[عذب الصفات]

V
V
V
V
V
V
V
V
يابو العيون اللي هدبها مرايـش
يابو الدلع يالـي شفايـاك ذبلـه
ياما على شانك نويت المطاريش
ويما تبعتك شرق والنـاس قبلـه
واليوم كني شفت بالوضع تشويش
شي مجمعت العلوم تحسـب لـه
.......................................
.......................................
أنا بدوي .. ثوبي على المتن مشقوق
ومثل الجبال السمر صبري ثباتي
ومثل النخيل خلقت أنا و هامتي فوق
ما عتدت أنا احني قامتي إلا فصلاتي
...........................................
...........................................
نويت مرباع الغضي سيد الاحباب
قصدي يزول الجرح زاد التهابة

جيت وبقايا نارهم حول الاطناب
وبيت الشعر مطوي وباقي زهابه

اقفت ركايبهم ومني الهدب ذاب
من دمع يسأل وانذهل من الاجابه

على غزير الدمع ضميت الاهداب
صديت لين الدمع يكفي سحابه

بعض الوجع يمكن تداويه الاعشاب
وبعض الوجع ياويل منهو سطابه

عشق بدوي لاحب ماهوب كذاب
يوفي ولو جرحه تجدد صوابه

واليوم وصلت بيننا مثل الاجناب
ذاك الغلا ياضيعته ياسفابه

باكر الى جينا لهم مثل الاغراب
من عقب ماكنا الاهل والقرابه

الامر لله كل شيء له اسباب
ولا الهوى وش لي على هج بابه

وشلون قلبي مايجي اليوم منصاب
على الرجم منقوش بعض الكتابه

حتى اثر مشيه مع سهول وهضاب
مر يبين ومر مايندرى به

قلبي من الفرقى صويب ومرتاب
كنه غدى نصفين من هول مابه

حزني عليه انه تسبب ولا طاب
نظرت طبيبه عجلت في ذهابه

ريح الخزامى والنفل زين الاطياب
يشدني ريح السمر في ثيابه

لااقبل نسيم الليل له خيل وركاب
وله في طلوع الشمس عز ومهابه
.....................................
.....................................

أخـــوكـــم
ع ـــذ الـصـفـات

الموضوع الأصلي: أبــيــات أعـجـبـتـنـي دائـــمـــاً أرددهــا..... | | الكاتب: عذب الصفات | | المصدر: شبكة بني عبس

[ماجد الذيابي]

صح لسانك ولسان شعارها شعارها كلك ذوق

[ام جوانا]

صح لسانك ولسان شاعرها
اخي العزيز مشكور على النقل الرائع

[ابو براك الرياض]

الله يعطيك العافيه على الطرح الرايع

[إنسان عادي]

يعطيك العافيه اخوي

ولاهنت على طرحك

[عذب الصفات]

مشكورين ع المرور
^_^