تـكـشـف غـطـاهـا
اصبـر يزيـن الحـظ ويزيـن مـرمـاك =الله يـفـرجــهــا ويـــدفـــع بـــلاهـــا
لا تمنـع المـرحـوم لا مــن تنـصّـاك =الناس لأجل الناس وأحسن عطاهـا
ابــــذل لــوجــه الله والله يــجـــزاك =مثـل الغـروس اتطيـب للـي سقـاهـا
لا ضاع معروفك ولا ضـاع حسنـاك =إن كــانــهــا لله تــلــقــى جـــزاهـــا
جارك ولو هو جار تسقيه من مـاك =عـلـيـه لا تـرفــع يـديـنـك عـصـاهـا
أحسن جوار الجار لـو كـان يشنـاك= ترى العـرب تحشـم كـلاب اقصراهـا
بـكــره يـشــد ويـكـتـب الله فـرقــاك =عـسـاه يـذكـر جيـرتـك مــا نـسـاهـا
الظلـم شيـن ويجعـل الـنـار مـثـواك =راع الظليـمـه عيشـتـه مــا هـنـاهـا
فوقـك إلــه الـعـرش عـالـم نـوايـاك =ينظـر قلـوب النـاس وش محتواهـا
يسمـع بمـا تجهـر وعـارف خفايـاك =بأمره شروق الشمس ترسل ضياها
هـو عـالـمٍ غيـبـك وركّــب خـلايـاك =هـو خالـقٍ فـيـك الـعـروق ورواهــا
والضيف لـه حـقٍ إلـى حـل بحمـاك =قـلّـط ضـيـوف الله وأكـــرم لـحـاهـا
لا تحقـر الضيـفـان واتـشـح بـغـذاك =مــن مــا عـطـاك الله قـلّـط عشـاهـا
وعليـك باللـي حـزة الضيـق يـفـداك =لا شـانــت الـدنـيـا ودارت رحــاهــا
لا من زهمته لو علـى المـوت لبّـاك =عينـي لجـل عينـك وروحــي فـداهـا
ترى الخوي نبراس روحك وملْجاك =لا كـلّـحــت بـقـعــا وزادت غـثـاهــا
حذراك من بعض المخاليـق حـذراك =بعض العرب مـا تفرقـه مـن نساهـا
تايـه وضـايـع بـيـن ذولا .. وذولاك =فـيــه الجـهـالـة واصـــلٍ منـتـهـاهـا

وسلامتكم
راشد بن ناصر بن زميع القحطاني

الموضوع الأصلي: "ترى العرب تحشم كلاب اقصراها" | | الكاتب: ابوعالي الرشيدي | | المصدر: شبكة بني عبس

[حادي الجبيل]

