[محمد الراشد]

قسوره الغـــــــــاب

يامحمد صحيح العلم والا هوايل

يوم غنت علي عذوق النخيل الحمامه

وش حداها علي هجر السري والخمايل

والجريد ومواجيب الهوا وابتسامه

المناصيف بالعرجوون والغصن طايل

يكفي الطير ظله والبعير وسنامه

لكن الورّق في طبعه للاحزان مايل

واللحوون الحزينه والمفراق غرامه

وش جدا الي ماعنده للمحبه وسايل

يووم بانت علي خد الفراق العلامه

ان شكيت الهوا قالو لي العقل زايل

وان سكت ارزمت فوق المولع غمامه

وادلهمت علي بيض الحنايا مخايل

ماسقا نوها الهتاف راس السلامه

ليتني ماعرف جده وعرعر وحايل

وليتني ماتبطحت بنفوود الثمامه

كان يامحمد الراشد لقيت الدلايل

ولا غدا لي مع الطرد المقفي نعامه

ويامحمد صحيح العلم والا هوايل

ليه ناحت علي عذوق النخيل الحمامه

هذا رد الشاعر / محمد الراشد
شوف عينك وعينك لاتهـل الهمايـل

لا تلووم الزمن من جرف طحت بعدامه

غلطة الشاطر بعشره نهار الحصايل

وانت تشكي وانا مثلك عليه ملامـه

حزة الحرب ماعدت فعـول القبايـل

والرجا خيـر لكـن القطيعـه ندامـه

عارفين السحاب الـي تبيـه الثمايـل

ولا عرق لي جبين ولا حذفت العمامه

ماشرب من حليب الي عليها شمايـل

ذاق رغوه وقـال الله يحسـن ختامـه

للقيامه علامـه شفتهـا يـوم اخايـل

واهل الكهف لو يدرون قامت قيامه

حط جعبه على العسكر بعز القوايـل

وانت ركًز وتلقى بالجماعـه علامـه

تدري الشوق عامل بالهوواي عمايـل

لو يفكه من التفكيـر لحظـه منامـه

ودي اقول واعذرنـي ولانـي بقايـل

اه ليته يحـس بخفاقـي وش مقامـه

يمشي العمر وانا لاول الحـب شايـل

كن ربي خلق حـول الحنايـا دوامـه

انت تسأل وعرجون الحيـاه متمايـل

انت تؤجر ونلحق هالحمامـه حمامـه

رد الشاعر / قسورة الغاب

اه واعينـي الـي عـن عنـاهـا تسـايـل
كل ما ارخي جنـاح الليـل ريشـة ظلامـه
السهـر بالعيـووون امـن الليالـي نكايـل
كـن نـووم العـرب مالـه بعينـي كرامـه
اتقلـب وانـا والنـوووم غـل وغـلايـل
والصباح انفظ رمووشي وقشع خيامه ههههه
راح حالي وجانـي حـال نقـص السوايـل
والنظـر صـار فووقـه يامحمـد عسامـه
صـرت ماعـاد افـرق بالغتـر والفنـايـل
مابقي عنفوان ولا بقابي جسامـه ههههـه
وكانها ماربعـت لـي نظـرت ام الجدايـل
ويـح قلـب العديـم وفجعتـه وانقسـامـه
احسنوووبـي وخوذوبـي ثـواب وجمايـل
وانشدووو كاحـل العينيـن عنـي علامـه
والله انـي مـادور فـي هـواهـا بـدايـل
وان قلبي بعدها عن هـوا البيـض صايـم
وكـل ماهبـت انسـام الهبـووب العلايـل
حرك الشووق بين ضلووع صدري وسامـه
ويامحمـد ختـام القـوول مانـي بعـايـل
كانه اسـدل جنـاح الليـل ريشـة ظلامـه

الموضوع الأصلي: محمد الراشد ,,,ياقسوره الغاب جاك عمك والبلح!! | | الكاتب: محمد الراشد | | المصدر: شبكة بني عبس

[يوسف الاسود]

قصيدة جميله

[بنت أبوهــا]

يمشي العمر وانا لاول الحـب شايـل ** كن ربي خلق حـول الحنايـا دوامـه

صح لسانك واعتلى شانك
أبيات مميزة وراقية

[(ابوعواض)]

صح الله لسآنكم جميـع ~

[لحظة هدوء]

شوف عينك وعينك لاتهـل الهمايـل لا تلووم الزمن من جرف طحت بعدامه غلطة الشاطر بعشره في نهار الحصايل وانت تشكي وانا مثلك عليه الملامـه حزة الحرب ماعدت فعـول القبايـل والرجا خيـر لكـن القطيعـه ندامـه

صح لسآأإنك وعلى شآأإنك قصيدهـ رائعه وجميله
لاهنت ولاهان القسورهـ
تحياتي

[محمد الراشد]

اقتباس من مشاركة يوسف الاسود قصيدة جميله

الا جمل حضورك يايوووسف

[هامة العز]

صحت السنتكم جميع
لاهنتم بيض الله وجيهكم

[شداد المظيبري]

صح الله لسآن الجميع
ننتظر المزيد