[الرفيق الموالي]

الوهيداني يذل اربع رجاجيل



قصة حدثت امام عيني ومسمعي اقسم بالله


قبل سنوات ليست بالقليلة حيث كنت جالس في احد المراقيب ومعي ناظور كان بالقرب مني مزرعة صغيرة يسكن اهلها حولها في بيت قديم بجوار المزرعة وفي الناحية الاخرى قرابة 3كيلو بيت الوهيداني توه نازل المكان بدوي وكانت غنمه كثيرة حوالي 200 راس
خرجت الغنم من البيت ناحية المزرة وكان معها بنت صغيرة جدا ربما لايتجاوز عمرها 9 سنوات
المهم ان الغنم اقتربت من المزرعة وهو يقوم صاحب المزرعة على الغنم بالتنك والجوالين والصياح والبواري من سيارته حتى تفرقت الغنم وجفلت حيث تفرقت يمين وشمال
البنت الصغيرة صابها مااصاب غنمها من الذعر
وراحت لاهلها تصرخ
اما انا فكنت شاهد اعيان ادربل واتفرج على الموقف
صاحب المزرعة لما شاف البنت راحت للبيت عرف انها رايحة تفزع اهلها
راح لبيته وركب سياره محمله بالحطب ومعه اربع رجال
اتجهوا لناحية المزرعة التي مقابل لبيت الوهيداني
الوهيداني ركب سيارته الددسن ومعه ولده عمره حوالي 17 سنه لااكثر
واخذ يمشي على مهله نحو الرجاجيل الاربعه
لما شافوه جاء كل واحد منهم اخذ كرسوع من الحطب اللي على السياره
المهم ان كل واحد اخذله شون وقناه من الحطب وصفو اربعتهم بجنب سيارتهم
الوهيداني لما قرب منهم بحوالي 100 متر ترك ولده بالسياره ويبدو ان الولد معه بندقيه
المهم انه البد بالسياره ونا كنت ادربل واشوف ماذا يحدث
كان عمري في ذاك الوقت حوالي 16 سنة
راح يمشي الوهيداني نحوهم ولما اقترب منهم وشاف ان كل واحد معه قناه
لقط حوالي اربع الى خمس من الحصى وكان لكل حصاه وزنها اللي مايستهان
وهو يهلل ويكبر و يروح يركض بقوه نحوهم
ولما شافوه يركض وبقوه نحوهم وكل واحد منهم يجدع عصاه ويرفع يديه
ويطلبوه ان يقف قسم بالله اني كنت اسمع اصواتهم وهم يقولون
عين خير يابعد حيي
عيين خير يابعد حيي
ويوم شاف انها صابتهم الرخامه وهو يقف
وهو يهزيهم ويسبهم و يرجع مع دربه
اقسم لكم بالله ان هذه الحادثة صريحة وحدثت امام عيني وسمعي
حدثت في قريه صغيره بالقرب من الروضة

الموضوع الأصلي: الوهيداني يذل اربع رجاجيل | | الكاتب: الرفيق الموالي | | المصدر: شبكة بني عبس

[سابك ذهب]

المخطي يستاهل

ودايم هو كذا حال المخطي

دايم يكون ضعيف

بيض الله وجهك وجه الوهيداني

تحياتي

سابك ذهب

[سعد الشقل]

يعطيك العافيه علىى هالقصه


بس معروف الشجاعه بعبس وراثه ههههههههههههههههههههههه احفاد عنتر لو تغزي مليون لا تستغرب منهم

[سالم الرشيدي]

هههههههههههههههههه


بيض الله وجهك وجه الوهيداني


ولاهنت اخوي

علي القصه الرائعه

[فيصل الرشيدي]

كفو يالوهيداني

يعطيك العافية على هذه القصة

[الحر]

يعطيك العافيه على القصه
وبيض الله وجه الوهيداني انشهد انه رجال شجيع وفيه خير