يـا العبـد مالـك غيـر ربّـك ومــولاك =كــل البـشـر تفـنـى ويمـحـى ذراهــا
اهْـو الـذي صـوّرك سـوّاك وأنشـاك =إعجـاز مـا وصـل البشـر مستـواهـا
لا تشمـت العالـم وتنـسـى خطـايـاك =احكم هوى نفسـك وحاسـب خطاهـا
حاسب ضميرك قبل لا تدفـع خطـاك =كـم مـن قـدم قلـب المشـقـى حفـاهـا
علـيـك بالإحـسـان والــرب يحـمـاك =مـن قــدم الحسـنـات يلـقـى جـزاهـا
شيطـان نفـسـك لا يـغـرّك ويـغـواك =قبلـك غــوى نــاسٍ وكــدّر صفـاهـا
من زمرة الطاغوت حـذراك حـذراك =لا تبتـلـي بـجـروح يصـعـب دواهــا
وإلى مشيت اعرف دروبك وممشاك =احرص على نفسـك وخالـف هواهـا
أمّــارةٍ بالـسـوء مــا هــي بتـنـهـاك =اقبـض عليهـا لـيـن يجـلـى صـداهـا
اقـطــع نـوايـاهـا بـديـنـك وتـقــواك =هـلّــل وعـنــد الله سـريــعٍ شـفـاهــا
والعيـن لا تنـظـر بـهـا مــن تـعـدّاك =المحصـنـه لــو تلتـفـت لــك وراهــا
اصبـر علـى همّـك وغـمّـك وبـلـواك =عـــف وتـعـفـف لا يـغــرّك حــلاهــا
واترك حرام القوت مـا هـو بيمـلاك =كــل البـطـون الجايـعـه مــا مـلاهــا
رشفة حلال اتسد جوعك ومضمـاك =تسـوى مشـاريـب الـحـرام وغثـاهـا
النـار فـي جوفـك وتصـلـى حنـايـاك =نــار الجحـيـم تـزيـد لـلــي وطـاهــا
واحـفـظ لسـانـك لا يـجـرك ويـبـلاك =اخــذ الثميـنـه لــو غـلـى مشتـراهـا
الهـرج ميـزانـك ويكـشـف خفـايـاك =كـلـمــة تـعـيـبـك لا تـبـيّــن نـبـاهــا
صون الكلام وصون نفسك ومبـداك =للنـفـس حشـمـة لا تفـصّـم عـراهــا
اصمت مدامك عـارفٍ سيـر مجـراك =لا تـنـقـل الـنّـمـة وتـبـحـث خـفـاهـا
يــزول قــدرك عـنـد أقــرب دنـايـاك =لـو هـو ولـد عـمّـك حيـاتـك جفـاهـا
واحلـم تـراه الحـلـم يـرفـع مـزايـاك =هــو سـيّـد الأخــلاق هــو مبـتـداهـا
وصّى به المبعـوث مـا هـو بيخفـاك =شفـعـيـنـا يــــوم الـمــلاقــاة طـــــهاها
خـل الجهـل لا تجعـل الغيـظ ياطـاك =تـرى الجهـل سـم القلـوب وعمـاهـا
وإلى ابتليـت ارفـع إلـى الله شكـواك =لا بـدّهــا الأيـــام تـكـشـف غـطـاهـا
اصبـر يزيـن الحـظ ويزيـن مـرمـاك =الله يـفـرجــهــا ويـــدفـــع بـــلاهـــا
لا تمنـع المـرحـوم لا مــن تنـصّـاك =الناس لأجل الناس وأحسن عطاهـا
ابــــذل لــوجــه الله والله يــجـــزاك =مثـل الغـروس اتطيـب للـي سقـاهـا
لا ضاع معروفك ولا ضـاع حسنـاك =إن كــانــهــا لله تــلــقــى جـــزاهـــا
جارك ولو هو جار تسقيه من مـاك =عـلـيـه لا تـرفــع يـديـنـك عـصـاهـا
أحسن جوار الجار لـو كـان يشنـاك= ترى العـرب تحشـم كـلاب اقصراهـا
بـكــره يـشــد ويـكـتـب الله فـرقــاك =عـسـاه يـذكـر جيـرتـك مــا نـسـاهـا
الظلـم شيـن ويجعـل الـنـار مـثـواك =راع الظليـمـه عيشـتـه مــا هـنـاهـا
فوقـك إلــه الـعـرش عـالـم نـوايـاك =ينظـر قلـوب النـاس وش محتواهـا
يسمـع بمـا تجهـر وعـارف خفايـاك =بأمره شروق الشمس ترسل ضياها
هـو عـالـمٍ غيـبـك وركّــب خـلايـاك =هـو خالـقٍ فـيـك الـعـروق ورواهــا
والضيف لـه حـقٍ إلـى حـل بحمـاك =قـلّـط ضـيـوف الله وأكـــرم لـحـاهـا
لا تحقـر الضيـفـان واتـشـح بـغـذاك =مــن مــا عـطـاك الله قـلّـط عشـاهـا
وعليـك باللـي حـزة الضيـق يـفـداك =لا شـانــت الـدنـيـا ودارت رحــاهــا
لا من زهمته لو علـى المـوت لبّـاك =عينـي لجـل عينـك وروحــي فـداهـا
ترى الخوي نبراس روحك وملْجاك =لا كـلّـحــت بـقـعــا وزادت غـثـاهــا
حذراك من بعض المخاليـق حـذراك =بعض العرب مـا تفرقـه مـن نساهـا
تايـه وضـايـع بـيـن ذولا .. وذولاك =فـيــه الجـهـالـة واصـــلٍ منـتـهـاهـا

وسلامتكم
راشد بن ناصر بن زميع القحطاني[/center][/quote]

وأنت سالم قمة الروعة لاتحرمنا من مشاركات كهذه .

[ابوعالي الرشيدي]

مرورك منور ون شاالله اكون عند حسن ضنك

تحــــــــيــــاتــــــــــــي

[سعد بن عادي]

أبو عالي الرشيدي .... لله دراك ياشيخ

اشهدنك احسنت الاختيار .. صح لسانك وسلم احساسك .. وصح لسان شاعرها .. راشد القحطاني
قصيده فيه من الحكمه والنصح .الشي الكثير

وللامانه تستحق التثبيت !!

جديدك ونقلك يهمنا فلا تحرمنا
دمتم كما تحبون

[عابد الرشيدي]

ابو عالي الصراحه احسنت الاختيار

صح السان الشاعر راشد بن ناصر بن زميع القحطاني

والله يعطيك الف عافية على نقلها

[بندر الذيابي]

قصيده تحمل حكم معاني جليله ورائعه


لله درك اختيار موفق وبالفعل نحن نحتاج لمثل هذه القصائد


الله لا يهينك وننتظر جديدك


مودتي

[ابوعالي الرشيدي]

بندر الذيابي مرورك منور

يعطيك العافيه ولاهنت

[رويبح رباح العويمري]

الاخ ابو عالي الرشيدي احسنت الاختيار وبيض الله وجهك