[الاكاديمي]

روائع الشاعر المبدع عبدالله باتل الرشيدي
( البحر الميت )

[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
لاوهني النـاس=
لاوهني النـاس تدلـه مـع النـاس= وانا عجزت القى مع النـاس ناسـي
انـا هواجيسـي ليـادك الادمــاس= علـيً دكـن مـع دكـاك الدماسـي
ما مر يـوم الا وبالقلـب هوجـاس =والله مادري كيف ما شـاب راسـي
باسباب محبوب(ن) من البيض حساس= اسماشفت مثله فـي جميـع الجناسـي
خل(ن) بني حبه بقلبي علـى سـا س =ورسى كما ترسـي جبـال رواسـي
اسمه بقلبـي كاتبـه بيـن الاقـواس=ا ربع حروف(ن) حطم(ن) قلب قاسي
ابو عيون(ن) كنها عيـون قرنـاس= شاف ابرق الجنحان بيـن الهراسـي
لو مادرس بالمدرسه عدم الاجنـاس= زينـه وعقلـه مستـواه الـدراسـي
غبت بحر من طب في وسطها انحاس= اوصاب عقله مـن هـواه انتكاسـي
حبه تحول تالـي الوقـت وسـواس= لمدرك(ن) وصله ولانـي بناسـي
لو اقدر اصبر واقنع النفـس لابـاس=ل كن عجز عن مقصد النفـس باسـي
دخلت مستشفى الروابـع والاخمـاس= وكتبتله في قلبـي اسـم(ن) خماسـي
واخذت انا ويـاه مـده بـلا ونـاس =و قبـل حلـول اهمومهـا والمآسـي
واندارت ايام السعـاده بـلا تعـاس =وكل(ن) شرب من مر فرقاه كاسـي
هو يحسبني طعـت عـاذل وبـلاس= وان زماني صـار فيـه انعكاسـي
ومن بعد هذا حال من بيننـا اليـاس =ولازال حبه هـو بـلاي الاساسـي
البارحـه ليلـي=
البارحـه ليلـي همـوم وكوابيـس= وابعد من الجـوزاء علـي الوناسـه
ماغير انا والليـل والثالـث ابليـس= كلن علـى الثانـي يبيلـه رياسـه
مدري ظروف او حب ولا هواجيس =والا الثلاثـه كلهـن فـوق راسـه
اون عقلي صايـرن فيـه تنكيـس= وللعقل في بعض الامـور انتكاسـه
يا لايمي لاتلومنـي قبـل ماتقيـس= والـلـوم للمـيـس يزوّدبيـاسـه
والشمت طبـع للرجـال الهلابيـس =اهـل الهـدف والنمنمـه والبلاسـه
وانا معي عقل ومشاعر واحاسيـس =وعيون واخـلاق وقلـب وشراسـه
لكن حصلي من زمانـي عواكيـس =وعجزت هذا الوقت لا اعرف لناسه
هـذا يموهـا بـهـرج تمالـيـس =وهـذا يتجاهلهـا عنـاد وخساسـه
وهذا يغـرك مظهـره بالملابيـس =وهذاك يلبس لبـس ماهـو لباسـه
وهذا تذعذع لـه هبـوب النسانيـس= وهـذا تقـل امغمغملـه بطـاسـه
واليا حصلك من زمانـك كعاميـس =اصبر وللصبـر الجميـل انعكاسـه
تدرسك دنياك مـن غيـر تدريـس=م اهو لـزوم انـك تـدرس دراسـه
وللناس بالدنيـا حظـوظ وقواميـس =اللي غرف بـدرام واللـي بكاسـه
وناسً تهجس في غثى الوقت تهجيس =ونـاسً تسايسهـا وتاتـي سياسـه
وناس تبي عرشً مثل عرش بلقيـس =وناسً تبي لو يـوم فرقـا التعاسـه
وترى الردى لو فيك سوى نواميـس=ي نقد علـى نفسـه ويرجـع لساسـه
والتيس مثل العنز كان انخصى التيس =والتيس ماهو تيـس لـولا التياسـه
قنعت واقنعنـي كتـاب الوساويـس= لكن عقب ما صرف شيك الفلاسـه
أنـا مـع المطنوخ=
أنـا مـع المطنوخ رجال مطنوخ=يـشـتاقلي وشـتـاق له وعـناله
يـقطف لي الرمان والتين والخوخ=ولايـعتبرها شـي لـوهي جماله
مـافيه كـبر ولاتصـنع ولانفوخ=ولا يـجـيبه طـيب ولا رجـاله
خطه معك واضح مثل خط صلبوخ=ولـيـا عـرفته مـاتدور بـداله
وأشوف لى ناس غدت كنها شيوخ=وهـى مـن العربان روس الحثاله
نـاس حـسوديه وخدرين ودلوخ=تـكرم تـقول أوجـيها من زباله
وبعض العرب لاشافنى كنه يدوخ=قـام يـتثاوب ويـتلمس عـقاله
ولاتـقول انـه على الوجه ملموخ=مـدرى خـساسه قـلب ولا جهاله
خـنزير لايركب ولاهو بمصلوخ=مـحـرما لـحـمه كـريه قـتاله
ولحم الغنم ماكول مشوى ومطبوخ=ولـحم الـسباع مـحرما بالرسالة

