[بشير الزبني]

إليكم هذه القصيدة التي أتمنى أن تكون خير بداية مع هذا الصرح الثقافي المميز ,,,,

دنيا الفخامة يالمدرهم على ويش = على الضياع وكبرياءٍ على ماش
من مدها مايوكلك مدها عيش = لو طيبها مضمون وأفراحها كاش
يحدّر البراق والمزن تشويش = تشويشة الصوره على حد الأرماش!!
حتيش يارجلٍ يدينه مناويش = للمرجله واللي على النوش ما عاش
يقال له في كل ميدان حتيش = عند الحضر وإلا مربية الأدباش
ما دام لحاقة مداه الدراويش = درويش لو يمشى على زل وفراش
يحرق نباه إحراقة الجمر للشيش = ماني من أهله لكن السمع مطراش
لو خلفوا له فالبسيطة مطاريش = ما يحتمي سير القوافل ضنا لا ش
يعيش لا مسير ولا مخير يعيش = بين الثنين يصارع الوضع منداش
ينزل مثل نو السحاب الرشاريش = والناس تفكير البشر : بس تعتاش
لو قلت للصاحي على المخطي تشيش = قلت أنت مخطي , تربط الجرح بالشاش
ولو قلت للمخطي : على الطرق تفتيش = والدار محكومه , من الطاش لـ الطاش !
يومي براس الكذب والخبث والطيش = كنه مكلبش للثلاثة بكلباش ,
ناسٍ على كف المنايا مقاريش = تاطا على شوكٍ ماينقش بمنقاش ..
تكفخ جناحك للسماء يا أشقر الريش = وتعود بك صلف الهبايب على ماش
دنياً فقيدتها ( مناعير ) للـــــطيش = قفل اسموعك وأستمع ( طاش ما طاش ) !!

الموضوع الأصلي: دنيا الفخامة يالمدرهم على ويش !! | | الكاتب: بشير الزبني | | المصدر: شبكة بني عبس

[الاجهر]

مشكور اخي بشير قصيدة ذات معنا وهدف سامي ونصيحة رائعة ما ننحرم منك

[أبونواف]

مشكور اخي بشير قصيدة

[سعد بن عادي]

الاخ العزيز بشير الزبني

حضور أولى مميز وقصيدتك جزله وتحمل معاني ساميه

لك من أخوك جزيل الشكر والتقدير على ماقدمت وما تقدم


دمتم كما تحبون

[صاطي الرشيدي]

قصيدة رائعة بما تعنية الكلمة وصح للسانك

تقبل تحيات ابن عبس

[بشير الزبني]

الأخوة الأعزاء


الأجهر - أبو نواف - سعد عادي - صاطي الرشيدي

.... . شكرا لمروركم العذب ....

[سلطان العايضي]

مراحب بالشاعر بشير الزبني حضور مميز بقصيدة مميزة هلا وغلا ولا تحرمنا من قصايدك

اعجبتني هذي الابيات

يعيـش لا مسيـر ولا مخيـر يعـيـش=بين الثنيـن يصـارع الوضـع منـداش
ينـزل مثـل نـو السحـاب الرشاريـش=والنـاس تفكيـر البشـر : بـس تعتـاش
لو قلت للصاحي علـى المخطـي تشيـش=قلت أنت مخطي , تربط الجـرح بالشـاش
ولو قلت للمخطي : على الطـرق تفتيـش=والدار محكومه , من الطاش لـالطـاش !
يومي براس الكـذب والخبـث والطيـش=كنـه مكلـبـش للثـلاثـة بكلـبـاش ,
نـاسٍ علـى كـف المنايـا مقـاريـش=تاطا علـى شـوكٍ ماينقـش بمنقـاش ..
تكفخ جناحك للسمـاء يـا أشقـر الريـش=وتعود بك صلف الهبايـب علـى مـاش
دنيـاً فقيدتهـا ( مناعـيـر ) للطـيـش=قفل اسموعك وأستمع ( طاش ما طاش ) !!