[الشاعر المجهول]

انت الذي لك في المراجل مواقيف=صداقتك طول الزمن تاج راسي
صداقتك ماهي مخادع وتزييف=على الشرف والطيب ساسك وساسي
يابن الرجال مفرقين المواليف=تروس في يوم اللقا ماتراسي
اللي بيوم المعركه ترفع السيف=افعالهم مثل الجبال الرواسي
وايضا تقدر واجب الجار والضيف=ناسا تماشي بالشرف كل ناسي
سطر لها التاريخ علما وتشريف=ماهو كلام الضعف والانتكاسي
وصداقتك ماهي بجمع السواليف=ولاهي صداقات القلوب النجاسي
اللي صداقتهم كما بارق الصيف=يصادقك بالليل والصبح ناسي
والليا طلبته شي صرفك تصريف=والليا بغاك يصير فضه وماسي
والا انت ذخري بالسنين الشواحيف=وانته عضيدي كل مالان باسي
واليا حصلي في زماني صواديف=انصاك لاجا بالزمان افتراسي
الذيب دايم مسكنه بالمشاريف=والا الخرابه مسكنا للبساسي
هذي بيوتا عنك موجز وتعريف=يااعز صدقاني وياتاج راسي

الموضوع الأصلي: اهداءللاخ سالم الرشيدي ابو طارق | | الكاتب: الشاعر المجهول | | المصدر: شبكة بني عبس

[الشاعر المجهول]

تقبلو تحياتي يالرجال الوافيه

[أبو نوح]

بيض الله وجهك

قصيدة رائعة من شاعر رائع وجزل

ويستاهل الطيب من يسعى له

أخي الشاعر المجهول

كم تمنيت أن تحمل هذه الدرة اسمك

فوالله لو هذه الدرة لي لم أكتبها باسم مستعار

تقبل تحيتي ومروري

[لحظة هدوء]

الله الله عليك
قصيدهـ رآأإئعه وجزله
ويستآأهل سآأإلم الرشيدي
صح لسآأإنك يالغلا شآأإعر مجهول

[سعد محمد]

صح لسانك على هذا لابيات الجزله ...

ويستاهل سالم الرشيدي ..وبيض الله وجهك . يا المجهول ’’’

تحياتي ’’’