[على هونك]

عسى الله لايعيدك يانهار(ن) طالت اوجاعه = احسب انك عليه نور واثرك من ضحاك امسيت

قريت اعذب رموز الشوق حرف(ن) يطرب ايقاعه = وانا ماصدق ان الشوق يكتب ليني اتهجيت

بريشة رمش عين (ن) مالها الى السمع والطاعه = ليامنه عزف لي من لحون السامري غنيت

وانا ماكان في قلبي حنان ولااعرف اطباعه = ولا حولي وله لولاك ماطالعت لي واغظيت

وجيتك معي ماملك من حنين الشوق واتباعه = ورهنت الك اصدق ايام الحياه وبعدها نغريت

عطيتك شي (ن) اكثر منك مافكرت بضياعه = دفعته في سبيل انك تعرف ان الحشاء لك بيت

احاول بالعمر كله معك بمفاهمت ساعه = ربطت ابه الا اماني مير ماصارت على التوقيت

عشقتك حزت (ن) فيها الزمن متساعد اوضاعه = دفعت ابها ثمن هاك النهار الي عليك ارهيت

عرفت ان الفرح والقرب مسك (ن) هب ذعذاعه = وعرفت ان الحزن والبعد لاخويتهن وليت

وعرفت ان البها والحسن منك وفيك مرباعه = وعرفت انك خذتك الغطرسه وابعد سماك الصيت

وعرفت انك تراقبني وشفت الحزن وابداعه = وعرفت اني على بالك ولاادري وش بلاك ابطيت

اثر كله على شانك تحرى دقت الساعه = تبى تسمع رنين اجراس شوق (ن) خانها التوقيت

الموضوع الأصلي: مفاهمت ساعة | | الكاتب: على هونك | | المصدر: شبكة بني عبس

[نـسـاااف]

صح السانك يا على هونك شاعر عذب وشرس في كلتا الحالتين

تقبل مرور اخوك نساااف

[احمد سبيتان]

صح لسسانك على هونك عليناههههههه

بيض الله وجهك

[العميل السري]

صح لسانك على هاالجزلة

[الضرغام]

.. قصيده رائعه
استمتعت بقراءتها ..
لها روح من بوح ولها مشاعر منتظر ..

فعلا على هونك ..ههههه


صح السانك

وبتوفيق

[أمـــير بـكلمتي]

اصح لسانكـ .... وموفق خير
الله يعطيك العافيه

[عنتر زمانه]

كلمة حق أنك شاعر عملاق

وربما لم يكن حب فتاه وأنما نوع أخر وهكذا الشعر ولا فلا

عندما يكون تحت شفرات يحبه الناس ويشد أنتباههم فالكل تجده يعيد ويقراء لكي يستنتج ما بين السطور وهكذا يكون شعر الكبار لله درك من على هونك ..

أتحفتنا بهذه الرائعه

ولا أقول الا الله يعين اللجنه عزالله أنهم في موقف ضبس

وبكره أخر موعد للمسابقه

[كاتب الرشيدي]

احـاول بالعمـر كلـه معـك بمفاهمـت ساعـهربطت ابه الا اماني مير ماصارت على التوقيـت

عشقتك حزت (ن) فيها الزمن متساعد اوضاعـهدفعت ابها ثمن هاك النهار الـي عليـك ارهيـت

عرفت ان الفرح والقرب مسك (ن) هب ذعذاعـهوعرفت ان الحـزن والبعـد لاخويتهـن وليـت

وعرفت انك تراقبني وشفـت الحـزن وابداعـهوعرفت اني على بالك ولاادري وش بلاك ابطيت

اثر كلـه علـى شانـك تحـرى دقـت الساعـهتبى تسمع رنين اجراس شوق (ن) خانها التوقيت

كتبت وابدعة بهذه الراقية من المفرداة الرائعة

صح لسانك

وتشرفنا بمشاركتك

على هونك
بيض الله وجهك