[نهر الأحزان]

نحمد اللي بيّن الحقد الدفين الغابي=واعتق اقنعة الوجيه اللي تقاربناها
اول المكروه سلبي واخرته ايجابي=خير الارض القبله وخير الدروس اقساها
يوم وصلت للحمى ماارخص من العنابي=من يعيش بدون مذهب عيشته ينعاها
جدي اعرابي وانا اعرابي وابوي اعرابي=واكبر مصيبه على الاعراب قرب حماها
كثرو فيك الحكي يالمسلك الوهابي=كل مازمزم شربنا شربةٍ من ماها
يزعمون انك تصدر كل يوم ارهابي=الله يكرم مشايخنا وطيب لحاها
لدوا اهل الموبقات السبع وسط كتابي=واطلبوا من بيناته كلمتين انساها
ساقو اصحابي هناك وشككو بااحبابي=واوصو بتقطيع جسم امٍ توارثناها
وانكروا في بنت عمي حفظها جلبابي=يحسبون المحصنات تهيم في دنياها
وطار في عجتهم الوجه الكريه الهابي=مايغث من الدبش عزالله الا ارداها
والبنوك اربابها وسط البنوك ترابي=والعروش اكثر قضيه ماخذه مجراها
والخرايط تصغر اكثر مثل صغر ثيابي=أيه.. ماكن الفجوج الجرد مترناها
ياوجودي كل ماصليت في محرابي=وافتكرت امة حميد وحلمها واقصاها
وجد عودٍ مرّ بالشارع وهو متصابي=ولا درى الا والعماير معطيته اعلاها
ان نجى قالوا عليه الظالمين ارهابي=وان رحل معلوم حنا اللي تحملناها

شاعر قحطان والاندلس والعرب والاسلام ناصر محمد القحطاني

الموضوع الأصلي: ارهابي ناصر القحطاني | | الكاتب: نهر الأحزان | | المصدر: شبكة بني عبس

[أبونواف]

مشكور على النقل الرائع

[ابوعالي الرشيدي]

الله يعطيك العافيه

على النقل المميز

والله لايحرمنا من جديدك

[ثاري الشنيني]

--------------------------------------------------------------------------------

الله يعطيك العافيه

على النقل المميز

والله لايحرمنا من جديدك

[شاعر الجن]

شكرا لك يانهر الاحزان على النقل المميز للقصايد المميزه
انا اول شي احسبن ناصر ارهابي لاكن والله ياهي جزله وملغومه
الشعر الحقيقي الملغوم بالمعنى

تحياتي

[نهر الأحزان]

ابو نواف شكرا شكرا