سـرى بـليل=
سـرى بـليل بـروق وانـغام وانجوم=وزرى عـلى الـلي المـهتني فـي منامه
جـحافلا غـربه مـن الـمزن مـردوم=وشـرقـه جـزر مـزناً تـبدد ركـامه
سـاعه بـفخت وسـاعه اخـرى بعلجوم=يـقـمر ويـدجـر عـجـيباً نـظـامه
بـأرضٍ غـطوشٍ سـملقٍ ما بها حزوم=جـيـبوب سـبـروتن مـنيعنا ثـمامه
فـاهـم ومـتـفاهم ويـفـهم ومـفهوم=وأن كـنت مـنهم فـانت عـندك فهامه
راودنـي الاحـساس بـسلوب مـظلوم=تـوسـلـتني عـاطـفـه بـانـسجامه
قـامـن يـحـدني عـلى سـر مـكتوم=أبـطى وصـار ابـداع عـقب انكتامه
ولـي الـفخر فـيهن ولانـي بـموهوم=ركـبن ركـوب عـقال فـوق الـعمامه
سـبحان رب الـعرش حـاكم ومـحكوم=الـلـي نـهاره يـسلخه مـن ظـلامه
ربـاً عـليه الـرزق لـلصقر والـبوم=مـا راح رزق غـراب يـم الحمامه ..؟
يـا شـاتم اشـتم مـا درى عنك مشتوم=مــا يـجـني الـشتام غـير الـندامه
مـا جـاك يـشكيلك مـن الظيم مظيوم=لـو جـاك يـمكن مـا تـحقق مـرامه
بـعض الـكلام الـلي تـحليه مـسموم=ودايـم يـغسل الـمخ ( سحر النمامه )
وكـلش يـروح ويـنسى بـعد كـم يوم=وكـلش يـسامح غـير ( مس الكرامه )
والـلي جـرى شـيء مـقدر ومـقسوم=وعـلـى الـمقدر مـا تـفيد الـملامه
ولا قــول لا ظـالم ولانـي بـمظلوم=وكــل يـبي الله يـسأله عـن كـلامه
ويـحـاسـبه ربــاً قــويٍ وقـيـوم=وتـوخذ مـنه حـسنات يـوم الـقيامه
مـقـطع مـوسيقي لأغـنية أم كـلثوم=يـسـوى رديـاً يـبلشك فـي خـصامه
ومـثلي مـعه لآمـثاله اقـفاي وقـدوم=وبـعض الـسوالف مـا تـثير اهتمامه
أبـن الـردي لـو قلت ما يصير زيزوم=ومـا فـيه امـل يـمكن تـطير نعامه
مـالـك سـوى تـنساه وتـبعد الـحوم=والـمـحترم حــقٍ عـليك احـترامه
قـليل شـكله واغـلب الـظن مـعدوم=ومـن الـحياء يـطلع ويـرجع شـمامه
هـادي طـبع مـا فـيه خـفه ولا زوم=فــي كـلـمته وبـنـظرته وأبـتسامه
مــن نـاس تـحكمها تـقاليد واسـلوم=عـبـقـاً ولـبـقاً (......) غـرامـه
عـني بـعيد وفـيه ما اشري ولا اسوم=وابـعد مـن سـكاكا عـن اقصى تهامه
مـثل الـرضيع اللي من الصغر مفطوم=فـطـم وهــو يـأحول مـاتم عـامه
عـليه اهـوجس تـالي الـليل واهـوم=افـراقـه اثــر فـي والـقلب ضـامه
حـبه شـغفني شـغف جـارح لـعيسوم=ســاوى الـدروب الـعوج بـالاستقامه
مـن نـظرته تـاقف بي الارض وتحوم=مـن جـرف تـفكيري يـروح لـعدامه
ان انـتصر مـنصور وان هـزم مهزوم=لازم تـقـول الـنـاس هــذا عـلامه
مـا خـلو الـلي بـالخلا نـايمن نـوم=مــن نـومه اقـعد خـير والا مـلامه
ولانـي بـمدح وذمـة الـناس مـلزوم=ابـغي الـسلامه كـان حـصلت سلامه
وان صـرت لاعـاقل ولامـخرم اخشوم=شـخـصيتك ايـصير فـيها انـفصامه
ولـو قـلت هـذا الشرق لانسان منجوم=يـصير عـنده غـرب وقـت انـجامه
ولاصـار حـقك عـند غـالي ومهظوم=عـلـيك تـصـعب فـكـرة الانـتقامه
وطـير الـحباري يـزعجه نوب جرثوم=يـصـير فـي نـفسه يـدور ألـتهامه
