[سعد الشقل]

السلام عليكم

محاوره بين مطلق النومسي وتركي الميزاني ومحمد ابن مشيط المري


مطلق النومسي

في خاطري اغني طروقن قديمه
لو الجديده اغنى قديمه نديمه
والراس سالم والنوايا سليمه
واللي تبيه العين تسهر وتلقاه

بين بغض السكوت وبين حب الفضول = تفتح الناس يا تركي ملفاتها
غيب الاجواد عند الله ولاني رسول = لكن الناس تكشفها حركاتها

تركي 2000

يا صاحبي مطلق تهرج وعجل
ترى العلوم الطيبه ما تؤجل
خل المسجل طال عمرك يسجل
والصبر زين وكل مطرود ملحوق

هيه ياصاحبي وقف هنا وش تقول = كان عندك قضايا هاتها هاتها
كل خافي يبين وكل صعب محلول = عن قلوب البشر تخبرك نياتها

مطلق النومسي



تكفون يا جمهور تكفون تفكون
خلو ولد ميزان بالطيب مديون
مليون تركي عن ثلاثين مليون
هذا الصحيح وقولو اللي تقولون

فيه هرجه قلوب وفيه هرجه عقول =سوت الناس وانت تسوي سواتها
لا تجيب الكحل لعيون صفرا وحول = مكبر الطايره مصغر كفاراتها

تركي 2000

ياصاحبي ياصاحبي طيب الفال
ما قصدنا جمع الدراهم والاموال
المرجله يطمع بها كل رجال
والصبر زين وكل مطرود ملحوق

ابك انا صاحين عقلي ماني بمهبول = في بداياتها ولا نهاياتها
اقفل الباب يامطلق وشد القفول = صل والناس تخدمها صلواتها

مطلق النومسي

المرجله ماهي على شاطيئ الراح
المرجله جود وفعل شلف ورماح
وحنا معك وارتاح وارتاح وارتاح
هذا الصحيح وقولو اللي تقولون

حرك الخيزرانه في جنوب الذلول = صحتك الارض تحت الارض حياتها

وغير ابن مشيط بعدها


محمد بن مشيط ..


البني ما يعمر على غير تأسيس
وانا اذكر الله واتعوذ من بليس
اما على المليون لمحمد فطيس
والعبد في دبرت ولي العبادي

الحميه بدمي في عروقي تسيل = سيرت جدودي اللي ما انقصر دونها
يا نبيه انتبه والله يذل الذليل = ما يحفظ الامانه غير مامونها

مطلق النومسي


لاني مع المره ولاني مع مطير
وان جابها ابن فطيس خيرن على خير
لكنها لتركي حبيب الجماهير
والعبد في دبرت ولي العبادي

الحميه طبيعه في عروق الاصيل = سلعتن طيبه والناس يشرونها
يانبيه العتيبي لو يشق الصميل = العدود الطويله لا تخلونها

محمد بن مشيط


مادمت لا مع ذا ولا ذاك ياخي
وشفيك ميت وانت في مضهرك حي
يامطير مافي مدحي لعزوتي شي
والعبد في دبرت ولي العبادي

كان مطلق محايد واختلف بالسليل =والقبايل تطالع فيه بعيونها
ما يرد الكريم الا يدين البخيل =ما جهلنا وعز الروس بمتونها

مطلق النومسي

اترك عنك كثر الحكي والهوايل
المره اكبر من فزوع المضايل
افعالهم بالسيف ماهي رسايل
والعبد في دبرت ولي العبادي

جيت عابر سبيل ورحت عابر سبيل =رح بشونك وخل الناس في شونها
يا محمد مدامك تركب اخر مديل =حط رجلك يالين يميل طبلونها

الموضوع الأصلي: مطلق وتركي وابن مشيط ((شاعر المليون)) محاورة | | الكاتب: سعد الشقل | | المصدر: شبكة بني عبس

[راعي الشلفا]

الله يبيض وجهك ياسعد وخلص من الشريط ههههههههههههههههه

[رويبح رباح العويمري]

سعدالشقل شكرالك النقل

[الجحش]

لا تجيب الكحل لعيون صفرا وحول
مكبر الطايـره مصغـر كفاراتهـا

كحل وعيون وطياره ؟
بيض الله وجهك يالشقل

[سعد الفلاح]

مشكووور ياسمي وتسلم ايدك على النقل ولاهنت يلغالي

[سعد الشقل]

راعي الشلفا

لاهنت علىى المرور

ولد ابووه

شاكر لك المرور

الجحش

عاد انت فطحل الشعراء فسرها

سعد الفلاح

لاهنت علىى المرور يالسمي

[عبدالعزيز الخياري]

البني ما يعمر على غير تأسيس =وانا اذكر الله واتعوذ من بليس
اما على المليون لمحمد فطيس=والعبد في دبرت ولي العبادي

محاوره قمه من شعراء رائعين

اختيار موفق

تقبل تحياتي

[سعد بن عادي]

محارواه رائع رائع


مشكور على نقلك ياسمي