[شلاش الرقاص]

اكتب لكم قصيده للشاعر ابراهيم عليان الرقاص بعنوان
خل الهجر

يازين خل الهجر هجرك ماهو زيـن
واترك طريق الهجر زينـه وشينـه
الهجر ما يصلح لنا يا أريش العيـن
خلـه لنـاس (ن)حبهـم ظالمينـه
وألا انت حبك له عهـود وقوانيـن
حب (ن) على وضح النقا تعرفينـه
وش غيرك وأحنا على الوقت صافين
قلبك قسـى بـأول خطـأ خابرينـه
نسيتـى الميثـاق بيـن المحبيـن
ونسيتـى ان الحـب متقاسميـنـه
ونسيتـى انـا وردة مـن رياحيـن
لا تقطفيـن الــورد لا تقطفيـنـه
هذا خطأ ماهو صحيح الخطا شيـن
الحب مايرضى محـب (ن) يهينـه
الحب له وقفات وأسلـوب تدريـن
والحـب ماواحـد يشـك بيقيـنـه
مايدخل ألا قلوب ناس(ن)صدوقيـن
وقلبـى وقلبـك بالهـوى شابكينـه
لينأ أشتبك قلبى لحاله علـى الديـن
بضلوع حـب (ن) ماتغيـر سنينـه
ومعك المحبـه غامقـه بالشرايـن
و وريـد قلبـي معـك لا تقطعينـه
خوفى من الله وأنقذى قتل روحيـن
وروحى وروحك ليـه مـا تنقذينـه
تفـوقـى بأنقـاذنـا لا تـراويـن
وخوذى شهاده من حبيبـك مكينـه
وعودى لذاكرة المحبـه بسطريـن
وألا أذكري ساعـة زمانـن ثمينـه
وألا أذكرى ساعة لقانا بعـد حيـن
في لهفتـة مثـل الحنـون لجنينـه
وأليا ذكرتي مـا مضالـك تعوديـن
فيـك الخجـل والعـذر ماتعرفينـه



.................................

الموضوع الأصلي: قصيدة للشاعر/ابراهيم عليان الرقاص | | الكاتب: شلاش الرقاص | | المصدر: شبكة بني عبس

[@كحيلان@]

صح لسان شاعرها وناقلها
والله لايهينك على النقل
والله يعطيك العافيه

[عايض بن صالح]

تسلم ياشلاش وصح السان الشاعر

[البعيد الهادي]

صح اللسان الشاعر
وبيض الله وجهك ياشلاش

[شداد المظيبري]

خوفى من الله وأنقذى قتل روحيـن
وروحى وروحك ليـه مـا تنقذينـه
تفـوقـى بأنقـاذنـا لا تـراويـن
وخوذى شهاده من حبيبـك مكينـه
وعودى لذاكرة المحبـه بسطريـن
وألا أذكري ساعـة زمانـن ثمينـه

صح لسان شاعرها

ابو فيصل

ولاهنت شلاش