دنـيا تـناقض تـمزج افـراح بـهموم=يـومـا تـعـجعجبه ويــوم غـمامه
هـذا مـن الـنعمه تـقل صـايبه زوم=وهــذاك مـسـكيناً يـقـم الـقـمامه
ومـتحيرا بـامر صـار واضح ومحتوم=تـحـير بـامرا مـنفلت مـن ازمـامه
وبـالـناس مـتـعلم ومـحتاج تـعلوم=وبـالناس جـاهل يـنمرض من طعامه
ومـهما وصـلت بحال في حال محكوم=لـو انـت فـي دنـياك راعـي فخامه
وجـنـاح لـبعوضه ولـلفيل خـرطوم=وش فـايـدتك بـعرف زرقـا الـيمامه
حـاول تـصير بـساعة الـعسر زيزوم=ولـيـا حـزمة الـشيء جـود حـزامه
وحـذرك وصـبرك لازمـه دايم الدوم=تـسـلم مــن الـتـسليم والاسـتلامه
ولاتـصير لا مـكابر ولا تصير حيموم=فــي رغـبتك بـالشيء والآ الـتزامه
وش جـاب ريـح الـمسك ياناس للثوم=والـمـعرفه وش جـابـها لـلـغشامه
والـعـمر لـو طـالت لـياليه مـيدوم=لابــد مــا يـفنى وتـفنى عـظامه
ما خلدت ( كسرى ) ولا قيصر ( الروم )=ومـلـوك عـاشوها بـوقت الـزعامه
عـاشوا حـقيقه وأنـتهت كـنها احلوم=وافـنـت بـعـدهم نـاطحين الـجهامه
والله يـبـدل عــج الايــام بـغيوم=تـمطر عـقب مـاهي عـجاج وعسامه
وجـذبني الابـداع مـصحوب بـهموم=وجـانـي عـزا الابـداع بـالانهزامه
ضـمير غـايب عـنده اخـبار واعلوم=ومـن الـتجارب صـار عـنده ألـمامه
مـا هـمه الـحرمان لـو عاش محروم=الآ لـيـا نـاظـر رشـيـق الـقوامه
ابـو عـيونٍ ٍ سـود والـخصر مهظوم=حـلو تـحت خـده مـن يـسار شـامه
هــواه مـشـقيني ولا لـحـقني لـوم=ولازال قـلـبـي عـهـده بـأسـتلامه
غـضاً عـن الـهفوات مـكرم ومحشوم=يـمشي وهـو واثـق ومـرفوع هـامه
لا تـقـعد الـنـمات عـنده ولا تـقوم=عـن قـيل والآ قـال صـك الـلجامه
وبـالشده الاصـحاب تـعرف من القوم=كـلٍ بـوقت الـضيق يـعرف حـزامه
له في خيالي=
له في خيالي طيف والآت تصوير=وقناة أكبـر مـن قنـاة الجزيـرة
خلٍ بلتنـي فـي هـواه المقاديـر=وفيه ابتليت بحـب بلـوى كبيـرة
وتزيدني ذكـراة وجـد وتفاكيـر=وتصيبني مـن وقعهـا قشعريـرة
ودي ليامنـي تذكـرتـة أطـيـر=وأخذجناح الطيـر والا أستعيـرة
الوجة روعه والعيـون المخاديـر=كـن بدواخلهـن بحـورٍ غزيـرة
ماينوصف زينة بشعـر وتعابيـر=أعوذ فـي رب الفلـق واستشيـرة
عنه أعذلوني ناس ماهـم مناعيـر=ماعندهم بالحـب عقـل وبصيـرة
قالوا لي أنسة قلت مايصير مايصير=وفرقاة خيرقلـت ماهـي بخيـرة
فرقـاة والله مـن كبارالمخاسيـر=فـي ليلـةٍ والله ماهـي نـويـرة
ودورت لي عن نار حبة معابيـر=ومن نار حبة طحت في زمهريـرة
بعـض الـعـرب=
بعـض الـعـرب ماينعـطـى وجــه بالحـيـل=وإلـيـا عطيـتـه وجــه صــار آلـــك عـلــه
وبعـض العـرب مالـه سـنـع لـكـن حلـيـل=بـالـضـبــط كــأنـــك لا تـمـعـنــت ظـــلـــه
وبعض العرب شقراء وشقراء مع الخيل=مايـنـفـعـك لــــولا الــرمـــوش الـمـظـلــه
وبعـض العـرب لا يعجـبـك ثـرثـرت لـيـل=وبــاكـــر تــــــرى مــاقــالــك شــــــي لله
