[شاعر الثقلين]

اقتباس من مشاركة الكابتن انت الذهب كله ولكن لاسوال ولا جواب=بس الفقر بين مدام علومكم صارت كذيه عزالله اني ماضميت واردن عد الشراب=واكثر عبادلله ينسى اسمه ليا لديت فيه

قوافل ابنا عبس سارت ماتلفت للكلاب = اللي على سكاتها نبح القوافل تشتهيه
ارفع نظرك الجيش زرفل لاتصيح للركاب = من قال علمه لاحتمى الميقاف واجب يحتميه

[الكابتن]

اقتباس من مشاركة شاعر الثقلين قوافل ابنا عبس سارت ماتلفت للكلاب = اللي على سكاتها نبح القوافل تشتهيه ارفع نظرك الجيش زرفل لاتصيح للركاب = من قال علمه لاحتمى الميقاف واجب يحتميه

بار القوافل ياطويل العمر عداك الصواب = وان كان ما نادك احد روح بدربك لاتجيه

خلك وسيع الصدر ماودي تضيق ابك الرحاب = الدرب توه باوله والليله مامثله شبيه

[شاعر الثقلين]

اقتباس من مشاركة الكابتن بار القوافل ياطويل العمر عداك الصواب = وان كان ما نادك احد روح بدربك لاتجيه خلك وسيع الصدر ماودي تضيق ابك الرحاب = الدرب توه باوله والليله مامثله شبيه

لاوالله الا قمت تطحن بين ضرس وبين ناب = الغالي تجنب عنه والا الرخيــــّـــص تشتريه
لو الك قدره مامرقت الياعوت سحم الذياب = قامت تحدك عن طريقن كنت بدري منتويه

[الكابتن]

اقتباس من مشاركة شاعر الثقلين لاوالله الا قمت تطحن بين ضرس وبين ناب = الغالي تجنب عنه والا الرخيــــّـــص تشتريه لو الك قدره مامرقت الياعوت سحم الذياب = قامت تحدك عن طريقن كنت بدري منتويه

اليا دخلك الشك عقلك صار في حجم الذباب = لا يلحقك فالامر شك الوضع يالصاحب بديه
من خلقت الدنيا وساس الحسد يوجد بالغراب = وانت تعرف ياصاحبي بان الحسد شيٍ بذيه

[أنكسارحلم]

والله مدري متى هذه المحاوره لكن عزالله ابداع رائع
صحت السنتكم جميا

[شاعر الثقلين]

اقتباس من مشاركة الكابتن اليا دخلك الشك عقلك صار في حجم الذباب = لا يلحقك فالامر شك الوضع يالصاحب بديه من خلقت الدنيا وساس الحسد يوجد بالغراب = وانت تعرف ياصاحبي بان الحسد شيٍ بذيه

أهوى على هامتك سيف الهند مصقول النصاب = اللي يقص العظم والموت الحمر مكتوب فيه
مايملي عيون الحسد لابحلقت غير التراب = والظاهر ان اللي على بالي جنابك يحتريه

[برق الوسم]

اقتباس من مشاركة الكابتن اليا دخلك الشك عقلك صار في حجم الذباب = لا يلحقك فالامر شك الوضع يالصاحب بديه من خلقت الدنيا وساس الحسد يوجد بالغراب = وانت تعرف ياصاحبي بان الحسد شيٍ بذيه

مبدع داااااااااااائماً

يااااااااااااالكااااااااابتن عاااااااااااش

[حــزام]

أهوى على هامتك سيف الهند مصقول النصاب

اللي يقص العظم والموت الحمر مكتوب فيـه

مايملي عيون الحسد لابحلقت غيـر التـراب

والظاهر ان اللي على بالي جنابـك يحتريـه

بيض الله وجيهكم ياشواعير وصح لسانكم عالطاروق
واعجبني بيتك الاخير ياشاعر الثقلين
ولاخلا ولاعدم