[سعد محمد]

علامك رافعه راسك يوم احاكيك
الظاهر اني فـوق حجمـك عطيتـك


لحظـه نـبـي نـرجـع دقيقه لماضيـك
بذكـرك في أي حـالـه لقيـتك


كـان الضيـاع ودمعتـين تخـاويـك
منهار وفـي عـز انهيـارك خذيتـك


وارخصت عمري لأجل احبك واداريك
هدمـت قصـر الـذل فيـك وبنيتـك


كـان الغـلا شمعـه تنـور لياليـك
لو اظلمت دنيـاك جيـت وضويتـك


يا للأسف كنت امدحك وافتخـر فيـك
رفعت مـن شانـك وعليـت صيتك


كنت عندي غير ومـا أقـدر أخليك
وأموت واحيا ان قلـت سـم وفديـتـك

اليوم اشوفـك خنـت حتـى مباديك
صغرت في عيني أنـا اللـي هويتك


الضيـف لـو انـه عـدو معـاديك
غصب عليـك تقـدره وسـط بيتـك


يا صاحبي بتمـوت مانـي براجيـك
واشره علي ّان كـان حتـى طريـتـك


لاصار ذل النفس فـي قلـب يغليك
يلعنـك يـا قلـب عشقـك وشريتـك


اضحـك حبيبـي دام وقتـك مسـليـك
بكره تموت من القهـر لانسيـتـك

الموضوع الأصلي: أهــــدا لكل خــــــايــن,,, | | الكاتب: سعد محمد | | المصدر: شبكة بني عبس

[ذيبان الرشيدي]

صح بدنك ياخوي على ما اجزلت
من درر رائعه

تسطير جميل
بلساان المعاتب

تسلم وتسلم لنا يمنى
تسوق القواف الجزيله

ولاهنت

دمت
بخير وعافية

[فيصل العويمري]

صح لسانك
والله لايحرمنا من جديدك

تحياتي

[علي سعود]

الاخ ولد الرياض

أتمنى عادة النظر في شطر البيت الاول من البيت الاول
وشطر الاول من البيت السابع بالقصيده

**علامك رافعه راسك يوم احاكيك
**كنت عندي غير ومـا أقـدر أخليك

لك أرق التحايا

[ابوديما]

ولد الرياض الله يعطيك العافيه
على النقل الجميل الرائع
سلمت يدينك

دمت بخير

[برق الوسم]

الشطر الاول
هو
راسـك علامك رافعه يـوم أحاكيـك
/
صح لسان شاعرها ولاهنت ع النقل اخوي
واسمح لي بنقلها للمكان المناسب هنا
تقبل مروري

[سعد محمد]

حياك اخوي :علي سعود احترم نقدك في القصيده بلكامل مو في سطرين او شطرين لأ بس ع ما اظن ان القصيده خاليه جـــدآ من النقد... الخ !
واشكرك ع مرورك ..
وتقبل تحياتي ,,,

[(ابوعواض)]

راسك علامك رافعه يوم احاكيك
الظاهر اني فـوق حجمـك عطيتـك


تصحيح

والابيات للشاعر ثامر شبيب
لاهنت ع النقل