وبعـض العـرب مرسـال مـدري مريسيـل=يـسـايــر الـعـالــم وهــــو حــاصــل لــــه
وبعض العرب يصلـخ وينفـخ وهـو ريـل=وفــي زعـمـه انــه يـفـهـم الـكــون كـلــه
وبعـض الـعـرب ماغـيـر بـنـدق ودربـيـل=ومـنــيــن مــاهـــب الــهـــواء جـايــزلــه
وبعض العـرب يطلـع كمـا طلعـت سهيـل=ويـغـيــب نـجـمــه قــبــل دربــــه تــدلـــه
وبـعـض الـعـرب يـذيـك بالـقـال والـقـيـل=تجـلـس مـعـه سـاعـه والأخـــرى تـمـلـه
نـذل وخسـيـس يفـصـل الـهـرج تفصـيـل=وإلـــيـــا لــقــالــه طـــيـــب" يـسـتـغــلــه
وبعـض العـرب منظـر وكشخـه وتحلـيـل=شـبــح بـحــال وحـــال" أخـــرى كــرلــه
لاشـفـت زولــه مـــن خـيــار الرجـاجـيـل=وإلــيـــا عــرفــتــه مـاتـجــيــه بـمـحــلــه
وبعـض العـرب ماضيـه ليـل" علـى ليـل=قـــــد بـصــمــوه وصــــــوروه الادلــــــه
وبــعــض الــعــرب لا والله الا تـهــاويــل=مـهـمــا عــقـــدت الـحــبــل لازم يـحــلــه
قـــــد دربـــــوه ولـكــعــوه الـرجـاجــيــل=مــن قـبـل لا يـصـيـر الـحــدث جـاهـزلـه
وكانـك شـجـاع" روح حــارب أسرائـيـل=قــبــل الـيــهــود الــقـــدس لا تـسـتـحـلـه
وكـلــش يـهــون الا الــثــلاث الـغـرابـيـل=الـمــهــزلــه والـمـســكــنــه والــمـــذلـــه
مابينا شكة=
مابينا شكة ولا بيننا خلاف=مابينا شكات ولا iاختلافي
وعين(ن) فراشلك وعين(ن) لك لحاف=وعين(ن) فراشلك وعين(ن) iiلحافي
ماطاف طاف وصعب ترجيع ماiطاف=ولاهي معك هذي نهاية مطافي
حنا على وضحى النقي مالنا اهداف=على المروه بينا والتصافي
ولاخايف(ن) مني وانا منك ما اخاف=ومافيه داعي من بعضنا نخافي
وخل الجواب القاصر المعرفه حاف=ولاتقرب الرمضا لاصرت حافي
وحاول تشد شوي لاتصير معطاف=يدخلك سحر العطف والانعطافي
وارسم خططها لاتخطف اتخطاف=ماتنولها بالخطف والاختطافي
افطن ترى بعض(ن) من الرزق ينعاف=من واحد(ن) يمرضك وانت متعافي
وبعض العرب هماز لماز حلاف=ولاهو شريف ولابنفسه عفافي
وبعض العرب طيب وهو نوب شطاف=وتقول يصفي مير ماهو بصافي
وبعض العرب يخدعك بالهرج بلاف=يخذ منك قصده وهو مايكافي
وبعض العرب لازم تدفه بدفاف=او معك يبرد بعد ماهوiبدافي
ولاتطيح في ورطه ولايجيبكiاكتاف=الا غرور (ن)منك والا iانجرافي
وشي يلف وشي ماله اتلفلاف=(ليفلصت ميفيد فيها الفافي)
ولاتقرب اللي في ردى القول مزهاف=ومع السنافيين خلك سنافي
وخلك لصراف السواليف صراف=وان طال صرفه صرفه بنصرافي
ولاتنخدع بمنيف ولا بنواف=ولاتخدعك ضحكات ملفي iولافي
وانا معي شعري يجي طوع وكتاف=وعلي ترجع شاردات القوافي
بيوت الشعر تأتيني اضعاف(ن) اضعاف=وبيني وبين الشعر مابه اخلافي
اصوغها صوغ الذهب عند صراف= ومن مدرسة مرشد وصقر iالنصافي
ارجوك بعض المشاعـر=
ارجوك بعض المشاعـر لاتهزهزهـا= ترى المشاعـر تألـم عنـد راعيهـا

