[عمر العازمي]

السلام عليكم ورحمة الله وبركاتة

يسعدني التواصل معكم في هذا المنتدى .. اليكم هذه الابيات و اتمنى ان تنال على رضاكم .

.
.

يا هاجس الأشعار بالله قم فيق = ما دام لك بالشعر قدره وطاقه
ابيك تبهر بك جميع المخاليق = وتسوق حرف الشعر فن ولباقه
وثق لي الفكره من البال توثيق = وعطني معاها وردتينٍ بباقه
ولاصرت رايق قلت من دون تعليق = أوظّف الشعر المحنك سياقه
ولاصرت ضايق خلني حزة الضيق = لني ما عاد أعرف ربوع ورفاقه
احشم صديقٍ ما يكب المواثيق = وأسفه صديقٍ ما يحشم الصداقه
شاعر وأحلّق في سما الشعر تحليق = وأطلع بعض الاحيان خارج نطاقه
حتى لفتني طعنتةٍ بالمعاليق = من واحدٍ وثقّ عليّه وثاقه
قال الفراق وقلت والله ما طيق = أفراق من يصعب عليّه فراقه
واقفي وحرّق قلبي اليوم تحريق = ماظن باقي معه عطف وشفاقه
لو ينشكي همي على قمة اطويق = يصبح سهل ما فيه طلعه وعاقه
ويا وجد حالي وجد منّ نشف له ريق = وسط الخلا طايح ومكسور ساقه
وقامت تصافق وسط راسه صوافيق = غريب دار وجاء يدوّر أنياقه
هذا وجودي دون كذبن وتلفيق = وقلبي على المجمول زاد اشتياقه
وغنيت له طاروق غير الطواريق = طاروق صدره أيق والعجز آقه
وان كان صفّق كامل الزين تصفيق = موج البحر عندي يزيد اصطفاقه
لاكنَّ ابصبر واردف الحلم تحقيق = حلمٍ يرد اللي مضى والعلاقه

القصيدة في جريدة النهار / http://www.annaharkw.com/annahar/Article.aspx?id=280208&date=04072011

أخوكم / عمر عيد بن وطين العازمي

الموضوع الأصلي: هاجس الاشعار | | الكاتب: عمر العازمي | | المصدر: شبكة بني عبس

[السيف القاطع]

صح السانك ياعمر قصيده جزله من شاعر مبدع

[بندر الشويلع]

صح لسانك وشكراً ع القصيده جزله
والله يعطيك العافيه......

[عمر العازمي]

السيف القاطع صح بدنك ولاهنت ع الكلام الطيب

[كاتب الرشيدي]

[quote=عمر العازمي;2398030]السلام عليكم ورحمة الله وبركاتة

يسعدني التواصل معكم في هذا المنتدى .. اليكم هذه الابيات و اتمنى ان تنال على رضاكم .

.
.

ولاصرت رايق قلت من دون تعليق = أوظّف الشعر المحنك سياقه
ولاصرت ضايق خلني حزة الضيق = لني ما عاد أعرف ربوع ورفاقه
احشم صديقٍ ما يكب المواثيق = وأسفه صديقٍ ما يحشم الصداقه
شاعر وأحلّق في سما الشعر تحليق = وأطلع بعض الاحيان خارج نطاقه

ابداع منقطع النضير
فعلاً حلقت بسماء الإبداع والشعر

صح لسانك

وتستاهل الختم

[عمر العازمي]

بندر الشويلع ، صح بدنك ولاهنت على المرور الطيب

[عمر العازمي]

كاتب صح بدنك ولاهنت على الكلام الطيب

[كحيلة]

لو ينشكي همي على قمـة اطويـق

يصبح سهل ما فيـه طلعـه وعاقـه ويا وجد حالي وجد منّ نشف له ريق وسط الخلا طايح ومكسـور ساقـه

صح الله لسانك مليوون ع القصيدة الطيبة..راقت لي بالحييل..
لاخلا ولاعدم..