[مساعد الشويلع]

أستاذنـك بسافـر أيـام وأجـيـك

وإن طالت أيـام السفـر لاتحاتـي

حتى ولـو طولـت مانـي مخليـك

ياللي بدونك وش تسـوى حياتـي

تامر علـى حاجة؟؟بودعـك واليـك

عسى عوض الأيام فـي المقبلاتـي

لكن قبـل مـا أروح ودي أوصيـك

وأنت الوحيد اللـي يقـدر وصاتـي

لاحدٍ سالـك وقالـك ويـن مغليـك

قلـه لـوازم لاقضـاهـا بيـاتـي

وإن طروا النسيان مانـي بناسيـك

ياراس مالي في الحيـاة وغناتـي

وإن طروا السلون مانـي بساليـك

طيفك معي حتى وانا فـي صلاتـي

وقلبي وهو قلبـي إذا مـر طاريـك

لولا ضلوعي كـان عـزوا مماتـي

لو جض صدري كان يمديـه ياتيـك

ويبـات عنـدك ويهنـأ بالمباتـي

أنـا وقلبـي والغـلا ساكـنٍ فيـك

وأنته وقلبك والغـلا وسـط ذاتـي

غلاك مثل الحكـم عنـد المماليـك

أكبر طموحـي... لا كـل أمنياتـي

شف في غيابي أي حاجـة تسليـك

لاني بعـدك أسلـى مـع ذكرياتـي

أحـاول أذكـر أي شـئ يطـريـك

واقول هوه سوى وأنا ذي سواتـي

كني مـوادع كـل شـئ حواليـك

وكني حسبت حساب حـزة وفاتـي

أحب لاني ماقـدر أنسـاك وابيـك

ولا أقـدر اخليـك ياللـي تحاتـي

معنى أحب.. وما اقدر أنسى..وأخليك

يعني بدونك ويش تسوى حياتـي!!

__________________

[المذراع]

[size="6"صح لسانك[/size]

[بندر الشويلع]

صح لسان شاعرها وتسلم يمين ناقلها
وختيار موفق
وشكراً ع النقل المميز ولاهنتـ......

[بنت السلاطين]

صح السان الناقل والمنقوول

[سيوف بني عبس]

غلاك مثل الحكـم عنـد المماليـك

أكبر طموحـي... لا كـل أمنياتـي

شف في غيابي أي حاجـة تسليـك

لاني بعـدك أسلـى مـع ذكرياتـي





صح لسان شاعرهاا
وتسلم يمنك ع نقل

[عايد2001]

صح لسان شاعرهاا
وتسلم يمنك ع نقل

[كحيلة]

أنـا وقلبـي والغـلا ساكـنٍ فيـك

وأنته وقلبك والغـلا وسـط ذاتـي

غلاك مثل الحكـم عنـد المماليـك

أكبر طموحـي... لا كـل أمنياتـي


الله..الله..الله
صح الله لسان الشاعر حمدان المري..وتسلم يمينك اخوي مساعد على نقل القصيده الطيبة الي رااااقت لي بالحيييييييييل..
لاخلا ولاعدم..