وترى النفوس العزاز الهـا حواجزهـا= وحواجزالنفس ستر(ن)من خوافيها

لا تقول لك كلمة (ن) تحسبك تحرزهـا= وتطيح لاقمـت منهـا منـت قاويهـا

وان قلت لك كلمة (ن) حاول تركزهـا=ولا ترى الصمت خير(ن)من حكاويها

ودعواك لاصـار مـا تقـدر تنجزهـا=ازبن على واحد (ن) ساعـه وينهيهـا

ولا تجود علـى صبـر (ن)يعجزهـا=وتجيك في وسـط بيتـك مـا تناديهـا

وكم واحد(ن) حاجتها بالصدر يكنزهـا=من قـل مـن يستمعلـه يـوم يبديهـا

يخشى مـن اللـي يهمزهـا يلمزهـا=يضحك بعض ناس لاكن ناس يبكيهـا

وشكواك لابن الردي حذر(ن) تعنزهـا=يفضحك وتروح فيهـا وانـت كاميهـا

وعليـك تكبـر ولا تقـدر تميـزهـا=وتضيع في طوشة(ن) تبلـش بتاليهـا

والسالفـه يقـدر الـواحـد يلفـزهـا=ويقدر على ناس مـن شكلـه يمشيهـا

ولاتشغلك حرمة(ن) منـت متجوزهـا=تطرد وراهـا وغيـرك يهتنـي فيهـا

ولا يفرحك شوف الارنب لـو تنقزهـا=مـادام مـا شفتهـا بالنـار شاويـهـا

ولاتحسب (ن) الذهب باي يد(ن)يزها=ترى الذهب مـا يغيـر لـون اياديهـا

والنفس حاول بحـد اقصـى تعززهـا=نفس(ن) بلا عزهـا مانـي مداريهـا

والنـاس لاتقـوم بعيونـك تخززهـا=احمد على العافيـه واسلـك مماشيهـا

ومن طاوع النفـس تشقيـه بغرايزهـا=ومن طاوع العقل يسلـم مـن بلاويهـا

والمرجلـه ماتحـب اللـي يهاوزهـا=تبي لهـا واحـد(ن) دايـم يحاضيهـا

واللي عيونـه مـع الظلمـا يغمزهـا=ماحد(ن) درى عن عيونه لـو يعنيهـا

ونفيستـك وانـت فانـي لاتغزغزهـا=المقبـره بأنتظـارك وانـت ناسيـهـا
والنـاس دورات قادرهـا بعاجـزهـا= ماخلـق جنـه ونـار وزعـوا فيهـا

وناس(ن) مع الله وناس ابليس ناغزهـا=سبحان من ظل نـاس وناس هاديها

وناس(ن) تعلـت وعلتهـا مراكزهـا=وناس(ن) تبي الطيب ميرالطيب فاحيها
وناس(ن) تحفز ومعروف(ن) تحفزهـا=وناس(ن) تبي من يشيمهـا ويعطيهـا
وناس(ن) تلعوز وتسلم مـن تلعوزهـا=وناس(ن) مع اللعـوزه تبطـي لياليهـا

وناس(ن) تبي نبز ناس وناس تنبزهـا=نابـز ومنبـوز ليـن المـوت يفنيهـا

وناس(ن)عجز رزقها يكمل عوايزهـا=لاهـي فقـارا وهـي مالله مغنيـهـا

