[سعد عبدالله]

اهداء الــــى جميع اعضاء المنتدى
وكل عام وانتم بخير


صدقيني العيد نفسـه مـا تغيـر مـن سنيـن

فرحة اطفال وتلاقي..لمّة احباب وقرايـب

والاغاني والكروت وقولـة (مْـن العايديـن)

والتمام الشمل يوم العيد .. وانسـام الهبايـب

والتهانـي والهدايـا وحـب روس الوالـديـن

والمواصل للعمام .. وللخوال .. وللنسايـب

كل حاجه مثل ماهي بس انـا حالـف يميـن

إن لا غبتي باسجّل نفسي في هالعيد غايـب

وارجعي بالذاكـره يابنـت وانتـي تعرفيـن

ليه احس العيد عقبك جيّتـه جيّـة مصايـب

ليه لا طالعت (كرت العيد) اكفكـف دمعتيـن

من ذكرت اعيادنا وأيام كان الوضع طايـب

ذكر اني من (مصلى العيد) وانتـي تذكريـن

كنت اسابق خطوتيني متّجـه يمّـك وذايـب

لجل اكون الشخص الاول لجل مني تسمعيـن

في صباح العيد .. جملة (كل عام احنا حبايب)

لجل نكتب خلف (كرت العيد) ذيـك الكلمتيـن

كنت اجيك بقلب طفل وطيش شاب وثقل شايب

كنت انا اعايد وحالي حـال باقـي العاشقيـن

وما معاي الا خفوقي وذي عيوني لك وهايب

وإنتي في اجمل ثيابك كاشخه والزيـن زيـن

تثبتين إنك عجيبة غير عـن كـل العجايـب

فرحة العيد .. بلقانا كانـت اصـلاً فرحتيـن

مثل ضحكات الورود ومثل زخّات السحايب

ما ليوم العيد طعم وما لهـا الذكـرى حنيـن

وكل منّا في مكان وكل واحد لـه طلايـب

الرجا في عيد الاضحى يمكن انـك ترجعيـن

ما اقول إلا عسى الله يجزي من كان السبايب

وإن رجعتي وشفتيَ إني فـي عـداد الميّتيـن

ذا انا باوصيك حاجة قبل تنحـط النصايـب

طالبك في كل عيدٍ .. بعد موتـي .. تكتبيـن

خلف (كرت العيد) جملة كل عام احنا حبايب

الموضوع الأصلي: (((((كل عام احنا حبايب))))) | | الكاتب: سعد عبدالله | | المصدر: شبكة بني عبس

[سالم الرشيدي]

صح السأن شاعرها وتسلم يمين ناقلها

[رشيديه و أفتخر*]

صح لسان شاعرها

وتسلم ع النقل الذوووق ربي يعطيك العافيه

وكل عام احنا حبايب لاعضاء منتدانا

تحيتي لك

رشيديه و أفتخر*

[سعد عبدالله]

سالم
رشيديه وافتخر
الله يعطيكم العافيه
وكل عام وانتم بخير

[رنــــا]

الله يعطيك العاااااااااااااااااااااااافيه
وماننحرم من جديدكـ
وكـــــــ عام ــــــــــــــــل ومنتداااااانا الحبيب بخــــــــير:)

[سعد عبدالله]

رنووووووووووووو
الله يعطيك العافيه والله لايحرمني من ردودك الجميله
دمتي بود

[سند الداموك]

تسلم يمينك على النقل الذوق ياذوق

كل عام وانت بخير

تحياااااتي لك

[سعد عبدالله]

ابو رنا الله لايحرمني من مرورك الجميل
الذوق منك وفيك
يعطيك الف عافيه