[ذيبان الرشيدي]

اسعد الله أوقاتكم
بالخير واليمن والمسره

مصافحه
أتمنى أن ترتقي لذائقتكم
وأن
تحظى منكم بالقبول والأستحسان
كم
لا
أنكر
أن
للإستعجال كانَ منها نصيب

لا
إطاله فالخيرُ دوماً بإيجاز المقاله

هلابك يالقصيد .. اللي بغيتك ساعة الضيقـات = هلابك .. من بعد طالت جروح الوقت والحسره
هلابك .. وان تجلت بالحنايا ضيقه وحسـرات = على ظلم الزمان اللي .. لظلمي نسف الغتـره
طلبتك والمعاني .. تجلب المعنى على الهقـوات = طلبتك تطرب الخفاق .. يومنه قضـى صبـره
تمخطر من خفوقٍ .. حده الحادي على الوقفات = زمانٍ جازله .. يرسـل لواهيبـه علـى قبـره
وجوده وجد .. من حده زمانه وارتحل بسكات = وهبا .. من مدابير الليالي وأنحدر قدره
تثنابه زمانه .. واصطفاقه جابله عثرات = تثاقت به هواجيسه .. كما اللي شاربٍ خمره
غدره الوقت وأقفابه .. على ليلٍ حدر زفات = وشاف الضيق .. في ظلعٍ تباين للنظر كبره
و رزقه الحظ وأزدانه .. { بعبسياً } كفا النكبات = وشال الهم من عينه .. وحيابه على صدره
هذا وجدي .. بمن قفى .. وسندها على الغيبات = جفولٍ ما أعجبه شعري .. وتل القلب من حجره
جفاني مارحم عينٍ .. تسوق من الألم عبرات = وقضقض بالحشا .. حبٍ تمادى وأكتمل عمره
تحريته على الموعد .. بليلٍ مُجمله ظلمات = وشبيت القهر نيره .. وذاب القلب من جمره
عليه الوجد سرابي .. على حبٍ غدى عسرات = وعليه الفكر حيابي .. على أرضٍ صفت قفره
دهاني مادهاني .. والمعاني صابها ريبات = وجف الحبر من فكراً .. تقافى وأنهدم قصره

دمتم
بخيراً وستراً وعافية

الموضوع الأصلي: تمخطر من خفوقٍ .. حده الحادي على الوقفات ..! | | الكاتب: ذيبان الرشيدي | | المصدر: شبكة بني عبس

[سالم الرشيدي]

ذيبأأأأن
صح السأنك واع ــتلا شأنك

[برق الوسم]

هلابك يالقصيد اللي بغيتك ساعة الضيقاات
هلابك من بعدطالت جروح الوقت والحسره
هلابك وان تجلت بالحنايا ضيقه وحسرات
على ظلم الزمان اللي لظلمي نسف الغتره
طلبتك والفرايد تجلب المعنى على الهقوات
طلبتك تطرب الخفاق يوم انه قضى صبره
..
شاعرنا / ذيبان
صح لسانك ... قصيده جميله
قراءتها اكثر من مره .. سجل اعجابي
واستاذنك بتثبيت القصيده .....
تقبل خالص الود والتقدير

[كاتب الرشيدي]

هلا بك يالقصيد
وهلا بك يا راعي القصيد
وهلا بالمعاني الجزله

هلا بالذوق
هلا بالشعر
هلا بك وطلبتك تسجل اعجابي

بيض الله وجهك يا الشاعر العذب

وصح لسانك

[يوسف الاسود]

هلا بك يالقصيد
وهلا بك يا راعي القصيد
وهلا بالمعاني الجزله

هلا بالذوق
هلا بالشعر
هلا بك وطلبتك تسجل اعجابي

بيض الله وجهك يا الشاعر العذب

وصح لسانك

[شهاليل]

شاعرنا المتألق ".. ذيبأآأآن .."
مُدن من الجزاله والجمال تجسدت هنا ..
تمخطر من خفوقٍ .. حده الحادي على الوقفات ... زمانٍ جازله .. يرسـل لواهيبـه علـى قبـره
وجوده وجد .. من حده زمانه وارتحل بسكات ... وهبا .. من مدابيـر الليالـي وأنحـدر قـدره
تثنابه زمانـه .. واصطفاقـه جابلـه عثـرات ...تثاقت به هواجيسه .. كما اللي شـاربٍ خمـره

صح لساانك مدد بلا عدد ..
قمة في الشعر أنت ,, ربي يوفقك

[رواية]

تكتب بريشه من غمام

اشتعال حرفك توهج..كشمس تحترق

تدهشني طريقة عزفك

دائماً شامخ بكلماتك ومحلق في القمم

لحرفك رونق خاص لا يمتلكه إلا المبدعون

كلمات معتقه تحتاج إلى الوقوف أمامها عمر بأكمله

باختصار وجدت هنا شاعر متمكن..والابداع لا يحتاج للكثير ليعلن عن نفسه

دمت مبدعاً

[ذيبان الرشيدي]

اقتباس من مشاركة سالم الرشيدي ذيبأأأأن صح السأنك واع ــتلا شأنك

مرووورك
يضفي
لمتصفحي الشيء الكثير

دمت
بخير وعافية