حتى العجايز تبي نـاس(ن) تهمزهـا=العافيـه والظـنـا مـاهـو مكفيـهـا

وان قمت اعانـد تفاكيـري وابارزهـا=صارت حجاوي وانا مانـي محجيهـا
سـر يـا قلـم =
سـر يـا قلـم مالـي علـى الصبـر طـاقـه=صبـرا تـعـدى الـحـد مــا عــاد ينـطـاق
اكــتــب لـمـثـلـي قـصـتــه وأشـتـيـاقــه=في خطك الواضح على بيض الاوراق
قصـة حـزيـن(ن) صـافـي الـمـر ذاقــه=وليا ذكر مـا صـار لـه خاطـره ضـاق
بـاقـوبـه الاصـحــاب و الـوقــت بـاقــه=أصـبـح ضحـيـه بـيــن بـايــق وبـــواق
يمشي وهـو مـا حـس فـي كسـر ساقـه=أمسى على ساقين و أصبح على سـاق
وهاذي سوات الوقـت شيـن اصطفاقـه=الــوقــت لــــو يصـفـيـلـك أيــــام دراق
أن شــان قـطــع مـعــك كـــل الـعـلاقـه=وأن زان خـلا لـك مـع الـنـاس عـشـاق
ومـن شـان مـعـه الـوقـت قـلـوا رفـاقـه = وراحــت حيـاتـه كلـهـا هـــم و أقـــلاق
والله خــلــق خــلـــق يــحـــب الـلـبـاقــه = كمـا خلـق لـه خلـق مـا عندهـا أخــلاق
أحـــدٍ يـعـيـش بـخـيـر وأحــــد بـنـفـاقـه =و أحـــدٍ يـعـيـق أيـــام و أيــــام يـنـعــاق
وأحــدٍ مـعـه حكـمـه وصـبـر ورواقــه = سـبـحــان مـنـهــو للمـخـالـيـق خــــلاق
لـكــن يـامــن مـعــك عـقــل و وثــاقــه= أبنـصـحـك كـانــك لـلأمـثـال تـشـتــاق
لآ تـنـخـدع بــأهــل الـعـلــوم الـرقـاقــه =الــلــي سـوالـفـهــم تــوهـــق تــوهـــاق
صـــادق رجـــالٍ يـعـرفـون الـصـداقـه =يقفـون صـفـك يــوم يبـسـات الاريــاق
مـن رغـب فـي فرقـاك فأرغـب فراقـه=جـاز ..الــذي يجـزيـك بـفـراق بـفـراق
وتـعـلــم الـتـعـشـيـق قــبـــل الـســواقــه = لآ تحـسـب أنــك بالدرقـسـون ســـواق
ورزقـك يجيـك بـدون تحضـر بطـاقـه = عــنــد الله الـمـعـبـود تـقـسـيـم الارزاق
يقـولـهـا الـلــي جـايــر الـوقــت عـاقــه = ولازال فـــي غيـبـوبـة الــهــم مــافــاق
مـــــن أنـعــزاقــه بـــــادي بـأنـعـزاقــه =واللـي يـوده صــار شـوفـه بالأشـفـاق
و لاقــال هــذا الـقـول قـصــده طـفـاقـه = مـا قـال هـذا غيـر مـن نــار الأشــواق

ويـن الـعـزا =
ويـن الـعـزا يـوجـد عـلـى يــأس فـرقـاك=يـوم(ن)يـأســك قــــام يـغـلــب رجــاكــاا
وهـبـت ريـــاحً عـجـهـا دمـــدم خـطــاك=ليـن إنمحـت بـرضـي مـواطـي خطـاكـاا
وتـعـســرت شـوفـتــك مــانــي بــويــاك=عــســر هــنــا شــوفــك وعسـرهـنـاكـاا
وعــزالله إنــي بالـتـلاقـي مـعــك شـــاك=ونجـمـي بـــدأ ضـــوه يـغــور بسـمـاكـاا
أنـسـاك لامـاانـسـاك مـنـسـاك مـنـسـاك=الله يـنـســى مــــن عــرفـــك ونـســاكــاا
بـلـيـتـنـي فــــــي حـــبـــك الله يـــبـــلاك=مــن شـــأن نـصـبـح بالمـحـبـة شـراكــاا
ومنـك أنـت ماجانـي منـك غيـر ماجـاك=لـكــن خـديــن الـنــذل جــانــي وجــاكــاا
والموقف اللي غيبـة الشمـس ماارضـاك=وأبــكــاك وأحـرقـنــي ونــبــة هــذاكـــاا
فـرقـتـنـا مـــــن غــيـــر قـصـدسـوايــاك=والـعــيــد جـبــتــه فــيــنــا الله هـــداكـــاا
وأقفيـت مـن عـنـدك وأنــا كـنـي إمـعـاك=وكــل سـحـب نفـسـة بصـمـت ونـواكــاا
وعـلـي تخـطـي لـكــن أدمـــح خـطـايـاك=وتزعـل وترضـى مـن خــلاك بخـلاكـاا
وأنا أبخصك وأبخص خوافيك وأقصاك=وهـــذا الكـفـيـل الــلــي تـكـفــل غــلاكــاا
وبـعـدي عـنـك يـازيـن أدركـنــي إدراك=ولـقـيـت عـذروجـيــت لـجـلــك نــراكــاا
جيت بذكـاء مااذكـاك مااذكـاك مااذكـاك=يـالـلــي عـلــيــك الاذكــيـــاء مـاتــذاكــاا
مااجمـلـك يالغـالـي بعـيـنـي ومـأاحــلاك=أنــت الـغــلا وأنـــت الـحــلا والـمـلاكـاا
غـيـر الجـمـال الـلــي ذبـحـنـي وغـــواك=عـفـيــفــةٍ نــفــســك وحـــلـــوٍ نــبــاكـــاا
ودنــيــاي شـالـتـنـي وشـالـتــك دنــيــاك=عـقــب الـسـوالـف والــدلــع والـمـراكــاا
ولاهـــي بعـيـنـي شـــئ دنـيــاً بــلايــاك=الله يـلـعــنــهــا ويــســـعـــد مـــســـاكـــاا
ومـسـمــوم حــبــك ياحـبـيـبـي وفــتـــاك=وكـــل الـمـشـاعـر دب فـيـهــن هــواكــاا
مــع القـمـر والـريـح وأســوار وأفـــلاك=أنــــا وهــــن قـمـنــا نــــدور بـرجــاكــاا
وفـي كـل حيـن يمـرنـي طـيـف ذكــراك=وأجـنـح مـعـه عـبــر الـخـيـال ومـعـاكـاا
ولايـصـورك طـيـفـك عـلــى ماتـمـنـاك=وفـي طيفـك أشيـاء ماحيـه مــن بطـاكـاا
تـلـوح لــي صـورتـك بالـطـيـف مـنــاك=وعــنــي تــلــوذ بـســرعــةٍ وارتـبــاكــاا
ويكـفـخ علـيـك القـلـب والنـفـس تـبـغـاك=ونفـسـي وأنــا والقـلـب قـيــك إنشـكـاكـاا
وتـشـتـاق ياالـغـالـي عـيـونـي لـرؤيــاك=ولـــو ماعلـيـهـا أمـــون يـمـكـن تـبـاكــاا
مـالـك عــوض عـنـدي ولامـنـك فـكـاك=مـايـفـكـنـي مــــــن حـــبـــك الالــقــاكــاا
والكبـد مـايـروي ضمـاهـا ســوى مــاك=ولامـــن ضـمــاك ولاهـــواك إنفـكـاكـاا
ولوكل عمـري ضـاع ماادركـت لامـاك=أنــــا وعــمــري كـلــنــا مـــــن فــداكـــاا


صحـيـح خـيـر=
صحـيـح خـيـر مــن الـعــلاج الـوقـايـه=مـيــر المصـيـبـه لاوقـايــه ولاعـــلاج
لاتنصحـونـي كـــل" ابـخــص بـرايــه=وقـت النصايـح فــات والـيـوم محـتـاج
مابالنـصـايـح فــــود عــقــب الـنـهـايـه=عـقـب النهـايـه مابـهـا غـيـر الاحــراج
وبـعـض الوسـايـل ماتوصـلـك غـايــه=والصبر يقضي نوب مـن قـل الافـراج
ودرب الضـلالـه غـيـر درب الـهـدايـه=ولــكــل مـخـلــوق" بـدنـيــاه مـنــهــاج
ولا كــــل رمــــاي يـجــيــد الـرمــايــه=ولا كـــل عـــد نـــارده مــثــل هــــداج
والنـاس بـعـض الـنـاس مـثـل المـرايـه=يضحك بوجهك وان مشى منك هـراج
يبـحـث خـفـاك وعـنـك ينـشـر دعـايــه=ويجنـي عليـك بصحبتـه هـم وازعــاج
وانــا عـسـى المعـبـود يـجـبـر عـزايــه=ويشفيـك ياجـرح" ورى ظامـري لاج
مــن بـعــد مـاطّــول عـنــاي وشـقـايـه=وتهت ببحر همي وصارعت الامـواج
ويخضر يباس ارضي ويصفي سمايه=وتـنـام عيـنـن مــا اهتـنـت بالتـمـهـلاج

(عيني بعينك)=
عيـنـي تـسـرح يحبيـبـي بعينـيـك=وتنظـر بعينيـك الشقـا والسـعـادة
لك نظرتن تسهر عيونن تراعيك=ولك مبسمن يخلف حديث الولادة
خدك كما برق" ينوض بحواليـك=وشعرك كما ليلن كثيـف بسـواده
ياعيـون حـر" شابكينـه شبابـيـك=راعيه فرح بصيدتـه يـوم صـاده
ناري جفاك وجنتي لمست ايديك=ولولاي اخـاف الله عبـدك عبـاده
تفديك نورا وبوسي والهام تفديك=ومعـالـي الـزايـد ولـيـلـى حـمــادة
[/poem]

[كبرياء امراة]

سلمت الايادي
يعطيك العافيه